ထဝါဲ၊ ဂျာန်နဝါရဳ ၁၁
ရးတနၚ်သဳ ပ္ဍဲဍုၚ်ထဝါဲ ပ္ဍဲအကြာပွိုၚ်ၜါတ္ၚဲဓဝ်ဂှ် သၟတ်ၜိုတ် ၈၀ ဒးဒုၚ်တံၚ်ပဝ်တာတုဲ ဗွဲမဂၠိုၚ်ဟွံဂွံအဆက်ကဵု သ္ၚိကၟိန်အိန်ထံၚ်ညးတံဏီပုဟ်ဂှ် ညးဒေသတံဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုဂျာန်နဝါရဳ ၈ ကဵု ၉ အခိၚ်ဗတံဂှ် တိုန်ကေတ်သ္ၚိပ္ဍဲအကြာအရာပ်တုဲ ဒပ်ကဝ်မယှေန်ပၞာန် ဗက်ရပ်လဝ် သၟတ်အဝဲလုပ်အဝေါၚ် ယိုက်ဝန်ပၞာန်တံရ။
ထ္ၜးဟိုတ်ကဵုတေၚ်ကၟုဲတုဲ ဒပ်ကဝ်မယှေန် စကာလဝ်ဇြဟတ်ဂၠိုၚ်ၚ်တုဲ လုပ်ရပ်ကေတ်လဝ်သၟတ်တံရဂှ် ညးဒေသဍုၚ်ထဝါဲမွဲတၠ ဟီုရ။
ရပ်ဂွံပဝ်တာ သၟတ်တံဏံဗက်ဟွံဂတာပ် အခိၚ်ဗတံဂှ်ရ မွဲအလန်ဓဝ်ဟရိပ်ပလံၚ်ဏာဇရေၚ်တမ်ဒပ်ပၞာန် နွံမံၚ် ဍုၚ်ကလိၚ်အံၚ် ပွိုၚ်ဍုၚ်ဍာ်ဗုတေံဟဂှ်ရ။
သၟတ်တံဒးဒုၚ်တံၚ်ဏာပဝ်တာတုဲ မိမကောဒေံဆေင်စပ်တံ ဗက်အာဂၠာဲဆဵုကီုလေဝ် ဟွံကဵုအခေါၚ်ဆဵုဂဗကဵုကောန်ဇာတ်ညးတံ ပကောံဏာကောန်ပၞာန်တၟိ သွက်ယိုက်ဂၠေၚ်ပၞာန်တုဲယျဏောၚ် ကလေၚ်ဟီုနၚ်ရ။
ဟိုတ်နူကဝ်မယှေန်ပၞာန် တံၚ်ရပ်ပဝ်တာလ္တူဍုၚ်ထဝါဲဂှ်ရ သၟတ်ဗွဲမဂၠိုၚ်ဟွံဂံၚ်တိတ်မ္ၚးသ္ၚိလေဝ်နွံ ဗက်ဂြိပ်ပါဲအောပ်မံၚ်လေဝ်နွံရဂှ် ညးဒေသတံဟီုတုဲ ဂွံတီရ။
ပရိုၚ်-သြၚ်လောန်တိုၚ်မ်
Photo – CJ