ဝါယှေန်တာန်၊ ဖေဖဝ်ဝါရဳ ၂၈
အပ္ဍဲသတ္တာဟကၠုၚ်စိုပ်ဏံ သမ္မတအမေရိကာန် ဂျဵုဗိုၚ်ဒေန် သွက်ဂွံဂွံတၚ်တုပ်စိုတ် စပ်ကဵုပရေၚ်ပန်ပှော် ပ္ဍဲဂါဇြာဂှ် စၟဳစလဝ်ရောၚ် ဟီုလဝ်ရ။
ပ္ဍဲတိဍာ်ပါလက်သတိုၚ် အခိၚ်အကာဲအရာပရေၚ်ဗ္စာရဏာမၞိဟ်တံ ပရေံဒၟံၚ်ဂှ် အဳဂျေတ်၊ ကာတာ၊ အမေရိကာန်၊ ပြၚ်သေတ် ကေုာံ ဍုၚ်တၞဟ်သ္အာၚ်တံ ဂိုတ်ဂ္စါန်ဒၟံၚ် သွက်ဂွံလုပ်သောၚ်ကလးအကြာ အေဿရေ ကေုာံ ဟာမာသ်ဂှ်တုဲ ကၠောန်ၜိုတ်ဒၟံၚ် ညံၚ်ပရေၚ်ဗ္တိုက်တံ ဂွံဒေါအ်ဒေၚ်အာ ကေုာံ ညံၚ်ညးဒးဒုၚ်သ္ပဒၞန်တံ ဂွံကလေၚ်ဗၠးၜးဂှ်ရ။
ပ္ဍဲကဵုတၚ်တုပ်စိုတ်ဏံဂှ် အေဿရေဂှ် ကောန်ထံၚ်ပါလက်သတိုၚ် ညးတံ ရပ်လဝ် ဂၠိုၚ်ကဵုကၠံဂှ် ဒးဗလးကဵုဏောၚ်တုဲ ဟာမာသ်ဂှ်လေဝ် ညးဒးဒုၚ်ရပ်လဝ် ပ္ဍဲတဲညးတံဂှ် ဒးကလေၚ်ဗလးကဵုဏောၚ် မဒှ်ရ။
သမ္မတအမေရိကာန် ဂျဵုဗိုၚ်ဒေန်ဂှ် ပ္ဍဲတ္ၚဲစန်ကၠုၚ်စိုပ်ဏံ ကလိဂွံအာတၚ်တုပ်စိုတ် ဒေါအ်ပန်ပှော်ဏောၚ်ဂှ် စၟဳစလဝ်ရောၚ် ဟီုလဝ်ရ။
သ္အာၚ်နူဂှ်ပၠန် တၚ်သၟာန် သ္ဂောံဂွံတၚ်တုပ်စိုတ် ကြပ်ဒၟံၚ်ယျဟာဂှ်လေဝ် ဗိုၚ်ဒေန်ဂှ် သၞာဲဒဴကဵုကသပ်ပရေၚ်ဂီုကၠီုပိုယ်တံ ဟီုလဝ် သ္ဂောံဂွံတၚ်တုပ်စိုတ် ကြပ်ဒၟံၚ်ယျရောၚ် မဒှ်ရ။ ဆ္ဂး ဟွံတုဲဒှ်ဏီပုဟ်ဂှ်လေဝ် သှ်လဝ်ရ။
ဂကောံဟာမာသ် အုပ်ဓုပ်ဒၟံၚ်ဂါဇြာဟွံပါမွဲသာ် ညးစၞးဂမၠိုၚ်ဝွံ ကြဴနူဆဵုဂဗသဳကၠဳလဝ် ပ္ဍဲပါရဳ ပ္ဍဲသတ္တာဟတုဲကၠုၚ်တေံတုဲဂှ် ပရိုၚ်ကလိဂွံတၚ်တုပ်စိုတ် မံက်တိတ်ဒၟံၚ်ရ။
ကြဴနူပေါဲသဳကၠဳပါရဳတုဲဂှ် အဳဂျေတ်၊ ကာတာ ကေုာံ အမေရိကာန်တံဝွံ ထပ်သဳကၠဳလဝ် ပ္ဍဲဍုၚ်ဒိုဝ်ဟာတုဲ ပ္ဍဲကဵုပေါဲသဳကၠဳဂှ် ညးစၞးဟာမာသ်တံလေဝ် တိုန်စိုပ်လဝ်ဂှ် ဌာန်ပရိုၚ်အဳဂျေတ်တံ ထ္မံက်ထ္ၜးလဝ်ရ။
အေဿရေဂှ်တှ်ေ ဂွံဆုတ်ကလေၚ်နူဂါဇြာ ပ္တိုန်ထ္ၜးသဳကၠဳလဝ်ဟွံမွဲပုဟ်ဂှ် ဂွံတီကေတ်ရ။
Ref: AFP