မုဟ်ဍုၚ်၊ အံက်တဝ်ပါ ၂၂
အပ္ဍဲတွဵုရးမန် ဒၞာဲသၠာတ်ဝိုၚ်ဗဝ်မဳတာ ၄၀၀ ဍုၚ်မုဟ်ဍုၚ်ဂှ် သၟာတေအ်ဗဝ်မွဲတၠ ဝိုတ်အာသတိတုဲထပ်ချိုတ်အာ ဒှ်ကၠုၚ်ပရူပရာ မွဲသာ်ပၠန်ရဂှ် ညးလ္တူဍုၚ်တံကဵု ဂကောံရီုဗၚ်ဟံၚ်ပြာ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အပ္ဍဲဂိတုအံက်တဝ်ပါ ၂၀ အခိၚ်သဝ်တ္ၚဲ အဃောကၠောန်မံၚ်ပေါဲပြိုၚ်တေအ်ဗဝ် လှိုၚ်သြန်ဥက္ကဌ ပွိုၚ်ဍုၚ်မုဟ်ဍုၚ်ဂှ် ဂကောံဗဝ် ၝောံဍုၚ်(၁) ကဵု ဂကောံဗဝ်ကွာန်လှာတံ ပြိုၚ်တေအ်မံၚ်ရ။
အဟိန်တေအ်မံၚ်ဗဝ် နူကဵု ဂကောံဗဝ်ၝောံဍုၚ်(၁) မဂၞန်စး ၂၁ ကိုတာကျဳ အာယုက် ၄၀ သၠာဲမၞိဟ်အဇာတုဲ အဟိန်ဇူမံၚ်ဗ္ဒာဲဂှ် ဝိုတ်သတိလောတ်စှ်ေအာ မဒှ်ရ။
ကိုတာကျဳ ဟိုတ်နူ ဝိုတ်သတိလောတ်စှ်ေအာဂှ်ရ နူကဵုဂကောံ “မြန်မာ့လူငယ် လူမှုကယ်ဆယ်ရေးအဖွဲ့ ကေုာံ မြို့နယ်ကြက်ခြေနီအသင်း” တံ ဝဳဝတ်ပရေၚ်ကာမံက်တိုန်တုဲ အဟိန်ပလံၚ်မံၚ်ရုၚ်ဂဥုဲ မုဟ်ဍုၚ်ဂှ် စိုပ်ရုၚ်ဂဥုဲဂှ်တှ်ေ ချိုတ်အာဟဂှ်ရ။
သၟာဝေၚ်တေအ်ဗဝ်မ္ၚး ကိုတာကျဳ အာယုက် ၄၀ သၞာံဏံ ဍောၚ်လောန်အာတုဲ ကောန်တၟအ်ဒေါအ်အာရောၚ် ညးတာလျိုၚ်ဂကောံရီုဗၚ်မွဲတၠ ဟီုရ။
အပ္ဍဲဂိတုသိပ်တေမ်ပါ ၂၂ တေံလေဝ် အဟိန်ကၠောန်မံၚ် ပေါဲပြိုၚ်တေအ်ဗဝ်ပရေၚ်ဆာန်ကၟိန် ပ္ဍဲသၠာတ်ဝိုၚ်ဗဝ်မဳတာ ၄၀၀ ဍုၚ်မုဟ်ဍုၚ်ဂှ် နူကဵုဂကောံဗဝ် Lion City FC မတ်မလီု ညးဝေၚ်တန်မုက်ဂတ ကိုတာန်တိုဝ်အံၚ် အာယုက် ၂၉ သၞာံ ဂဂဵုတးပန်တုဲ ချိုတ်အာလဝ်ကီုရ။
ပရိုၚ်-သြၚ်လောန်တိုၚ်မ်
Photo – Social Media