ကျာ်ထဝ်၊ အံက်တဝ်ပါ ၂၄
ပ္ဍဲကဵုတွဵုရးမန် ပွိုၚ်ဍုၚ်ကျာ်ထဝ် ကွာန်ဝင်ကာန်ဂှ် ပေါဲဗတိုက်ဟၟဲကီုလေဝ် ဟိုတ်နူဒပ်ပၞာန်ဗမာပန်လွဟ်ဇၞော်တုဲ ညးဗြဴအယုက်ဇၞော် မွဲတၠဒးလဝ်ဝပ်နွံ ဂွံတီနူ KNU ခရိုၚ်သဓီုရ။
ပ္ဍဲကဵုဂိတုအံက်တဝ်ပါ ၂၂ အခိၚ်နူဂယး ၜိုတ် ၁၀ နာဍဳ နူကဵုတမ်ဒပ်ခမရ ၅၉၈ ဖျေံသ္ဇိုၚ် ရးဗဂေါ ပွိုၚ်ဍုၚ်ယှိုဲကျေန်ဂှ် ပေါဲဗတိုက်ဟၟဲမွဲသာ် ပန်ဖျေံဏာလွဟ်ဇၞော် လပါ်ကွာန်ဝင်ကာန်ဂှ်ရ။
ဟိုတ်နူလွဟ်ဇၞော် ဖတုံခတိုဟ်အာဂှ် ရဲကွာန်ဝင်ကာန် ဒဝ်မက်ကဳ အယုက် ၆၂ ပ္ဍဲကဵုထာင်ဒဳညး ဒးအာ ကဝေက်မကမ်လွဟ်ဇၞော်ရောၚ် ဗော်သွးကောန်ဂကူကရေၚ် KNU ညးအုပ်ကာခရိုင်သဓီု ပဒိုသဝ်ဧနိုင် ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒၞာဲဒပ်ကဝ်မယှေန်ပၞာန် ပန်ဖျေံဏာလွဟ်ဇၞော် ကွာန်ဝင်ကာန်ဝွံ မၞုံဒၟံၚ်အပ္ဍဲတိဍာ်ပရေၚ်အုပ်ဓုပ် ဗော်သွးကောန်ဂကူကရေၚ် KNU ခရိုင်သဓီု ပွိုၚ်ဍုၚ်ကျာ်ထဝ်တုဲ ကောန်ဂကူကရေၚ်တံဗွဲမဂၠိုၚ် တန်တဴမံၚ်စံၚ်ဒၟံၚ်ရ။
ပ္ဍဲကဵုပွိုၚ်ဍုၚ်ကျာ်ထဝ်ဂှ် ကၠာဟွံစိုပ်ပေါဲရုဲမာဲဏံ ဒၞာဲကွာန်ဒပ်ပၠန်ဂတး ထိၚ်ချုက်လဝ်တံဂှ် နူကဵုဒပ်ကဝ်မယှေန်ပၞာန်ဗမာ ထံၚ်ပရိုၚ်နကဵုၜၚ်ကျာကၚ်တုဲ ကြဳဖျေံမံၚ်ဗုမ်ဆက်က် နွံရ။
လောန်ကၠုၚ်အံက်တဝ်ပါ ၂၀ တေံလေဝ် ဒၞာဲဒေသ KNU ပွိုၚ်ဍုၚ်ဘာအၚ် ပ္ဍဲကွာန်ဘာပံၚ်ဂှ် ဟိုတ်နူဒပ်ပၞာန်ဗမာ ပန်လွဟ်ဇၞော်တုဲ ညးဍုၚ်ကွာန် ၃ တၠချိုတ်အာ၊ ၁၇ တၠ ဒးလဝ်ဝပ်နွံရ။
ပရိုၚ်-သြၚ်လောန်တိုၚ်မ်
Photo- KHRG