ထဝါဲ၊ ဂျာန်နဝါရဳ ၈
ရးတနၚ်သဳ ပွိုၚ်ဍုၚ်ထဝါဲဒေသဗၟံက်ဂြိုပ်ထဝါဲ ပ္ဍဲပေါဲဗတိုက်ကရပ်ကွာန်တေၚ်ဂါန်တုၚ်ဂှ် ဗ္ဒိုပ်ဒပ်ပၠန်ဂတးမွဲဒပ် ဒးဒုၚ်သီဏာရဂှ် ဂွံတီနူကဵုဂကောံပၠန်ဂတးတံရ။
ပ္ဍဲဂိတုဂျာန်နဝါရဳ ၅ အခိၚ်နူဂယး ကရောၚ်ပၞာန်ဒပ်ကဝ်မယှေန်ပၞာန်ထပက်လုပ်ကၠုၚ် ဗ္ဒိုပ်ဒပ်ပၠန်ဂတး နွံမံၚ်ကရပ်ကွာန်တေၚ်ဂါန်တုၚ် ပန်လဝ်ကဵုလွဟ်ဇၞော်၊ လွဟ်ဍောတ်တုဲ အကြာၜါလပါ်ဒှ်ပေါဲဗတိုက်ရ။
အခိၚ်ပွိုၚ်ၜိုတ်မွဲနာဍဳပြၚ်ၚ် အကြာၜါလပါ်ပေါဲဗတိုက်ဒှ်တုဲ ရဲပၠန်ဂတးတံဒးဆုတ်တိတ်အာ၊ ကောန်သ္ဂံၚ်မွဲတၠဒးဝပ်(ဟွံဒးဂွိၚ်) လွဟ်မကမ်လ္ၚဵုတံဒးဒုၚ်သီဏာလဝ်နွံရဂှ် ညးတာလျိုၚ်လလောၚ်ပရိုၚ် “သံမဏိပြောက်ကျားတပ်ဖွဲ့” ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုတေဝ်လဳဂရာမ် လဝ်ဗဳကဝ်မယှေန်ပၞာန်တံဂှ်တှ်ေ ပ္ဍဲပေါဲဗတိုက်ဗဒိုပ် KNU/PDF ကရပ်ကွာန်တေၚ်ဂါန်တုၚ်ဂှ် သီဂွံဇွ PDF (၄)၊ သီုကဵုလွဟ် ၁၁ ဇကိုအ်တုဲ သီုသီဂွံဗဒိုပ်ရောၚ် ချူတြးလဝ်ဝါဒရ။
စပ်ကဵုကိစ္စပေါဲဗတိုက် ဒေသဗၟံက်ဂြိုပ်ထဝါဲဏံတုဲ လပါ်ရဲဒပ်ပၠန်ဂတးတံချိုတ်လဝ်ဟၟဲပုဟ်ဂှ် တးပါဲထောံပရိုၚ်ဏံရ။
ပြဟ်ဟ်ဏံ ကရောၚ်ပၞာန်ဒပ်ကဝ်မယှေန်ပၞာန် ကလေၚ်ဆုတ်တိတ်အာ နူကဵုပွဳပွူကွာန်တေၚ်ဂါန်တုၚ်ဂှ်တုဲ ရဲဒပ်ပၠန်ဂတးတံ ကလေၚ်သောၚ်သ္အးမံၚ် ပရေၚ်ဂီုကၠီုတိဍာ်တံဏံရ။
ပရိုၚ်-သြၚ်လောန်တိုၚ်မ်
Photo – Social Media