ပံၚ်၊ သိပ်တေမ်ပါ ၂၄
အပ္ဍဲတွဵုရးမန် ပွိုၚ်ဍုၚ်ပံၚ် ကရပ်ကွာန်ဗွေကုၚ် ညးကၠဟ်ကဵုမတၟအ် ကွဳပၟတ် DEMU လၟေၚ် (၈၃) လ္ဂုၚ်-မတ်မလီု မွဲတၠဂှ် ဒပ်ဗၠာဲသၟိၚ်တံရပ်ကၠေၚ်ဏာရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဂိတုသိပ်တေမ်ပါ ၂၂ ၜိုတ်အခိၚ်ဂယး ၁၀ နာဍဳ နူကဵုသၞေဟ်ကွဳပၟတ် ဍုၚ်ပံၚ် အဟိန်ကွဳပၟတ် DEMU တိတ်ကၠုၚ်လပါ်မတ်မလီုဂှ် ညးတြုံ မင်ဗၜေအ်မွဲတၠ ကၠဟ်ဏာကဵုမတၟအ် သ္ဂးရ။
ဟိုတ်ဒှ်သာ်ဏံဂှ် ဒေါအ်ထောံကွဳပၟတ်တုဲ ဒပ်ဗၠာဲသၟိၚ်ကွဳပၟတ်ကဵု ဒပ်ဗၠာဲသၟိၚ် ဗ္ဒိုပ်မုတ္တမတံ အကြာခံက်ဝါ ဗက်ထဍေၚ်ရပ်ကေတ်နၚ် ညးကၠဟ်ကဵုတၟအ် ကွဳပၟတ်ဂှ်ရ။
ကောန်ကွာန် ဗွေကုန် ကိုကျဝ်လေန်ထောန် အာယုက် ၄၅ သၞာံ ဒးဒုၚ်ရပ်ဏာတုဲ သွက်ဂွံသ္ပသက်သဳ ညးဆဵုနမတ်ဂှ် ဗၠာဲသၟိၚ်တံကော်ဏာ မောၚ်နိုင် ညး ဍန်မံၚ်က ဂှ်ကီုရ။
ပြဟ်ဟ်ဏံ ပ္ဍဲကဵုရုၚ်ဗၠာဲသၟိၚ်မုတ္တမ ကၠောန်မံၚ်ပရေၚ်စၟဳစၟတ် သီုညးၜါရောၚ်ဂှ် ဂွံတီရ။
စောဲစပ်လဝ် ကိုကျဝ်လေန်ထောန် ညးကၠဟ်ကဵုမတၟအ်ဂှ် ယဝ်ရ အမှုဒှ်ဍာံစၟတ်မ္ဂး ပံက်အမှုကေတ်အရေဝ်တုဲ ဒဏ်ထံၚ်အောန်အိုတ် နူကဵု ၅ သၞာံ ဒဵုကဵု ၂၀ သၞာံ ဖျေံဒုဟ်မာန်ရောၚ်။
ပရိုၚ်-သြၚ်လောန်တိုၚ်မ်
Photo – Social Media