မတ်မလီု၊ အံက်တဝ်ပါ ၂၇
အပ္ဍဲတွဵုရးမန် လ္တူဍုၚ်မတ်မလီု သ္ၚိကီုကၟာၚ်ဒပ်ကၠအ်တံကီု ညံၚ်ဂွံလံက်ထောံ ဍာ်ဂဥုဲအိုတ်ညိဂှ် နူကဵုဌာနဗဂဵုလဟဵုပွိုၚ်ဍုၚ် သၟဝ်တဲအလဵုအသဳပၞာန် ပတိတ်လဝ်အမိၚ်ရ။
သ္ၚိတံဂှ် အရံၚ်ဇကုဒးစိုတ်လံက်မာန်ကီုလေဝ် တိုင်ဒပ်တံဂှ်အရံၚ်ယက်၊ ထဗါန်ကၟာၚ်ဂတမုက်ဒပ်တံဂှ် ညံၚ်ဂွံလံက်အာ အရံၚ်တသာ်ဍာ်မိတ်ၜတ်တ်ဂှ် ကဵုလဝ်စၞောန်ရောၚ်။
ညံၚ်ဂွံညဳသၟဟ်အာကဵု အဂႅလက်ျှန်ဍုၚ်ဇၞော်မဟာကီု ဍုၚ်ဇၞော်မဟာဇကု သွက်ဂွံအးဇ္ၚးၜိုဟ်သြိုဟ်ရာၚ်ဆာဲဂှ် ဒးပတိတ်ဏာအမိၚ်လံက်ဍာ်ဂဥုဲ သ္ၚိ၊ ကၠအ်တံရောၚ် သ္ဂးလဝ်ရ။
တုဲပၠန် ချောဲတိုန်မံၚ် အကြာဗွိုၚ်ဂတမုက်သ္ၚိဇကုကဵု ဂၠံၚ်တံဂှ် ဂိတုနိုဝမ်ပါ ၂၈ ဏံ စွံတ္ရဲလက်ကရဴအိုတ်တုဲ ညံၚ်ဂွံဘိုၚ်ရီုဗၚ် ၚးတးပသောၚ်လဝ်အိုတ်ညိဂှ် ကဵုလဝ်အမိၚ်ရ။
အခိၚ်ကပေါတ်စၞစသုၚ်တံ ၚုဟ်ဍၚ်မံၚ်ဏံ ပတိတ်အမိၚ်ကဵုလံက်ဍာ်ဂဥုဲ သ္ၚိကၠအ်တံဂှ်တုဲ အကြာညးလ္တူဍုၚ်တံ ဟီုဂး ပါ်ပါဲမံၚ်အိုတ်ရ။
အပ္ဍဲလက်ထက် သ္ကိုပ်ဝန်ဇၞော်တွဵုရးမန် ဒုသ္ကိုပ်ပၞာန်အံၚ်ဝေၚ်တာန် ကေတ်မံၚ်တာလျိုၚ်မတ်မလီုဏံ ညံၚ်ဂွံဒှ် Smart City ဂှ် ကၠောန်အာရောၚ် ကြဴဇာလဝ်နွံရ။
ကၠာဟွံဒှ် Smart City ဏီမ္ဂး ကွဳစက်သီဟမိက် ညံၚ်ဂွံကၠုၚ် အခိၚ်လၟေၚ်ဍာံ၊ ပၟတ်ဓါတ်လလဳကဵု ဍာ်တံ ညံၚ်ဂွံကၠုၚ်အခိၚ်ဍာံဍာံ မာန် ကၠောန်လဝ်ကၠာညိဂှ် ညးဍုၚ်ကွာန်တံ ဗတိုက်ဖအောဝ် မံၚ်ရောၚ်။
ပရိုၚ်-သြၚ်လောန်တိုၚ်မ်
Photo – Social Media