ကွာလာလာမ်ပူ၊ အံက်တဝ်ပါ ၂၄
ပူတေန်ကဵု က္ဍိုပ်သ္ကိုပ်ပၞာန်သီအဝဵုပၞာန် ဟွံတိုန်စိုပ် ကောံဓရီုအာသဳယာန် မရနုက်ကဵု ၄၇ ဝါပုဟ် သ္ကိုပ်ဝန်ဇၞော် မလေဝ်ယှာ အန်ဝါ အေဗရာဟေၚ် သ္ပဒတန်တုဲ နူကဵုဌာနဝန်ဇၞော်ပရေၚ်ဍုၚ်သ္အာၚ် သ္ကိုပ်ဝန်ကေင်ကာလၟိုန် ဥူဟဝ်ခါန်သန်ကဵု ဂကောံညးစၞးတံ ပ္ဍဲအံက်တဝ်ပါ ၂၃ အခိၚ်နူဂယး ၁၁ နာဍဳ ၃၅ မိနေတ်ဂှ် စိုပ်ကၠုၚ်ဇရေၚ်သၞေဟ်ၜၚ်ကျာ ကွာလာလာမ်ပူရ။
သမ္မတရတ်ယှာ ပူတေန်လေဝ် တိုန်စိုပ်ဟွံသေၚ်တုဲ လစှ်ေသ္ကိုပ်ဝန်ဇၞော်ရတ်ယှာ တိုန်စိုပ်စၞးညးတေံရောၚ် သ္ကိုပ်ဝန်ဇၞော် အန်ဝါ ဟီုလဝ်ပ္ဍဲအံက်တဝ်ပါ ၂၂ ဂှ်ရ။
သွက်ဂွံအာတိုန် ကောံဓရီုအာသဳယာန် ချပ်မံၚ်ဇြိုဟ်ဟ်နက်က်ကီု အခိၚ်ကၠာတေံ ပူတေန် ကေၚ်ဟီုလဝ်ကဵု သ္ကိုပ်ဝန်ဇၞော် အန်ဝါကီုရ။
က္ဍိုပ်သ္ကိုပ်ပၞာန်ဗမာ မေန်အံၚ်လှိုၚ်ကီုလေဝ် တိုန်စိုပ်သဘၚ်သဳကၠဳအာသဳယာန်ဟွံမာန်ရောၚ် အန်ဝါ သ္ပလဝ်ဒတန်ကီုရ။
အခိၚ်ပၞာန်သီလဝ်အဝဵုဍုၚ်ဗမာတုဲ ဗွဲကြဴဏံ ပ္ဍဲကောံဓရီုအာသဳယာန်တံမ္ဂး သွက်ခုင်ဒၞာဲဍုၚ်ဗမာမွဲဒၞာဲဂှ် သၠးစွံလဝ်ပလးအတိုၚ်ဏံတုဲ ညးစၞးဟွံဆေင်စပ်ကဵုသွာၚ်ပရေၚ်ဍုၚ်ကွာန်မွဲမွဲတၠ ကဵုလဝ်အခေါၚ်တိုန်စိုပ်ရ။
စနူအံက်တဝ်ပါ ၂၆ ဒဵုစိုပ် ၂၈ တေံ ပ္ဍဲသဘၚ်သဳကၠဳအာသဳယာန် ဍုၚ်ကွာလာလမ်ပူဏံ သမ္မတအမေရိကာန် ဒဝ်နေဝ်ထရ သွက်ဂွံတိုန်စိုပ်နွံရ။
ပ္ဍဲသဘၚ်သၠဳကၠဳဏံဂှ် က္ဍိုပ်သ္ကိုပ်ဂကောံဍုၚ်အာသဳယာန် ၁၀ ဍုၚ်တံဟွံက အမေရိကာန်၊ ကြုက်၊ ဂျပါန်ကဵု အေန္ဒိယ နဒဒှ်ဍုၚ်ပံၚ်တောဲတံ တိုန်စိုပ်ကီုရောၚ်။
ပ္ဍဲသဘၚ်သဳကၠဳအာသဳယာန်ဏံ စပ်ကဵုကိစ္စဍုၚ်ဗမာ၊ ပရူပရာအမေရိကာန် ကံက်အခေါန်သၠုၚ်မံၚ်တံ၊ စပ်ကဵုပရေၚ်ဂီုကၠီုဒေသတံ စွံအဓိက ဘိုအ်ဂွံသဳကၠဳအာ မဒှ်ရ။
မ္ၚးဝိုၚ်သဳကၠဳမ္ဂး စဳဇန်လဝ် သွက်ဂွံထပက်စၟတ်တဲ ပရေၚ်ၜိုဟ်လလမ် သေံကဵုခေမန်တံကီုလေဝ် တၚ်တုပ်စိုတ်ချိုတ်တ်ပၠိုတ်တ် ဟွံဂွံဏီ။
ဆဂး အကြာဇကုတံၜါဍုၚ် သွက်သ္ဂောံဂွံပရေၚ်ၜိုဟ်လလမ် အကာဲအရာပရေၚ်တဴတက် နွံမံၚ်ရောၚ် ဝန်ဇၞော်ပရေၚ်စဵုဒၞာသေံ ဟီုလဝ်ရ။
Ref:BERNAMA/Malaymail