တၞၚ်သဳ၊ မေ (၉) ဗ္ဒိုပ်ထံၚ်ဂုက်ထုမ်ခါ ၊ဇြေန်ဖျူယှေန် (၄) မၞုံပ္ဍဲဂကောံကွာန် တုၚ်ဃောန်၊ ပွိုၚ်ဍုၚ်တၞၚ်သဳ၊ ရးဒေသဇၞော်တၞၚ်သဳဂှ် ဒးဒုၚ်ဗ္တိုက်လဝ် ပ္ဍဲဂိတုမေ (၈) ပယျာံဂယးပြဟ်ဟ်ဂှ်တုဲ လ္ပာ်ကံၚ်ဇြဳပၞာန် (၃) တၠချိုတ်တုဲ (၃) တၠဂွံလဝ်ဝပ်ရဂှ် ညးမစုက်ကဵု ဂကောံပံၚ်ကောံ PDF တံ ဟီုရ။ တ္ၚဲဏံ ပယျာံဂယး ၜိုတ် (၅) နာဍဳဂှ် ဂကောံဒပ်ပံၚ်ကောံစဵုဒၞါညးဍုၚ်ကွာန်တံ…
တၞၚ်သဳ၊ မေ (၉) ပ္ဍဲပွိုၚ်ဍုၚ်တၞၚ်သဳ၊ ရးဒေသဇၞော်တၞၚ်သဳ ပ္ဍဲဂိတုမေ (၇) ဂှ် ဂကောံ PDF ရပ်ဂွံလဝ် ကုညးမဇက်နၚ် လၟိဟ်ဓုပ်ခၞိက်ဘိၚ် (၂) ဠက်ပြၚ်တံရဂှ် ညးမကြပ်ကဵု ဂကောံ PDF တံ ဟီုရ။ ပ္ဍဲတ္ၚဲဂှ်ဝွံ ဂကောံဒပ်ဒမၠုက်တၞၚ်သဳ အဃောမတိတ်ကၠုၚ် ပရေၚ်ပြုပြေၚ်ပၞာန်ဂှ် ဟိုတ်နူဒှ်သၠေဟ်ပၟာ ကုမၞိဟ် (၃) တၠ ကေုာံ ဂၠုၚ်ဍောတ်မွဲဖ္ဍိုက်ဂှ်ရ…
မတ်မလီု၊ မေ (၈) ဝါဲဓာတ် ကပေါတ်ဇြဟတ်ပၠောပ်တံ မပါလုပ် ကပေါတ်ရပ်စပ်ပရေၚ်တဵုလွဳတံ ဟိုတ်နူၚုဟ်နှေန်ဇၞော်သၠုၚ်ဒၟံၚ်ဂှ်ရ ညးတဵုလွဳသတ်ဒူရေန်၊ သတ်ခဗုၚ် ကေုာံ သတ်မၚ်ဂုတ် မဒှ်သတ်ဆုသတ်ဒုန်အယုက်သၞာံဂၠိၚ်တံ ဒးဆေၚ်ဒၟံၚ်မုက်ကဵု ပွကျဟောံဗြံတံရဂှ် ညးမတဵုလွဳဒၟံၚ် သတ်ဆုသတ်ဒုန်သၞာံဂၠိၚ်တံ ဟီုရ။ ညးတဵုလွဳသတ်ဆုသတ်ဒုန်သၞာံဂၠိၚ်တံဝွံ အခါလၟုဟ်ဂှ် ၜိုန်ဒှ်ကာလသတ်ဆုသတ်ဒုန်ကီုလေဝ် ဗွဲကြဴဒပ်ပၞာန်သီအဝဵုတုဲ ဟိုတ်နူၚုဟ်ကပေါတ်ဗၞိက်ဇြဟတ်ပၠောပ်တံ သၠုၚ်တိုန်ကၠုၚ်ဂှ်ကီု၊ ၚုဟ်ကၠေၚ်စက်ဇၞော်သၠုၚ်တိုန်ဒၟံၚ်တံ မပါလုပ် သီုကဵုခရိတ်ပလံၚ်ဗစိုပ်ဇၞော်သၠုၚ်တိုန်ကၠုၚ်ဂှ်ရ ပရဲပရာဟွံမွဲတုဲ ထ္ၜးဒၟံၚ်ပွကျဟောံဗြံတံရ။ ၚုဟ်ဝါဲဓာတ်…
နျူဒေလဳ၊ မေ (၈) ပ္ဍဲတွဵုရးမဟာရာတ်(ယှ်)ထရာ (Maharashtra) ပလိုတ်ဍုၚ်အိန္ဒိယဂှ် ပပ္တံနူကၞောတ်ဂိတုမာတ်အိုတ်တုဲ ဟိုတ်နူဘဲဒဏ်ဓာတ်ကမ္တဴလောန်ကာဲတုဲ မၞိဟ် မဒးချိုတ်အာ (၂၅) တၠနွံတုဲ ဒှ်ပရေၚ်ချိုတ်ဂျိုၚ်သၠုၚ်အိုတ် အပ္ဍဲပွိုၚ် (၅) သၞာံလောန်ကၠုၚ်ဏံဂှ်ရ။ ဒၞါဲဒေသတၞဟ်သ္အာၚ် ဗ္ၜတ်ကမ္တဴ သၠုၚ်နူ (၄၀) ဒဳဂရဳသေဲသဳယာတ်တံဂှ်လေဝ် ပရေၚ်ချိုတ်ဂျိုၚ် သာဂၠိုၚ်မာန်ဂှ် သ္ဂးရ။ တၠပညာသိပ္ပံဂမၠိုၚ်ဂှ် ပ္ဍဲတမ်ရာသဳဥတုက္ညၚ်ဂှ် ဆက်စပ်ဒၟံၚ်ကဵု ရာသဳဥတုပြံၚ်သၠာဲတုဲ သတီုမၞိဟ် မၞုံပ္ဍဲအိန္ဒိယ…
(လောၚ်းလုံး) ၊ မေ (၈) ဗ္ဒိုပ်သၞေဟ်ကၚ်ဗၠာဲသၟိၚ်(သကျက်တော) နူကွာန်(သကျက်တော) ပွိုၚ်ဍုၚ်(လောၚ်းလုံး) ၊ ရးဒေသဇၞော်တၞၚ်သဳ ကြဴနူဒးဒုၚ်ဗ္တိုက်တုဲ ဒပ်ကံၚ်ဇြဳပၞာန်တံ ဗက်ဂၠါဲဒၟံၚ် ဒပ်စဵုဒၞါညးဍုၚ်ကွာန်တံ မွဲဒၞါဲဟွံသၟေဟ်ရဂှ် ညးဒေသတံ ဟီုရ။ ဇြဟတ်ဂကောံဒပ်ကံၚ်ဇြဳပၞာန် ၜိုတ် (၆၀) ဝွံ စပ္တံနူ ဂိတုမေ (၇) ပယျာံဂယးဂှ်တုဲ ပ္ဍဲကွာန် (သကျက်တော) မပါလုပ် သီုကဵုကွာန်ဗဒါဲဗဒါဲဂမၠိုၚ် ကေုာံ စဵုကဵုကွာန်…
မတ်မလီု၊ မေ (၈) ပေါဲသဳကၠဳ ပရေၚ်ၜိုဟ်လလမ် က္ဍိုပ်သ္ကိုပ်ပၞာန်သီအဝဵု သ္ကိပ်ပၞာန်ဇၞော် မေန်အံၚ်လှာၚ် မကော်ဘိက်လဝ်ဂှ် ဂကောံရပ်လွဟ်ကောန်ဍုၚ်အရၚ် ထ္ပက်လဝ်စၟတ်တဲ ပ္ဍဲလိက်ကသုက်ဒေါအ်ပန်ပှော် NCA (၅) ဂကောံ အာစိုပ်ဆဵုဂဗအာရောၚ် ညးမၞုံအခေါၚ်ဟီုဂး ဂကောံသ္ကိုပ်သ္က လၟေၚ်ကမၠောန် ပရေၚ်ၜိုဟ်လလမ် ဒေါအ်ပန်ပှော် PPST သ္ကိုပ်ဗိုလ်ဇၞော် သဝ်ကျဝ်ညောအ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ သွက်ဂွံဆဵုဂဗကဵု က္ဍိုပ်သ္ကိုပ်ပၞာန်ဂှ် ဂကောံသ္ကိုပ်သ္က…
မတ်မလီု၊ မေ (၈) အပ္ဍဲကာလယဲကပ်ကိုဝ်ဝေဒ် ကေုာံ ပၞာန်သီအဝဵုပွိုၚ်မွဲသၞာံပြၚ် မွဲကရောံကမၠောန်ပရေၚ်ပိုန်ဒြပ်ဂမၠိုၚ် ဒေါအ်ဇူကၠုၚ်ဂှ် ဟိုတ်နူဒးဒုၚ်ပတိတ်ထောံနူကမၠောန်တုဲ ညးဟွံခိုၚ်ကၠိုက် ဗဒါဲဖအိုတ် ကမၠောန်ကၟိတ်ဟွံမွဲ ဒှ်အာရဂှ် ညးမရေၚ်တၠုၚ်ရီုဗၚ်ကဵုဒၟံၚ် ညးဟွံခိုၚ်ကၠိုက်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။ အတိုၚ်လိက်သုတေသနတံမ္ဂး ပ္ဍဲကဵုညးဟွံခိုၚ်ကၠိုက်ကၟိန်ဍုၚ် (၁၅) တၟံကၠံဂှ်ဝွံ လုပ်စိုပ်ကၠောန်ဒၟံၚ်ကမၠောန် ပ္ဍဲသွာၚ်မဆေၚ်စပ်နာနာတံအိုတ်ရ။ ဆ္ဂး အပ္ဍဲကာလယဲကပ်ကိုဝ်ဝေဒ် ကေုာံ ပၞာန်သီအဝဵုပွိုၚ်မွဲသၞာံပြၚ် ဟိုတ်နူကမၠောန် ပရေၚ်ပိုန်ဒြပ်တံ…
မတ်မလီု၊ မေ (၇)သၞောဝ်ဥပဒေသ္ဇိုၚ် ဒက်ပ္တန်ကၟိန်ဍုၚ်ပံၚ်ကောံဖေဝ်ဒရာ ကေုာံ သၞောဝ်ဥပဒေသ္ဇိုၚ် ဒက်ပ္တန်ဍုၚ်မန်ဂှ် ကၠုၚ်စိုပ် အပ္ဍဲပွိုၚ် (၆) ဂိတုဏံ ညံၚ်ဂွံချူခၞံဒတုဲ သ္ဂုတ်သွာတ်လဝ် ပ္ဍဲကောံဓရီုပရေၚ်ဂကူမန်ရောၚ် ညးမၞုံအခေါၚ်ဟီုဂး ကောံဓရီုပရေၚ်ဂကူမန် သၞာံ (၂၀၂၂) နာဲဝဏ္ဏမာန် ဟီုကဵုဌာန်ပရိုၚ်သြၚ်လောန်တိုၚ်(မ်) ရ။ သွက်ဂွံချူခၞံ သၞောဝ်ဥပဒေသ္ဇိုၚ် ကၟိန်ဍုၚ်ပံၚ်ကောံဖေဝ်ဒရာ ကေုာံ သၞောဝ်ဥပဒေသ္ဇိုၚ် ဍုၚ်မန်ဂှ် ဒက်ပ္တန်လဝ် ကမ္မတဳပရေၚ်ချူခၞံပ္ညဳပ္ညပ် နကဵုညးစၞး…
မတ်မလီု၊ မေ (၁) ပ္ဍဲတက္ကသဵု မတ်မလီု ကံၚ်ဇြဳပၞာန် သီအဝဵုတံ မပံက်အာဂှ် သွက်ဂွံတိုန်ဘာ ကွးဘာတၟိ (၁၀၀၀) ပြၚ် ကၠုၚ်ပအပ်လဝ်ရဂှ် အ္စာ၊အ္စာၝောံ Non CDM နူတက္ကသဵုတံ ဟီုရ။ ကံၚ်ဇြဳပၞာန်ဝွံ စၟံစၟံတက္ကသဵု ကေုာံ ကဝ်လိက်တံဂှ် ကၠုၚ်စိုပ်ဂိတုမေ (၁၂) ဏံ သွက်ဂွံပံက်အာဂှ် ပလေဝ်ပလေတ်လဝ်တုဲ ဒုၚ်အာတဲပအပ်ဘာ ကုကွးဘာ မတိုန်စိုပ်…
(လောင်းလုံး)၊ မေ (၁) ပ္ဍဲကွာန်(သောကြာပြင်) ၊ ပွိုင်ဍုင်(လောင်းလုံး)၊ ရးတၞၚ်သဳ ပ္ဍဲပွမဖံက်ဗ္တိုဟ်ဗုမ် သ္ၚိဒၟံၚ်သ္ကိုပ်အုပ်ဓုပ်ဂှ် နကဵုတၚ်စောတ်စောဲ ပါလုပ်လဝ်ဂးတုဲ ညးဍုၚ်ကွာန် ဒးဒုၚ်ရပ်လဝ် (၂) တၠဂှ် ကံၚ်ဇြဳပၞာန် ဖျေံစၟတ်အမိၚ်ဒဏ်ထံၚ်လ္အိတ်အာယုက်ရဂှ် ဇာဇၞိက်ကောန်ထံၚ်ပရေၚ်ဍုၚ်ကွာန်ထဝါဲ ( DPPN) လလောၚ်ပ္တိတ်လဝ်ရ။ ညးဒးဒုၚ်ဖျေံအမိၚ် ဒဏ်ထံၚ်လ္အိတ်အာယုက်တံဂှ်ဝွံ ဒှ်ဥူသဝ်ယှိုဲ ကေုာံ ကိုဝ်သဵုမေန်ထိုဲ နူကွာန် (သောကြာပြင်) တံတုဲ ပ္ဍဲဂိတုဨပရဴ…
sanlontai