ကျာ်မြဟ်၊ အံက်တဝ်ဗာ (၂၀)
တွဵုရးဍုၚ်မန်၊ ပွိုၚ်ဍုၚ်ကျာ်မြဟ်၊ ပ္ဍဲကွာန်(ဖက်တေကုန်း)ဂှ် ပ္ဍဲဂိတုအံက်တဝ်ဗာ၊ စၟတ်တ္ၚဲ (၁၈) အခိၚ်သဝ်တ္ၚဲ ၜိုတ်(၄)နာဍဳဂှ် မၞိဟ်တြုံတၠဆေၚ်ဖျာမွဲတၠ ဒးဒုၚ်ပန်ဂစိုတ်ကဵုသေနာတ်တုဲ ချိုတ်အာလဝ်ရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
တၠဆေၚ်ဖျာဗၞိက်စုၚ်ကိုဝ်မံၚ်ၚ် အာယုက် (၄၀)သၞာံဂှ် အခိၚ်နွံမံၚ် ပ္ဍဲဆေၚ်ဂှ် မၞိဟ်တြုံၜါတၠ ကၠုၚ်နကဵုကွဳလိုန်ဓါတ်တုဲ လုပ်စိုပ်ပန်ပှော်ဏာလဝ်ရ။
ဟိုတ်နူဒးဒုၚ်ပန်ပှော်လဝ်ကဵုသေနာတ် ကြပ်ပ်ဂှ်ရ ဥူမံၚ်မံၚ်ဂှ် က္လိဂွံလဝ်ဘဲဝပ်မကမ် ပ္ဍဲသြိုဟ်ကေုာံဗုၚ် (၂)လစုတ်တုဲ ချိုတ်အာလဝ် ပ္ဍဲဒၞါဲဒှ်ပရူဂှ်ရဂှ် ဂွံတီကေတ်ရ။
ဇွဥူမံၚ်မံၚ်ချိုတ်အာလဝ်ဂှ် နကဵုအရီုအဗၚ်ညးဒေသတံ ပလံၚ်ဗ္စိုပ်ဏာလဝ် ရုၚ်ဂဥုဲကျာ်မြဟ်တုဲ တ္ၚဲဏံ ဂိတုအံက်တဝ်ဗာ စၟတ်တ္ၚဲ(၁၉) အခိၚ်လ္ဒေါဝ်တ္ၚဲ (၁)နာဍဳဂှ် စံၚ်လဝ်ရ။
အတိုၚ်လဟီုညးဒေသတံမ္ဂး အပါကိုဝ်မံၚ်မံၚ်တံဂှ် ဒှ်ညးယိုက်ဂၠေၚ်လဝ်တာလျိုၚ်ပၞာန်တြေံမွဲတၠတုဲ ညးမဒှ်ကောဂှ်လေဝ် ဒှ်ကောန်ဂကောံဒပ်ဗၠာဲသၟိၚ်မွဲတၠတုဲ ညးဂှ် ဟိုတ်နူကဵုမံၚ်ပရိုၚ်ဇရေၚ်ကံၚ်ဇြဳပၞာန်တံတုဲ ဒှ်ညးဂကောံဇြဟတ်ပၠန်ဂတးတံ ကဵုလဝ်သတိ စဵုကဵု (၃)ဝါရဂှ် သ္ဂးအိုတ်ရ။
ကိုဝ်မံၚ်မံၚ် ဒးဒုၚ်စၟတ်လဝ် နဒဒှ်ညးကဵုပရိုၚ်ဂှ် ဂကောံလဵု ပန်ပှော်ပသောၚ်လဝ်ရောဟီုဂှ် စဵုကဵုအခိၚ်လၟုဟ် လလောၚ်ပ္တိတ်လဝ်ဂှ် ဟွံဂွံဆဵုကေတ်ဏီရ။
တုဲကၠုၚ်ပ္ဍဲဂိတုအဝ်ဂါတ်တေံ ပ္ဍဲပွိုၚ်ဍုၚ်ကျာ်မြဟ် အကြာကွာန်ကအ်ခလုၚ် ကေုာံ ကွာန်ကျာအေန်ချံၚ်ဂှ် သ္ကိုပ်အုပ်ဓုပ်ကွာန်ကအ်ခလုၚ် စဴကၠုၚ်သ္ၚိကဵုကွဳစက်ကာဂှ် ဒးဒုၚ်ပန်ပှော်လဝ်ကဵု သေနာတ်ဏီရ။
ပရိုၚ်-သြၚ်လောန်တိုၚ်မ်
ဗီု-CJ
sanlontai