ပေါဲရုဲမာဲဍုၚ်ဗမာ ပရေၚ်ဓရ်ယာသၠးပွးနွံရောၚ် ညးပတေဟ်ဟၟဲပုဟ် ညးအုပ်ကာကုလဟီု

ကွာလာလမ်ပူ၊ အံက်တဝ်ပါ ၂၉

ပ္ဍဲကဵုဍုၚ်ဗမာပၞာန်အပ္ဍဲဍုၚ်က္တဵုဒှ်မံၚ်ဏံ က္ဍိုပ်သ္ကိုပ်ပၞာန်တံ စဳဇန်ကၠောန်မံၚ်ပေါဲရုဲမာဲဂှ် ပရေၚ်ဓရ်ယာသၠးပွးနွံရောၚ် ညးပတေဟ်မွဲတၠမှ ဟၟဲပုဟ် ညးအုပ်ကာကုလသမဂ္ဂ အာန်တိုနဳယို ဂူတာရက်ဇ် ဟီုလဝ် ပ္ဍဲအံက်တဝ်ပါ ၂၇ ရ။  

သွက်ဍုၚ်ဗမာ ညံၚ်ဂွံကဵုအရီုဗၚ် ပရေၚ်ဗ္စာရဏာမၞိဟ်တံကဵု ပရေၚ်ပကီုပရာတ်တံ ညံၚ်ဂွံဒေါအ်ထောံ နွံမံၚ်ပၟိက်ရောၚ် ညးအုပ်ကာ ဂူတာရက်ဇ် ဟီုလဝ်ရ။

ပေါဲရုဲမာဲဏံ ပရေၚ်ဓရ်ယာသၠးပွးနွံရောၚ် ညးပတေဟ်မွဲတၠမှ ဟၟဲပုဟ် အဲခယျရ ပ္ဍဲကဵု ဝိုၚ်မ္ၚးဆက်စပ်ကဵုကောံဓရီုအာသဳယာန် မရနုက်ကဵု ၄၇ ကၠောန်လဝ်ဍုၚ်မလေဝ်ယှာဂှ် သောၚ်ကလလဝ်လိက်ပရိုၚ် မဒှ်ရ။ 

အခိၚ်သီအဝဵု ၂၀၂၁ တုဲ ဗွဲကြဴ နကဵုအလန်ပထမ ကဝ်မယှေန်ပၞာန်လလောၚ်တြးလဝ် ကၠောန်အာပေါဲရုဲမာဲ ပ္ဍဲဒဳဇြမ်ပါ ၂၈ ရ။ 

ညးပါလုပ်ပ္ဍဲကဵုပေါဲရုဲမာဲတံပၠန်လေဝ် ပြဿနာဍုၚ်ဗမာ သွဟ်ညံၚ်ဂွံတိတ်ကၠုၚ် ကဵုအရီုဗၚ်မာန် ညးပတေဟ်ဟၟဲရောၚ် နကဵုဇကုအဲခယျလဝ် ညးအုပ်ကာ ဂူတာရက်ဇ် ဟီုရ။

ပြဟ်ဟ်ဏံ ညံၚ်ဂွံဒေါအ်ပရေၚ်ဗတိုက်မံၚ်ကဵု ပကီုပရာတ်တံကၠာတုဲ နွံမံၚ်ပၟိက်ကဵု သွက်ဂွံကဵုအရီဗၚ် ပရေၚ်ဗ္စာရဏာမၞိဟ်တံမာန် မွဲအခိၚ်ဓရ် သွက်ဂွံပတဝ်အာကဵု ပရေၚ်အုပ်ဓုပ်ညးဍုၚ်ကွာန်ကောန်အရာပ်တံ ဒးပံက်ကဵုပၞော်ဂၠံၚ်ပရေၚ်အပြံၚ်လှာဲတံရောၚ် ညးဆက်ဟီုရ။ 

ပ္ဍဲကဵုဍုၚ်ဗမာ လက်ကရဴအိုတ် ကၠောန်ကၠုၚ်ပေါဲရုဲမာဲသၞာံ ၂၀၂၀ နိုဝမ်ပါဂှ်တုဲ က္ဍိုပ်သ္ကိုပ်ညးဍုၚ်ကွာန် ဗော်ဒဝ်အံၚ်သာန်သုကျဳ ဂွံဇၞးကၠုၚ်မာဲပိုတ်တ်ကီုလေဝ် လီလဝ်မာဲရောၚ် ဒပ်ပၞာန်ထ္ၜးဟိုတ် ဒဵုကဵုအခိၚ်တ္ၚဲဏံ သီလဝ်အဝဵု မဒှ်ရ။ 

ပေါဲရုဲမာဲက္ဍိုပ်သ္ကိုပ်ပၞာန် ကၠောန်အာဏံ သွက်ဂွံဒှ်ပရေၚ်ဓရ်ယာသၠးပွးနွံဂှ် ဟွံကိတ်ညဳမံၚ်ကဵု သၞောတ်ထ္ၜတ်သ္ပအစာံတံတုဲ ဗလးဏာညးမၚ်ရံၚ်လ္ၚတ်တံ ဟွံသေၚ်ပုဟ် ယူရောပ် ဟီုလဝ်ရ။ 

က္ဍိုပ်သ္ကိုပ်ပၞာန် အာတ်မိက်လဝ် အာသဳယာန် သွက်ဂွံဗလးကဵုညးလ္ၚတ်ရံၚ်ကီုလေဝ် အာသဳယာန်ဟွံဗလးနၚ်ပုဟ် ပရိုၚ်တိတ်မံၚ်ရ။ 

ဆဂး ကောန်ဂကောံအာသဳယာန်တံဂှ် နကဵုတၚ်သ္ဂုတ်သွက်ဇကု ဗလးဏာ ညးလ္ၚတ်မၚ်ရံၚ်ပေါဲရုဲမာဲမာန်ရောၚ် နူကဵုတမ်ရိုဟ်ပရိုၚ် အမာတ်ကလုတ်တံ ဟီုဂးမံၚ်နွံရ။ 

Ref:Trtworld

Leave a Reply

Your email address will not be published. Required fields are marked *