ဝါယှေန်တာန်၊ အံက်တဝ်ပါ ၂၇
စပ်ကဵုပရေၚ်ဇီုကပိုက် ပေါဲပၞာန်အဳရာန်တံတုဲ စရိတ်မၞိဟ်ပရေၚ်မံၚ်စံၚ်တံ သၠုၚ်တိုန်အာဂှ် ကၠာဟွံစိုပ်အာယုက်ပေါဲရုဲမာဲကဝက် သွက်ပရေၚ်တံၚ်ဂြဲမာဲ ဗော်ဒဳမဝ်ကရိတ်တေက်ဂှ် အိုဗာမာ ပါ်ပါဲဗတိုက်ဏာ အလဵုအသဳ ထရတံရ။
ဗွဲမအောန်အိုတ် သွက်ဂွံထိၚ်ချုက်အာ ပရေၚ်အလဵုအသဳလၟုဟ်ကြအ်လဝ်တံဂှ် ပေါဲရုဲမာဲလၟုဟ်ဏံ ဒှ်အခေါၚ်အရာခိုဟ်အိုတ်ရောၚ် အိုဗာမာ ဟီုလဝ် ပ္ဍဲဍုၚ်အိုဟိုၚ်ယော အံက်တဝ်ပါ ၂၄ ဂှ်ရ။
အကြာဏံ ပ္ဍဲတွဵုရးဂျဝ်ဂျဳယာ ပကောံလဝ်ညးဍုၚ်ကွာန်တံဂှ် စိုပ်ကၠုၚ်ခေတ်ထဝ်အမေရိကာန်ယျ သမ္မတ ထရ ဟီုလဝ်ရ။
ပ္ဍဲနဝ်ဝမ်ပါ ၃ ဏံ သွဟ်သွက်ထရ ပေါဲရုဲမာဲအကြာအာယုက်ကဝက်ဏံ ဗော်လဵု ဆက်ထိၚ်အာ စၠတ်ထဝ်ရောဂှ် ကဵုအာသ္ဂုတ်သွာတ် မဒှ်ရ။
စွံလဝ်ပွန်ကဵု ဂကောံအလဵိအသဳထရတုဲ ပ္ဍဲကဵုအိုဟိုၚ်ယောကဵု မဳယာမဳ အိုဗာမာ ဟီုလဝ်ဂလာန်ဂှ်တှ်ေ သ္ပပရေအ်လဝ်ကဵု ဗီုပြၚ်သမ္မတ ဖျေံမံၚ်ဗီု နူကဵုသ္ၚိဗတာၚ်ဂှ်ရ။
ပ္ဍဲလက်ထက်အလဵုအသဳထရဏံ ပရေၚ်ဗီုပြၚ်ဂရံဂရိုက်ဗီုတံဏံ မွဲဝါမှဟွံကေၚ်ဆဵုလဝ်မွဲလှ်ေတုဲ ဂွံဆဵုမံၚ် ပရေၚ်ဓဇန်ကြာန်တံကွေံကွေံရောၚ် အိုဗာမာ ဟီုရ။
အခိၚ်ဏံ ဗွဲယာယဳဂှ် ၚုဟ်ကၠေၚ်စက်က္ဍၚ်မံၚ်ကီုလေဝ် ဇြဟတ်ရးနိဂီုဍုၚ်ပိုဲဏံ ဇြဟတ်ခိုဟ်တုဲ ခိုဟ်တိုန်ကၠုၚ်မံၚ်ရောၚ် ထရ ဟီုလဝ်ရ။
သမ္မတ ထရ ဗော်ရဳပက်ပလေကေန်တံ ဒးဒုၚ်ဇီုကပိုက်မံၚ်ကဵု ပရေၚ်ယှအ်ဖျေံၚုဟ်မးကၠေၚ်စက်တံတုဲ ကၠောန်လဝ်ပရေၚ်ကၟာတ်ဆိုအ်ကဵုဒုဟ်ဒဏ်ကု ရတ်ယှာတံဂှ် ဒးကလေၚ်ယှအ်ကဵုတုဲ ရာန်ကေတ်မံၚ်ကၠေၚ်ဒဳဇြေလ် နူကဵုရတ်ယှာတံပၠန်ရ။
Ref:BBC