ကျံက်ကျဳ၊ အေဗရာ ၂၂
အပ္ဍဲရးဗဂေါ ပွိုၚ်ဍုၚ်ကျံက်ကျဳ သၞေဟ်ကင်ဂိက် ဒဒန်တုင် ကောန်ပၞာန်ယိုက်ဝန်ပၞာန် ဒးမံၚ်တာလျိုၚ် ထပှ်တၠ ကၠုၚ်ဖျေံလဝ် လွဟ် နွံမံၚ်ရောၚ်ဂှ် နူဗဟဵုဗော်သွးကောန်ဂကူကရေၚ် KNU လလောၚ်တြးလဝ်ပရိုၚ် ပ္ဍဲဂိတုအေဗရာ ၂၁ တေံရ။
ကောန်ပၞာန်ထပှ်တၠ ကၠုၚ်ဖျေံလဝ်လွဟ်တံဂှ်တှ်ေ မဒှ် ကောန်ဒပ် ယေဝ်ထက်ဥူ၊ တေန်မျဵုလွေန်၊ ယေဝ်မေန်ထောန်၊ နာၚ်ဝါန်၊ ယျာန်ကျဝ်ဥူ၊ အံၚ်ထောန် ဝေန်ထောန်ဥူ တံ မဒှ်ရ။
ကောန်ပၞာန် ကၠုၚ်ဖျေံလဝ်လွဟ်တံဂှ် ဒှ်ကောန်ဒပ် တိတ်နူဘာ တန်ဗတောန်ယိုက်ဝန်ပၞာန် ညးဍုၚ်ကွာန် နူတမ်ဒပ် ခမရ ၃၅၁ ကဝ်မယှေန်ပၞာန်တံ မဒှ်ရ။
ကောန်ပၞာန်ထပှ်တၠဏံ ပ္ဍဲဂိတုအေဗရာ ၂၀ တုဲကၠုၚ်ဏံဂှ် လုပ်ဖျေံလွဟ် ပ္ဍဲတမ်ဒပ် (၉) ဒပ်ပၞာန်ဗၠးၜးကောန်ဂကူကရေၚ် KNLA တုဲ ပြံၚ်ကၠုၚ်လပါ် ဒပ်ပၠန်ဂတးတံရောၚ်။
ဟိုတ်နူဒးဒုၚ်ပကောံလဝ် ကောန်ဒပ်ယိုက်ဝန်ပၞာန် နနဲအတေၚ် အဓမ္မ ဆန္ဒဍေံတံဟွံပါ ဒးဒုၚ်ဗလံၚ်ဏာမုက်ပၞာန်ဂှ်ရ ကောန်ဒပ်ယိုက်ဝန်ပၞာန် ညးဍုၚ်ကွာန်တံဏံ ပြံၚ်ကၠုၚ်လပါ် ဒပ်ပၠန်ဂတးရောၚ် သာ်ဝွံ KNU သ္ဂးရ။
အပ္ဍဲဂိတုအေဗရာ ၅ တုဲကၠုၚ်ဏံလေဝ် ပ္ဍဲရးဗဂေါ ပွိုၚ်ဍုၚ်မုၚ် ဘာလကျာ်သၞေဟ်ဇၞော်ဂှ် ကောန်ပၞာန် နူကဝ်မယှေန်ပၞာန် မွဲတၠ လုပ်ဖျေံလွဟ် ပ္ဍဲတမ်ဒပ် ၈ KNLA နွံကၠုၚ်လဝ်ကီုရ။
ပရိုၚ် – သြၚ်လောန်တိုင်မ်
Photo – KNU