ၜဳလေၚ်၊ ဂျာန်နဝါရဳ ၆
ဒၞာဲသွက်ဂွံကၠောန်ပေါဲရုဲမာဲသ္ကုတ် ၂ ပွိုၚ်ဍုၚ်ၜဳကလေၚ်ဂှ် ဒပ်ကဝ်မယှေန်ပၞာန် ထပ်ထပဵုဖျေံလဝ်ဇြဟတ် လၟိဟ်ကဵုကၠမ်နွံမံၚ် ညးဒေသတံကဵုဂကောံပၠန်ဂတးတံ ဟီုကဵုဌာန်ပရိုၚ် သြၚ်လောန်တိုင်မ်ရ။
စနူသၞာံမံက်ဏံ အကြာဒပ်ၜါလပါ်ပရေၚ်ပၞာန်ကြံၚ်မ္ၚိုဟ်မံၚ်ဂှ် ပ္ဍဲပွိုၚ်ဍုၚ်ၜဳကလေၚ် အကြာဒပ်ကဝ်မယှေန်ပၞာန်ကဵု ဂကောံပၠန်ဂတးတံပေါဲဗတိုက်ကလေၚ်ဒှ်မံၚ်ရ။
ဟိုတ်နူပေါဲဗတိုက်တံဂှ် ပ္ဍဲကဵုဂၠံၚ်ကွဳစက် လ္ဂုၚ်-မတ်မလီုကီု အကြာသ္ကုတ်ၜဳကလေၚ်ကဵု မုဟ်ဒဵုဂှ် နူကဵုဒပ်ကဝ်မယှေန်ပၞာန် ထပ်ထပဵုဖျေံလဝ်ဇြဟတ်လၟိဟ်ကဵုကၠမ်နွံမံၚ်ရ။
အတိုၚ်ညးဒေသတံဟီုလဝ်မ္ဂး အပ္ဍဲၜါသ္ကုတ်ဂၠံၚ်ဏံ အောန်အိုတ်ဇြဟတ်ဒပ်ပၞာန်ဗမာ ဟွံအောန်နူကဵု ၅၀၀ နွံမံၚ်ဂွံတီရ။
မွဲလပါ်ပၠန် ဒပ်ကဝ်မယှေန်ပၞာန် ထပ်ကၠုၚ်ဖျေံလဝ်ကင်ဒမၠုက် အကြာပွဳပွူကွာန်အလူလေဝ်ကဵု အလူဂျဳ ပွိုၚ်ဍုၚ်ၜဳကလေၚ်တံနွံတုဲ သီုပန်မံၚ်ကဵုလွဟ်ဇၞော်အရိုဟ်ဟ်တ္ၚဲရ။
ပ္ဍဲကဵုတ္ၚဲဒးကဵုမာဲဂှ် ဂွိၚ်ဖေက်ဟိုတ်နူဂကောံပၠန်ဂတးတံကၠုၚ်ပန်တုဲ ဒစးဒုၚ်ကေတ်လဝ်ပရေၚ်ဂီုကၠီုရောၚ် တမ်ရိုဟ်ပရိုၚ်ဒေသမွဲတၠဟီုရ။
အကြာပရေၚ်ပၞာန်ၜါလပါ်သ္ကာတ်မံၚ် အကြာပွိုၚ်ဍုၚ်ၜဳလေၚ်ဏံ ပ္ဍဲကဵုဂျာန်နဝါရဳ ၁၁ မ္ဂး ပလေဝ်စလဝ် သွက်ဂွံကၠောန်ပေါဲရုဲမာဲသ္ကုတ် ၂ မဒှ်ရ။
အတိုၚ်ဌာန်ပရိုၚ်သြၚ်လောန်တိုၚ်မ်ဂွံလဝ်တၚ်နၚ်တံမ္ဂး အကြာဒဳဇြမ်ပါ ၂၄ တေံကဵု ဂျာန်နဝါရဳ ၃ ဏံ ပ္ဍဲပွိုၚ်ဍုၚ်ၜဳကလေၚ် ဟိုတ်နူဒပ်ကဝ်မယှေန်ပၞာန်ပန်လွဟ်ဇၞော်ဂှ် ညးဍုၚ်ကွာန် ချိုတ် ၁၀ တၠ၊ ဒးလဝ်ဝပ်ဟွံအောန်နူကဵု ၁၀ တၠနွံ ဂွံတီရ။
ပရိုၚ်-သြၚ်လောန်တိုင်မ်
Photo -CJ