ဒး၊ ဗၠေတ်
မ္ၚဵုရအဴ။ ဒုၚ်တၠုၚ်ဏာ နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံရအဴ။ ကြဴနူဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ဒး မပြးထၞာန်ဒၟံၚ် လ္တူဇာဇၞိက်ပရေၚ်မၞိဟ်တံဂှ် နူကဵုအစဳဇန်ဒးဗၠေတ် သြၚ်လောန်တိုၚ်(မ်) ပိုယ်တံဏံ စၟဳစၟတ်ကဵုအာဏောၚ် မဒှ်ရအဴ။
တ္ၚဲဏံ ပရူပရာမပါလုပ် ပ္ဍဲဗီုဓာတ် “လိက်အမိၚ်ပ္တောံ ပလီုကၠေံသြန်စက္ခူ တၞး ၅၀၊ ၁၀၀ နူကဵုသြန်မလုပ်သၞောဝ်” ဂှ် စၟဳတ်ကဵုအာဏောၚ် မဒှ်ရ။
ပရူပရာဏံဂှ် ပ္ဍဲဂိတုသေပ်တေမ်ဗာ ၂၉ တေံ ချူတြးလဝ်ဝါဒ ပ္ဍဲကဵုဇာဇၞိက်ပရေၚ်မၞိဟ် ဝှေတ်ဗော်၊ ထလဳဂရာမ်ချာန်နေဝ်တံကဵု ပ္ဍဲကဵု Tiktok တံရ။
စပ်ကဵုပရူပရာ မပါလုပ် ပ္ဍဲပသ်ထ်ဂှ်တုဲ နူကဵုသြၚ်လောန်တိုၚ်(မ်) စၟဳတ်စမ်ရံၚ်ဂှ် ဒဒှ်ရဒှ်ဒၟံၚ်ပရိုၚ်ဗၠေတ်တြးဝါဒမွဲဂှ် စၟဳတ်ဂွံဆဵုကေတ်ရ။
ပရေၚ်ရုပ်သီအာ သြန်စက္ခူတံဏံ နူကဵုသြန်လုပ်သၞောဝ်ဏောၚ်ဂှ်ဝွံ ဒဒှ်ရဒှ်လိက်အမိၚ်ပ္တောံဂှ် ဂကောံလလောၚ်ပရိုၚ်ကံၚ်ဇြဳပၞာန်တံလေဝ် ပ္ဍဲဂိတုသေပ်တေမ်ဗာ ၃၀ တေံ နူကဵုဌာန်ပရိုၚ် သၟဝ်တဲဒပ်ပၞာန်တံ လလောၚ်ပ္တိတ်လဝ်ပရိုၚ်ရ။
သ္အာၚ်နူဂှ်ပၠန် ဌာန်ပရိုၚ်ပတှ်ေဖျေံစိုတ်ဂွံတံဂှ်လေဝ် ပရူပရာဏံဂှ်ဝွံ ဒဒှ်ရဒှ်ပရိုၚ်ပ္တောံဂှ် ချူပ္တိုန်လဝ်ပရိုၚ်ညးသ္ကအ်အိုတ်ရ။
ဌာန်ပရိုၚ် BURMAVJ ထ္မံက်ထ္ၜးလဝ်ဂှ်
ဌာန်ပရိုၚ် DAWEI WATCH ထ္မံက်ထ္ၜးလဝ်ဂှ်
ဟိုတ်နူတၚ်နၚ်တံဏံတုဲ ပရူပရာ မပါလုပ် ပ္ဍဲဗီုဓာတ် ရဲထံက်ဂလာန်ဒပ်ပၞာန်တံ မတြးဒၟံၚ် “လိက်အမိၚ်ပ္တောံ ပလီုကၠေံသြန်စက္ခူ တၞး ၅၀၊ ၁၀၀ နူကဵုသြန်မလုပ်သၞောဝ်” ဂှ်ဝွံ ဒဒှ်ရဒှ်ဆပရိုၚ်ဗၠေတ် တြးဝါဒမွဲဂှ် နူကဵုသြၚ်လောန်တိုၚ်(မ်) စၟဳစၟတ်ကဵုလဝ် သွက်ပုရိသာတ်သြၚ်လောန်တိုၚ်(မ်) ပိုယ်တံရ။
သြၚ်လောန်တိုၚ်(မ်)