လံၚ်လုၚ်၊ နိုဝမ်ပါ ၃
ရးတနၚ်သဳ ပ္ဍဲပွိုၚ်ဍုၚ်လံၚ်လုၚ် အကြာပရေၚ်ဍာ်ဇၞော်ဒဵုလာ်ဒှ်လဝ် ပွိုၚ်မွဲဂိတုပြၚ်အာကီုလေဝ် ထပ်ဂၠာဲဆဵုလဝ် ဇွညးချိုတ်တ်တံနွံမံၚ်ဂှ် ဂွံတီနူကဵု ညးဒေသတံရ။
ဂိတုအံက်တဝ်ပါ ၃၁ ဏံ ပ္ဍဲကဵုကွာန်ကဒက်ၚာထိၚ်ဂှ် ဇွညးတြုံမွဲတၠ ကေုာံ တ္ၚဲနိုဝမ်ပါ ၁ ပၠန် ထပ်ဂၠာဲဆဵုလဝ် ဇွညးတြုံမွဲတၠ သ္ဂးရ။
ဟိုတ်နူဆက်ပသောၚ်သအးမံၚ် ဒၞာဲလီုလာ်လဝ်တံဂှ်ကီု ရဲသ္ၚိကၟိန်အိန်ထံၚ် ဟွံကလေၚ်ဂွံလဝ်ဇွတံ အာတ်အရီုဗၚ်တုဲ နူကဵုဂကောံပရေၚ်သ္အးဇ္ၚးတံ ဗက်ခါဲၜံက် ဂၠာဲကဵုမံၚ်လေဝ်နွံမံၚ်ရဂှ် ညးဒေသမွဲတၠ ဟီုကဵုဌာန်ပရိုၚ် သြၚ်လောန်တိုၚ်မ်ရ။
ပရေၚ်ဍာ်ဇၞော်ဒဵုလာ်ဒှ်လဝ် အခိၚ်ပွိုၚ်မွဲဂိတုပြၚ်အာကီုလေဝ် အကြာကွာန်ဍာ်ဇၞော်လဝ်တံမ္ဂး ဗက်ဂၠာဲမံၚ်ညးကၠေံအာတံ၊ ၚးတးပသောၚ်အာမံၚ် ဒၞာဲလီုလီုလာ်လာ်တံသၟးဟွံက ဒးဆက်ကၠောန်အာမံၚ် ပရေၚ်ဂမျိုၚ်က္တဵုတံ မဒှ်ရ။
တုဲကၠုၚ်ဂိတုသိပ်တမ်ပါ ၂၆ တေံ ဗြဲဂူရိုပ်ထတ်တုဲ ပ္ဍဲကဵု ပွိုၚ်ဍုၚ်လံၚ်လုၚ် ထဝါဲ၊ တယိတ်ချံၚ် ကွာန် ၁၀၀ ကွာန်ပြၚ်ၚ် ဍာ်ဇၞော်ဒဵုလာ် ဒှ်အာတုဲ ကလေၚ်ဂၠာဲဆဵုလဝ် ဇွညးဒေသတံ ၄၀ ပြၚ်ကီု ကလေၚ်ဂၠာဲဇွဟွံဂွံ ညးကၠေံမံၚ်တံလေဝ် နွံမံၚ်ကီုရောၚ်။
တုဲပၠန် သ္ၚိဌာန်စမြိုၚ်ဒၞာဲကရပ် ၁၀၀၀ လီုလာ်အာ၊ ဂၠံၚ်ဆက်လဝ် ကွာန်ကဵုကွာန်တံ ဂၠံၚ်ဇၞော်ကၟိန်ဍုၚ်လေဝ် လီုအာတုဲ ဒဵုအခိၚ်တ္ၚဲ ဒးပသောၚ်အာမံၚ်ဟွံတုဲဏီ ဂွံတီရ။
ပရိုၚ်-သြၚ်လောန်တိုၚ်မ်
Photo – CJ