နဝ်ဝေအဝ်သလိုဝ်၊ အဝ်ဂတ် ၁၆
စပ်ကဵုပရေင်ကိစ္စအကံက်ခေါန်တုဲ ပ္ဍဲဂိတုလောန်ကၠုင်တေံ အခိင် ထရ ကော်ဖုင်ဟီုဂးလဝ်ကု ဝန်ဇၞော်ပရေင်ဘဏ္ဍာနဝ်ဝေဂှ် နကဵု ညးတေံ မိက်သ္ဂာံဂွံလာဘ်နိုဗါလ်ကီု ဟီုကၠုင်ရ သာ်ဝွံ လိက်ပရိုင်နဝ်ဝေ Dagens Naeringsliv ပ္ဍဲအဝ်ဂတ် ၁၄ ချူလဝ်ရ။
သွက်သ္ဂောံဂွံ ပရေင်ၜိုဟ်လလမ် (ဝါ) ဟိုတ်နူလုပ်အကြာ ပညဳပညပ်လဝ် ပရေင်ဒေါအ်ပန်တုဲ အေတ်သရေဝ်၊ ပါကေတ်သတာန် ကဵု ဍုင်ခမေန်တံ ဟွံက ဍုင်လ္ရဵုလ္ရဵုတံ ဟပၠုပ်ကဵုလဝ်စရင် သွက်လာဘ်ပရေင်ၜိုဟ်လလမ် နိုဗါလ် ကုထရ နွံရ။
ညံင်ရဴသမ္မတအမေရိကာန်ကၠာကၠာတေံ မကေင်ဂွံလဝ် လာဘ်နိုဗါလ်ပရေင်ၜိုဟ်လလမ်တံ ညးတေံလေဝ် ဒးဂွံထေက်ကီု ထရ ဟီုလဝ်ရ။
အဃော ဝန်ဇၞော်ပရေင်ဘဏ္ဍာ ကွာ်ဝင်မံင်လ္တူဂၠံင်အဝ်သလိုဂှ် ဟီုခယျလဝ်မွဲသာ် သမ္မတ ထရ ဆက်နင်လဝ်ဖုင် သာ်ဝွံ လိက်ပရိုင်လၟေင်တ္ရဲ Dagens Naeringsliv ချူလဝ်ရ။
နကဵုညးတေံ မိက်သ္ဂောံ လာဘ်ပရေင်ၜိုဟ်လလမ် နိုဗါလ်တုဲ မိက်ဂွံသဳကၠဳ ကိစ္စအခေါန် ထရ ဟီုလဝ်ရ။
နူကၠာ ဟွံဂွံသဳကၠဳကု သ္ကိုပ်ဝန်ဇၞော် ယဝ်န သတိုဝ်ရဳဂှ် ပရေင်ထရ ဆက်နင်လဝ်ဏံဝွံ သွက်ဂွံသဳကၠဳကိစ္စအခေါန်ကဵု စပ်ကဵုပရေင်ပိုန်ဒြပ် သွက်ဂွံပံင်တောဲရေင်တၠုင်အာ သတိုလ်တာန်ဗါဂ် သ္ဂးရ။
အရေဝ်အခြာ အကြာညးတံၜါတၠဏံ ဟီုဂးလဝ်တံဂှ် ဗွဲကြဴ ထပ်လဴကလးကဵု ဟွံမာန်ရောင် ညးတေံ ဟီုထပေင်လဝ်ရ။
ဝန်ဇၞော်သ္ကိုပ်ဘဏ္ဍာ သကိုတ် ဗက်သာန်ကဵု ညးစၞးပရေင်ကူသာန် အမေရိကာန် ဂျေန်မဳသေင်ဂါအာတံကီု ညးတာလျိုင်သၞာဲဒါ သ္ရိစၠတ်ဗုတံလေဝ် ပါမံင်အပ္ဍဲကဵု ပရေင်တက်ကျာဖုင်ဏံကီုရောင် ဝန်ဇၞော် သတိုလ်တာန်ဗါဂ် ဟီုလဝ်ရ။
ပရေင်စပ်ကဵုထရ ဟီုဂးလဝ် မိက်သ္ဂောံဂွံ လာဘ်ပရေင်ၜိုဟ်လလမ် နိုဗါလ်တုဲ နကဵုညးတာလျိုင် သ္ရိစၠတ်ထဝ်တံကီု ဂကောံရုဲစှ် လာဘ်ပရေင်ၜိုဟ်လလမ်နိုဗါလ် မၞုံဍုင်နဝ်ဝေတံကီု မွဲသာ်မွဲရဴမှ ကေင်ဟီုစၟတ်လဝ် ဟၟဲဏီ။
Ref:Reuters