ရေဝ်၊ ဂျာန်နဝါရဳ ၈
ဂဥုပ်ဘာ ဥူသူရထောန် နူကဵုဘာတန်သၠုၚ်(ပါ်) ကွာန်ဘာပွိုၚ်ဍုၚ်ရေဝ်ဂှ် ဒပ်ပၠန်ဂတးမွဲဂကောံ ရပ်ကော်ဏာလဝ်ရောၚ် ညးဒေသတံဟီုကဵုဌာန်ပရိုၚ်သြၚ်လောန်တိုၚ်မ်ရ။
တုဲကၠုၚ်ဂျာန်နဝါရဳ ၄ အခိၚ်ဂဥုပ်ဘာအစာဇၞော် ဥူသူရထောန် အယုက် ၅၈ သၞာံ နူကဵုကွာန်ဘာ စဴကၠုၚ်ဍုၚ်မုဟ်ဍုၚ် ပ္ဍဲကဵုသ္ကုတ်ဂၠံၚ်ရေဝ်-ဇြပ်ဗုဂှ် ဒပ်ပၠန်ဂတးမွဲဂကောံ ရပ်ကော်လဝ်မဒှ်ရ။
ဂဥုပ်ဘာအစာဇၞော်ဏံ ဟိုတ်နူဒးကေတ်တာလျိုၚ်သ္ကိုပ်ရုၚ်မာဲ ပ္ဍဲကဵုပေါဲရုဲမာဲကဝ်မယှေန်ပၞာန်နွံတုဲ ရပ်ကော်ထိၚ်လဝ်ရောၚ် ရိုဟ်ကၞက်ပရိုၚ်ပၠန်ဂတးတံ ဟီုတုဲဂွံတီရ။
လ္တူအစာဇၞော် ဂဥုပ်ဘာဏံ ဗီုလဵုကေတ်အာအရေဝ်ရောဟီုဂှ်ဟွံဂွံတီဏီလေဝ် ဒုဟ်တၟေၚ်ဟၟဲမ္ဂးဒုၚ်ဝန်တုဲ ကလေၚ်ဗၠးမာန်ရောၚ် သ္ဂးရ။
ပ္ဍဲဂိတုအဝ်ဂတ် သၞာံအာဏံလေဝ် အစာၝောံနူပွိုၚ်ဍုၚ်ရေဝ်ပန်တၠ အာတိုန်တန်ဗတောန်သ္ကိုပ်ရုၚ်မာဲ ဇရေၚ်ဍုၚ်မတ်မလီုဂှ် ရဲဒပ်ပၠန်ဂတးတံရပ်ထိၚ်လဝ်တုဲ လအ်ပွိုၚ် ၃ တ္ၚဲဂှ် ဒုၚ်ဝန် ကလေၚ်ဗၠးတိတ်ကၠုၚ်လဝ် ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media