ၜါသွာၚ်၊ ဂျာန်နဝါရဳ ၄
ပ္ဍဲတွဵုရးမန် ပွိုၚ်ဍုၚ်ၜါသွာၚ် သွက်ဒၞာဲစၠတ်ဓဝ်ညးဍုၚ်ကွာန်ဂှ် အလံၚ်အမာတ် ဥူသိုဝ်ဒူ နူကဵုဗော်ညဳသၟဟ်မန် MUP ဂွံအာဇၞးရောၚ် နူကဵုကဝ်မယှေန် ပေါဲရုဲမာဲကၟိန်ဍုၚ် သ္ပဒတန်လလောၚ်တြးရ။
သွက်ဒၞာဲစၠတ်ဓဝ်ညးဍုၚ်ကွာန် ပွိုၚ်ဍုၚ်ၜါသွာၚ်ဂှ် ဗော်ညဳသၟဟ်မန်၊ ဗော်ပျဳခိုၚ်ဖျိုဝ်၊ ဗော် “အမျိုးသားအကျိုးစီးပွားတိုးတက်ရေးပါတီ” ကဵု ဗော်”ပြည်သူ့ရှေ့ဆောင်ပါတီ” တံလုပ်ပြိုၚ်လဝ်ရ။
အလံၚ်အမာတ်ဗော်ညဳသၟဟ်မန် ဥူသိုဝ်ဒူဂှ် ဂွံလဝ်မာဲခိုၚ်ကၠိုက် ၂၃၀၀၀ ပြၚ်တုဲ ဇၞးအာလဝ် အလံၚ်အမာတ်ဗော်ပျဳခိုၚ်ဖျိုဝ် ဥူမျိုဝ်ဝေန် မဒှ်ရ။
အလံၚ်အမာတ်ဇၞးမာဲ ဥူသိုဝ်ဒူဂှ် အပ္ဍဲကဵုအလံၚ်အမာတ်ဒုၚ်ရုဲစှ်လဝ်တံမ္ဂး အယုက်ဍောတ်အိုတ်မွဲတၠမဒှ်တုဲ နွံမံၚ်အယုက် ၂၉ သၞာံဓဝ်ရောၚ်။
ပ္ဍဲတွဵုရးမန် ကၠောန်လဝ်ပေါဲရုဲမာဲသ္ကုတ် ၁ တုဲဒှ်အာဏံ အပ္ဍဲကဵု အလံၚ်အမာတ် ၅ ဒၞာဲဂှ် ဗော်ပျဳခိုၚ်ဖျိုဝ် ဂွံလဝ် ၄ ဒၞာဲ ဇၞးလဝ်ဒၞာဲဂၠိုၚ်အိုတ်ရ။
အတိုၚ်ကဝ်မယှေန် ပေါဲရုဲမာဲကၟိန်ဍုၚ် သ္ပဒတန်လလောၚ်တြးလဝ် ပ္ဍဲဂျာန်နဝါရဳ ၂ မ္ဂး ပ္ဍဲဒၞာဲဆန္ဒမာဲ ၅၆ ဒၞာဲဂှ် ဗော်ပျဳခိုၚ်ဖျိုဝ် ဂွံလဝ် ၅၂ ဒၞာဲရ။
ပရိုၚ်-သြၚ်လောန်တိုၚ်
Photo – MUP