မာန္တလေဝ်၊ ဨပရဴ ၆
ပ္ဍဲထံၚ်အိုဝ်ဗိုဝ် ရးမာန္တလေဝ်ဂှ် ဟိုတ်နူဘဲတိချဳတုဲ မၞိဟ် ၁၂ တၠ ချိုတ်အာတုဲ ပ္ဍဲကဵုဏံ ညးဗြဴကောန်ထံၚ်ပရေၚ်ဍုၚ်ကွာန်တြဴတၠ ပါလုပ်ဒၟံၚ်ရောၚ် ဇာဇၞိက်ကောန်ထံၚ်ပရေၚ်ဍုၚ်ကွာန် PPNM သ္ပဒတန်လလောၚ်ပ္တိတ်လဝ်ရ။
ညးဗြဴကောန်ထံၚ်ပရေၚ်ဍုၚ်ကွာန် တြဴတၠဂှ်ဝွံ ဟိုတ်နူတိချဳ ဇၞော်ကုဇြဟတ် မက္တဵုဒှ်အာလဝ် ပ္ဍဲဂိတုမာတ် ၂၈ တေံဂှ်တုဲ ထံၚ်ညးဗြဴ ဗ္ဒမ် ၁ ကဵု ဗ္ဒမ် ၂ သရိုဟ်စှ်ေအာတုဲ ဒးချိုတ်အာလဝ်ရ။
ညးဗြဴကောန်ထံၚ်ပရေၚ်ဍုၚ်ကွာန် တြဴတၠ မဒးချိုတ်အာဂှ် ဒှ် မသဵုတူဇြာခိုၚ်၊ ဒဝ်လေအ်အ်သဵု၊ ဒဝ်ခေန်အုၚ်ယှိုဲ၊ မကေကေဝေန်၊ မပပဝေန်ကဵု မဖူဝေဝေ တံရောၚ် PPNM သ္ပဒတန်လဝ်ရ။
ဟိုတ်နူဘဲတိချဳတုဲ ဗ္ဒမ်ပ္ဍဲကဵုထံၚ်အိုဝ်ဗိုဝ် ပန်မ သရိုဟ်စှ်ေလီုလာ်အာလဝ်တုဲ အပ္ဍဲကဵုဏံ ညးဇီုကပိုက်ကလိဂွံဝပ် ၄၀ ပြၚ်ဝွံ ဒးဂဗဒၟံၚ်ကဵု အကာဲအရာဟွံဂွံလွဳယဲတံဂှ်ရောၚ် PPNM လလောၚ်ပ္တိတ်လဝ်ရ။
အတိုၚ်တၚ်နၚ် ကံၚ်ဇြဳပၞာန်မ္ဂး စဵုကဵုဂိတုဨပရဴ ၄ အခိၚ်ဇိုၚ်သဝ်တ္ၚဲဂှ် ဟိုတ်နူဘဲဒဏ်တိချဳတုဲ အလုံဍုၚ်မွဲ ညးဒးချိုတ်အာ ၃၃၅၄ တၠ၊ ညးကလိဂွံဝပ် ၄၅၀၈ တၠ ကေုာံ ညးမကၠေံအာ ၂၂၀ တၠ နွံရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−Social Media