ဝါယှေန်တန်၊ ဂျာန်နဝါရဳ ၉
နူကဵုဖိုရမ် ဆက်စပ်မံၚ်ကဵု ပရေၚ်ဥတုရာသဳပြံၚ်သၠာဲ၊ ပရေၚ်ၜိုဟ်လလမ်၊ ဒဳမဝ်ကရေသဳတံကီု နူကုလသဂ္ဂကေုာံ ဂကောံဂၠးကဝ် ၆၆ ဂကောံတံကီု သွက်ဂွံနုက်တိတ်အာ အမေရိကာန်စဳဇန်လဝ် သမ္မတ ထရ ဟီုရ။
အပ္ဍဲကဵုဂျာန်နဝါရဳ ၇ သ္ၚိစၠတ်ဗတာၚ် သမ္မတအမေရိကာန် လလောၚ်တြးလဝ်ဂှ်တှ်ေ ဂကောံဒစဵုဒစးမံၚ်ကဵု ဖဵုဂုဏ်ပိုန်ဒြပ်အမေရိကာန်တံ၊ တင်တုပ်စိုတ်အလဵုအသဳတံ၊ ပဋိဉာဥ်နာနာတံဂှ် ကလေၚ်သ္ၚဳဂၠိပ်တုဲ ဖျေံလဝ်သ္ဂုတ်အတိုၚ်ဏံရောၚ် ထရ ဟီုရ။
နူကဵုဂကောံဆေင်စပ်မံၚ်တံ အမေရိကာန်နုက်တိတ်အာကီု ပရေၚ်ထံက်ပၚ်သြန်ဂအုံသီုဖအိုတ်ဂှ်လေဝ် ထပိုတ်ထောံရောၚ် ထရ ဟီုလဝ်ရ။
ဂကောံအလဵုအသဳ ဆေင်စပ်ကဵုဥတုရာသဳပြံၚ်သၠာဲတံ IPCC ကီု ဂကောံ ၃၅ ကုလသမဂ္ဂဟွံသေၚ်ကီုလေဝ် ပါမံၚ်စရၚ် သွက်အမေရိကာန်နုက်တိတ်အာရောၚ် သ္ၚိစၠတ်ဗတာၚ် ဟီုရ။
IPCC ဂှ် သ္ၚိစၠတ်ဗတာၚ် စုတ်လဝ်စရၚ် ဂကောံကုလသမဂ္ဂဟွံသေၚ်ကီုလေဝ် ဒှ်မံၚ်အေဂျေၚ်သဳ တၠပညာသိပ္ပံတံကောံတုဲ လ္ၚတ်မံၚ်ပရေၚ်ဇီုကပိုက် ဟိုတ်နူဥတုရာသဳပြံၚ်သၠာဲ မဒှ်ရ။
တုဲပၠန် နူကုလသမဂ္ဂ ၃၁ ဂကောံကီု အမေရိကာန် နုက်တိတ်ရောၚ် သ္ၚိစၠတ်ဗတာၚ် ဟီုရ။
ဂကောံကုလသမဂ္ဂလ္ၚဵု ဒှ်လဝ်ပွန်ဏံဂှ် အဓိကကၠောန်မံၚ်ပရေၚ်စဵုဒၞာ သွက်ဂကောံမၞိဟ်အန္တရာဲဘဲနွံမာန် အကြာပေါဲပၞာန်နာနာ မဒှ်ရ။
ခြာဟွံလံ ကလေၚ်ပ္လန်အာရောၚ် ညးအခေါၚ်ဟီုဂးနွံ ကုလသမဂ္ဂ သတဳဖာန် ဒူဂျာရက်ဇ် ဟီုလဝ်ရ။
နူကဵုဖိုရမ် ကုလသမဂ္ဂတံ ယှအ်ဖျေံအာ ပရေၚ်အမေရိကာန်ပါလုပ်ရောၚ် ထရ ဟီုဂးလဝ်အကြာညးဂမၠိုၚ်ကီုလေဝ် ပရေၚ်သြဇာအုပ်ဓလီုလဝ်ဂှ် ယှအ်ဖျေံဏာ ဟွံဂွံဆဵုဏီပုဟ်။
အမေရိကာန်ဖျေံသ္ဂုတ်သွာတ် ဍုၚ်ဂျေရုသလေၚ် သွက်ဂွံသ္ပစၟတ်သမ္တီ ၝောံဍုၚ်ဇၞော်အေတ်သရေဝ်တုဲ ကုသမဂ္ဂဖျေံသ္ဂုတ်သွာတ်ဒစဵုဒစးပျုတ်ဗဒေက် မူအပြောံဂှ် ဍုၚ်ထံက်လဝ်ဂလာန်တံ နူကဵုအမေရိကာန် ထပိုတ်ထောံအရီုဗၚ်ရောၚ် ထရ ဘပဠလဝ်ရ။
ပ္ဍဲကံၚ်သဳပရေၚ်ဂီုကၠီုကုလသမဂ္ဂ အမေရိကာန်ပါလုပ်ဂကောံလၟိန် တန်တဴအာဒဵုကဵုသၞောတ်ထ္ၜးမွဲ ဆက်ရပ်လဝ်အဝဵု မဒှ်ရ။
ပ္ဍဲကဵုသၞာံအာ ဂိတုဂျာန်နဝါရဳတေံ ကလေၚ်စိုပ်ကၠုၚ် သ္ၚိစၠတ်ဗတာၚ်တုဲ ထရ ကဵုအမေကာန်နုက်တိတ်ထောံ နူကဵုဂကောံပရေၚ်ထတ်ယုက်ဂၠးကဝ်၊ တၚ်တုပ်စိုတ်ဥတုရာသဳပါရဳကေုာံ ကံၚ်သဳအခေါၚ်အရာမၞိဟ်တံရ။
အပ္ဍဲကဵု အယုက်သမ္မတထရ အလန်ပထမ ညးတေံကဵုအမေရိကာန်နုက်တိတ်လဝ် ဂကောံပိဂကောံကီုလေဝ် စိုပ်လက်ထက်သမ္မတ ဂျိုဝ်ဗိုင်ဒါန်ဂှ် အမေရိကာန်ကလေၚ်လုပ်ပၠန်ရ။
သွက်ဂကောံရီုဗၚ်ဂၠးကဝ်တံ အမေရိကာန် ထံက်ပၚ်ကဵုမံၚ်သြန်ဂအုံတံဂှ်ကီု ဒေါအ်ထောံလဝ်ရ။
Ref:Aljazeera