မတ်မလီု၊ မေ ၁၁
ဂၠံၚ်ကွဳပၟတ်ဒးဒုၚ်ခတိုဟ်လဝ်မာၚ်ဂှ် ကလေၚ်ပလေဝ်တုဲဒှ်အာဂှ်ရ လၟေၚ်တရဴကွဳပၟတ်လ္ဂုၚ်−မတ်မလီုဂှ် စနူဂိတုမေ ၁၀ တုဲ ကလေၚ်ဓရိပ်ဒၟံၚ်ယျ သာ်ဝွံ သၞေဟ်ကွဳပၟတ်မတ်မလီု ကဵုသမ္တီလလောၚ်ပ္တိတ်လဝ်ရ။
ဒဒန်ဂၠံၚ်ကွဳပၟတ် စၟတ် ၆၅ နွံအကြာသၞေဟ်ကွဳပၟတ် (နှၚ်းပုလဲ) ကဵု (တောၚ်စွန်း) မဒှ်သ္ကုတ်ဂၠံၚ်ကွဳပၟတ် လ္ဂုၚ်−မတ်မလီု မၞုံအပ္ဍဲပွိုၚ်ဍုၚ်ၜဳကလေၚ် တွဵုရးဍုၚ်မန်ဂှ်ဝွံ ပ္ဍဲဂိတုမေ ၅ အခိၚ်ဇိုၚ်သဝ်တ္ၚဲဂှ် ဒးဒုၚ်ခတိုဟ်လဝ်မာၚ်ရ။
ကြဴနူကလေၚ်ပလေဝ် ဒဒန်ဂၠံၚ်ကွဳပၟတ် မဒးဒုၚ်ခတိုဟ်လဝ်မာၚ်ဂှ် ပွိုၚ်ပန်တ္ၚဲတုဲဂှ် ကလေၚ်ဓရိပ်ဒၟံၚ် လၟေၚ်တရဴကွဳပၟတ်ယျဂှ် လလောၚ်တြးလဝ်ရ။
ညးတာလျိုၚ် ဌာနကွဳပၟတ်ဍုၚ်ဗၟာ မွဲတၠဂှ်လေဝ် ကလေၚ်ဓရိပ်အာ လၟေၚ်တရဴကွဳပၟတ်ဂမၠိုၚ် အတိုၚ်သၞောတ်တြေံဏောၚ်ဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကြဴနူဂၠံၚ်ကွဳပၟတ်လ္ဂုၚ်−မတ်မလီု ဒးဒုၚ်ခတိုဟ်မာၚ်တုဲ နူဂိတုမေ ၆ စဵုကဵုဂိတုမေ ၉ ဂှ် ဒးပလီုကၠုၚ်လဝ် လၟေၚ်တရဴကွဳပၟတ် မတ်မလီု−လ္ဂုၚ်၊ လ္ဂုၚ်−မတ်မလီု ပွိုၚ်ပန်တ္ၚဲရ။
ဒးဒုၚ်ပလီုလဝ် လၟေၚ်တရဴကွဳပၟတ် ဗွဲယာယဳတုဲ နကဵုညးရာန်လဝ်စၟတ်တဲ သွက်ဂွံဍိုက်ပါဗက် ပ္ဍဲလၟေၚ်တရဴဂှ်ဂမၠိုၚ် ပ္ဍဲသၞေဟ်ကွဳပၟတ်လ္ဂုၚ်ကီု ပ္ဍဲသၞေဟ်ကွဳပၟတ်မတ်မလီုကီုဂှ် ကလေၚ်လေဲကဵုဒၟံၚ်ၚုဟ်စၟတ်တဲဂမၠိုၚ်ရ။
စၟတ်တဲကဆံၚ်လ္တူ သွက်လၟေၚ်တရဴကွဳပၟတ် လ္ဂုၚ်−မတ်မလီု၊ မတ်မလီု−လ္ဂုၚ်တံဂှ် ပြဟ်ဒုၚ်နူမွဲတ္ၚဲ စဵုကဵုပိတ္ၚဲတုဲ ရာန်ကေတ်မာန်တုဲ စၟတ်တဲကဆံၚ်ဓမ္မတာတံဂှ်တှ်ေ ပြဟ်ဒုၚ်မွဲတ္ၚဲတုဲရာန်ကေတ်မာန်ရောၚ် သၞေဟ်ပၟတ်မတ်မလီု လလောၚ်တြးလဝ်ရ။
ပရိုၚ်−သြၚ်လောန်တိုၚ်(မ်)
ဗီုရုပ်− CJ