တဳဟဳရာန်၊ အဝ်ဂတ် ၂၀
ပွိုၚ် ၂၀ တ္ၚဲ ပေါဲပၞာန်ဒှ်လဝ်တုဲ ပြဟ်ဟ်ဏံ အကာဲအရာပေါဲဗတိုက်ဟၟဲ ဆၜိုတ်ဒေါအ်လဝ်ဗွဲယာယဳဓဝ်ဟေၚ် ညးတာလျိုၚ်အဆံၚ်လှုၚ် အဳရာန်မွဲတၠ ပ္ဍဲအဝ်ဂတ် ၁၈ ဟီုဏာတုဲ ကဵု အေတ်သရေ အခိင်ဟွံရုဲ ပေါဲပၞာန် ကလေၚ်စဒှ်ကၠုင်မာန်ရောၚ် ကဵုဏာသတိရ။
“သွက်ပရေင်ဇီုကပါ် ဇၟာပ်ပ်အခိၚ် ပိုဲတံ ဒးပလေဝ်စလဝ်ဏောင်၊ ပြဟ်ဟ်ဏံ အပ္ဍဲပိုဲ တင်တုပ်စိုတ် ပရေၚ်ဒေါအ်ပန်ပှော် ဟၟဲဏီပုဟ်၊ ပ္ဍဲအကာဲအရာ ဒှ်မံၚ်သၞတင်ညးသ္ကံဏံ ပိုဲတံ ဆၜိုတ်ဒေါအ်လဝ်ပန်ပှော်ရ” သာ်ဝွံ ဒုသမ္မတ အဳရာန် မိုဟာမက် ရီဇာ အာရက်ဖ်က ဟီုရ။
ပေါဲဗတိုက်ပ္ဍဲဂိတုဂျောန်တေံ ရုင်စက်နျူကလဳယာအဳရာန်တံကဵု ဒၞာဲဆေင်စပ်ကဵု ပၞာန်သၟးဟွံက ဒၞာဲဒေသမၞိဟ်တံနွံမံၚ်တံဂှ်လေဝ် နကဵုပၞာန်ကျာ အေတ်သရေ ဟိုတ်နူဗတိုက်လဝ်ဂှ် သ္ကိုပ်ဒပ်အဆံၚ်လှုၚ်တံကဵု တၠပညာသိပ္ပံ နျူကလဳယာတံကီု မၞိဟ် ၁၀၀၀ ပြၚ် ဒးချိုတ်လဝ်ရ။
အဳရာန် ဟိုတ်နူ ကလေၚ်ဗတိုက်ကဵု ကမ်လှောဝ်ကဵု ဒရုင်တံတုဲ အေတ်သရေတံ မၞိဟ်ဒါဇြေင်ဗွဲမဂၠိုင် ချိုတ်လဝ်ကီုရ။
ရုၚ်စက် နျူကလဳယာ အဳရာန် ဒးဒုင်ကြဳဗုမ်ဗတိုက်ဏာတုဲ ခြာၜါတ္ၚဲ ပ္ဍဲဂျောန် ၂၄ ဂှ် ပရေင်ဗတိုက်မံင်တံ ဒေါအ်အာယျ အမေရိကာန် လလောင်တြးရ။
ဆဂး ပရေၚ်ဒေါအ်ပန်ပှော် လုပ်သၞောဝ် တုပ်လဝ်စိုတ်ဟွံသေၚ်ကီုလေဝ် နကဵုဗီုပြင်သ္ပသၞတင်တုဲ လလောၚ်တြးလဝ်ဟွံသေၚ် ဆၜိုတ်ဒေါအ်ဒေင်လဝ်ဟေင် မဒှ်ရ။
ညးကဵုကသပ်ပၞာန် ကုက္ဍိုပ်သ္ကိုပ်အဳရာန်ဇၞော်အိုတ် အယာတိုလာ အလီခါမေနဳ နကဵုယာဟာ ရာဗၚ် ဆာဖာဗဳဝွံ သွက်အကာဲအရာဍုၚ်ဇကု အနာဂတ်ပရေအ်အိုတ်တေံ ပလေဝ်ပလေတ်စလဝ်ရ ပ္ဍဲအဝ်ဂတ် ၁၇ ဂှ် ဟီုကဵု မဳဒဳယာ အဳရာန်ရ။
အကြာဇကုကဵု အေသရေတံ မုပရေၚ်တုပ်စိုတ်၊ မုစေဝ်ပၞောန်စၟတ်လဝ်တံဟၟဲကီု ကဵုအေတ်သရေဂှ် တင်တုပ်စိုတ်မွဲသာ်မှဟၟဲပုဟ် က္ဍိုပ်သ္ကိုပ်အဆံင်လှုၚ် ဟီုလဝ်ရ။
ကိုန်အစဳဇန် နျူကလဳယာ အဳရာန်တံဂှ် သွက်ပရေၚ်ၜိုဟ်လလမ်သက်က်ရောင် ဟီုကီုလေဝ် တဳဟဳရာန် ဂစာန်ပတိတ်မံင် ဗုမ်နျူကလဳယာတံရောင် ဍုင်ဇြဟတ်ဇၞော် ဂၠးကဝ်ဂမၠိုၚ် သံသယနွံမံင်ရ။
နကဵုအဳရာန် သွက်ဂွံပတိတ် လွဟ်လက်ကၠာ်နျူကလဳယာ ယဝ်ရ ထပ်ဂစာန်အာမ္ဂး ဒးထပ်ဂဗဆဵုကဵု ပရေၚ်ပေါဲဗတိုက်ပၠန်ရောၚ် သမ္မတအမေရိကာန် ဒဝ်နေဝ်ထရ ကေင်ကဵုလဝ်သတိနွံရ။
အတိုၚ်ကုလသမဂ္ဂကဵုလဝ်အခေါၚ် လ္တူအဳရာန် သွက်ဂွံကလေၚ်ဖန် ပရေင်မာတ်ဆိုအ်ကေတ်အရေဝ်တံ မၚ်မံၚ်ရောၚ် ဍုင်ဇြဟတ်ဇၞော်တံ ထပ်တုဲ ကဵုလဝ်သတိနွံရ။
Ref:AFP