စပ်ကဵု အမာတ်ကလုတ်ကုလ ဥူကျဝ်မိုဝ်ထောန်တုဲ ရဲထံက်ဂလာန်ဒပ်ပၞာန်တံ တြးပရိုၚ်ဗၠေတ်

ဒး၊ ဗၠေတ်

မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။

တ္ၚဲဏံ ပရူပရာ မပါလုပ်ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ဒၟါနူဟွံကဵုအခေါၚ်လုပ် ကုညးတာလျိုၚ် အလဵုအသဳ NUG တံကဵု အမာတ်ကလုတ် ဥူကျဝ်မိုဝ်ထောန်တံ အပ္ဍဲစမြိုၚ်ကုလသမဂ္ဂဂှ်တုဲ ဒးကၠောန်ဒၟံၚ်ပေါဲသဳကၠဳ ပ္ဍဲဆေၚ်ဍာ်လက်ဖက်” ဂှ် စၟဳတ်ကဵုအာရောၚ် မဒှ်ရ။

ပရူပရာဏံဂှ် ပ္ဍဲဂိတုသေပ်တေမ်ဗာ ၂၄ တေံ နူကဵုထလဳဂရာမ်ချာန်နေဝ် Ba Nyunt, မှိုၚ်ဝေ၊ Han Nyein Oo, Saw Ba Maung, အကြာပ်ဒပ်ဖိုဝ်သဳတံဂှ်ကီု သီုကဵုပ္ဍဲ Tiktok တံဂှ် တြးဝါဒ ချူတြးဒၟံၚ်ရ။

စပ်ကဵုပရူပရာ မပါလုပ် ပ္ဍဲပသ်ထ် အကံက်ပ္တောံရဲထံက်ဂလာန်ဒပ်ပၞာန်တံ မတြးဒၟံၚ်ဂှ်တုဲ နူကဵုသြၚ်လောန်တိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ် တြးဝါဒမွဲဂှ် စၟဳတ်ဂွံဆဵုကေတ်ရ။

လၟေၚ်ဒဒှ်ဍာံဂှ် ဒှ်ဒၟံၚ်ဗီုဓာတ် သမ္မတတဳမဝ်ဗၟံက် Jose Ramos Horta ကေုာံ ကောန်ဂကောံအလဵုအသဳညဳသၟဟ်ဂကူ NUG ဂမၠိုၚ် မစိုပ်ဒၟံၚ် ဍုၚ်နျူယျံက်၊ ကၟိန်ဍုၚ်အမေရိကာန် သွက်ဂွံတိုန်စိုပ်ကောံဓရီုကုလသမဂ္ဂ မရနုက်ကဵု ၇၈ ဝါ ပ္ဍဲဂိတုသေပ်တေမ်ဗာ ၂၁ အခိၚ်ဇိုၚ်သဝ်တ္ၚဲဂှ်တုဲ ဆဵုဂဗသဳကၠဳဒၟံၚ်ညးသ္ကအ် ပ္ဍဲမ္ၚးကောံဓရီုကုလဂှ် စၟဳတ်ဂွံဆဵုကေတ်ရ။

သဳကၠဳဒၟံၚ် ကိစ္စပရေၚ်ထံက်ဂလာန် ဍုၚ်သ္အာၚ်တံကီု၊ ကိစ္စသ္ဂောံဆက်ကၠောန်အာဂတ ကုတဳမဝ်ဗၟံက်တံဂှ်တုဲ နူကဵုအလဵုအသဳ NUG ဂှ် ဝန်ဇၞော်ကာဍုၚ်သ္အာၚ် ဒဝ်ဇြေန်မာအံၚ်၊ အမာတ်ကလုတ်ဍုၚ်ဗၟာ စပ်ကဵုကုလသမဂ္ဂ ဥူကျဝ်မိုဝ်ထောန်၊ ဒုဝန်ဇၞော်ကာဍုၚ်သ္အာၚ် ဥူမိုဝ်ဇြဝ်ဥူ၊ ဝန်ဇၞော်ပရေၚ်ပညာ ကေုာံ ပရေၚ်ထတ်ယုက် ဒံက်တာဇြဝ်ဝေသဵု၊ ဒုဝန်ဇၞော်အခေါၚ်အရာမၞိဟ် ဥူအံၚ်ကျဝ်မိုဝ်တံလေဝ် ပါလုပ်ဒၟံၚ် ပ္ဍဲပေါဲသဳကၠဳဂှ်ကီုဂှ် ထ္မံက်ထ္ၜးလဝ် ပ္ဍဲဌာန်ပရိုၚ် RFA ဂှ် စၟဳတ်ဂွံဆဵုကေတ်ရ။

ဒဵုကဵုအခိၚ်လၟုဟ် ဂကောံစၟဳတ်ညးစၞးကုလဂှ် ဟိုတ်နူဟွံကၠောန်ကောံဓရီုဏီဂှ်ရ ဥူကျဝ်မိုဝ်ထောန်ရ ဆက်တုဲနွံအာ ပ္ဍဲကုလသမဂ္ဂ နဒဒှ်ညးစၞးဍုၚ်ဗၟာရောၚ်ဂှ် ဥူကျဝ်မိုဝ်ထောန် အမာတ်ကလုတ်ဍုၚ်ဗၟာ စပ်ကဵုကုလသမဂ္ဂ ဟီုလဝ်ဂှ် စၟဳတ်ဂွံဆဵုကေတ်ရ။

ဌာန်ပရိုၚ် RFA ထ္မံက်ထ္ၜးလဝ်ဂှ်

https://shorturl.at/kqDO7

ဒဝ်ဇြေန်မာအံၚ် ဝန်ဇၞော်ကာဍုၚ်သ္အာၚ် အလဵုအသဳ NUG ထ္မံက်ထ္ၜးလဝ်ဂှ်

https://shorturl.at/dgy04

ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “ဟွံကဵုအခေါၚ်လုပ် ကုညးတာလျိုၚ် အလဵုအသဳ NUG တံကဵု အမာတ်ကလုတ် ဥူကျဝ်မိုဝ်ထောန်တံ အပ္ဍဲစမြိုၚ်ကုလသမဂ္ဂဂှ်တုဲ ဒးကၠောန်ဒၟံၚ်ပေါဲသဳကၠဳ ပ္ဍဲဆေၚ်ဍာ်လက်ဖက်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)