မတ်မလီု၊ ဂျာန်နဝါရဳ ၆
ပ္ဍဲတွဵုရးမန် နကဵုစၟတ်သမ္တီတ္ၚဲသၠးပွးဂးတုဲ ကဝ်မယှေန်ပၞာန် ဗလးကဵုလဝ် ကောန်ထံၚ်သၠးဒုဟ် ၅၀၀ ပြၚ်ဂှ် ကောန်ထံၚ်ပရေၚ်ဍုၚ်ကွာန် ဟွံပါပုဟ် ညးကြပ်ကဵုထံၚ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂျာန်နဝါရဳ ၄ နကဵုစၟတ်သမ္တီ တ္ၚဲသၠးပွး အလန် ၇၈ သၞာံဂှ် ကဝ်မယှေန်ပၞာန်ကဵုလဝ်အခေါၚ်သၠးဒုဟ် ကောန်ထံၚ် ၅၀၀ ပြၚ် နူကဵုထံၚ်တွဵုရးမန်ရ။
အပ္ဍဲဏံကောန်ထံၚ်ညးတြုံ ၃၆၅ တၠ၊ ကောန်ထံၚ်ညးဗြဴ ၁၄၇ တၠ သီုဖအိုတ် ၅၁၂ တၠတံ ဂွံအခေါၚ်ဗၠးအာဒုဟ်ဒဏ် မဒှ်ရ။
အတိုၚ်ရဲကြပ်ကဵုထံၚ်တံဟီုမ္ဂး ကောန်ထံၚ်အမှုကၠတ်ဂၠံက်ပၠံၚ်ၜးတံကဵု ကောန်ဒုဟ်အမှုတၞဟ်ဟ်တံ ဂွံအခေါၚ်ဗၠးတိတ်ကၠုၚ် ဂွံတီရ။
ပ္ဍဲကဵုစၟတ်သမ္တီ တ္ၚဲသၠးပွးဏံဂှ် ကဝ်မယှေန်ပၞာန်ဗလးကောန်ထံၚ် အလုံမွဲဍုၚ် ၆၀၀၀ ပြၚ် ကဵုလဝ်အခေါၚ်သၠးဒုဟ်ဒဏ်တံရ။
ကောန်ထံၚ်ဗၠးလဝ်ဒုဟ်တံဏံ မွဲအလန်ပၠန် ယဝ်ရဖံက်ပကဝ်ဒုဟ်ဒဏ်မ္ဂး ဒုဟ်လၟုဟ်သှ်ေမံၚ်ဂှ်ကီုဒုဟ်တၟိတေံကီု ဒးဒုၚ်ထံၚ်ပၠန်ရောၚ် ဒုၚ်ဝန်တုဲကလေၚ်ဗၠးတိတ်လဝ် မဒှ်ရ။
ပရိုၚ်-သြၚ်လောန်တိုင်မ်
Photo – Social Media (ဗီုတြေံ)