သဓီု၊ အံက်တဝ်ပါ ၂၉
တွဵုရးမန် ပွိုၚ်ဍုၚ်သဓီု ပ္ဍဲကဵုကရပ်ကွာန် မိုကံၚ် ကဵုယေဝေတံ ဒှ်ပေါဲဗတိုက်တုဲ ပ္ဍဲကဵုဒၞာဲပွဳပွူကွာန်ဗ္ဒာဲဗ္ဒာဲတံဂှ် ဇၟာပ်ပ်တ္ၚဲ ဒပ်ပၞာန်ဗမာပန်မံၚ်ကဵုလွဟ်ဇၞော် သာ်ဝွံ ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
တုဲကၠုၚ်အံက်တဝ်ပါ ၂၃ တေံဂှ်ရ ဒပ်ကဝ်မယှေန်ပၞာန်ဗမာ ဇြဟတ်ၜိုတ် ၁၀၀ တံ ထပက်ကၠုၚ်ကရောၚ်ပၞာန်တုဲ ပ္ဍဲကဵုကရပ်ကွာန် မိုကံၚ်ကဵု ယေဝေဂှ် ဒှ်လဝ်ပေါဲဗတိုက် မဒှ်ရ။
ဒပ်ပၞာန်ဗမာတံ ဒးဘဲဝပ်ဂိအာတုဲ စနူကဵုအံက်တဝ်ပါ ၂၅ ဂှ် ပတဝ်ဏာလဝ် လပါ်ကွာန် ယေဝေ၊ ချံၚ်သံက်ကဵု မိကျံၚ်အိုၚ်တေံ ပန်ပလံၚ်မံၚ်ကဵုလွဟ်ဇၞော်ရ။
ဟိုတ်နူဒပ်ပၞာန်ဗမာတံ ပန်မံၚ်ကဵုလွဟ်ဇၞော်ဂှ် ညးဒေသတံသွက်ဂွံအာကၠအ်ညးတံဂှ် ဂွိၚ်ဂွာဲဒှ်မံၚ်ဒဝိၚ်အိုတ်တုဲ လ္ၚဵုတံ ဂြိပ်ပါဲဒဴတိတ်အာနူကဵုကွာန်ညးတေံရ။
ဒပ်ဗကတ်ဗကေၚ် သ္ဇိုၚ်ကွတ်ပၞာန် စၟတ် (၉) ဖျေံလဝ်သ္ဇိုၚ်ဍုၚ်သဓီုဂှ် ပန်မံၚ်ကဵုလွဟ်ဇၞော်တံဏံရောၚ် ဒုညးတာလျိုၚ် ဒပ်စဵုဒၞာညးဍုၚ်ကွာန် တွဵုရးမန် ဟီုကဵုဌာန်ပရိုၚ်သြၚ်လောန်တိုၚ်မ်ရ။
မွဲလပါ်ပၠန် ကြပ်ကၠုၚ်မံၚ်ကဵုပေါဲရုဲမာဲဟဍၚ် ဒပ်ကဝ်မယှေန်ပၞာန်တံ သၠုၚ်ပတိုန်လဝ်ပရေၚ်ဂီုကၠီု အပ္ဍဲပွိုၚ်ဍုၚ်သဓီုတုဲ ပရေၚ်မာတ်ဆိုအ်ဂၠိုက်ဂၠာံတံ သၠုၚ်ပတိုန်လဝ်အသိၚ်ကီုရ။
ပရိုၚ်-သြၚ်လောန်တိုၚ်မ်
Photo – Social Media