ဒါကာ ၊ နိုဝမ်ပါ ၃
သွက်ဂွံ ထပဵုကဵုစရိတ်သြန်ဂိတုသၟာကမၠောန်တံ အာတ်မိက်တုဲ ဒှ်ကၠုၚ်ပရေၚ်ဟွံညိၚ်ဝပ် ပြဟ်ဟ်ဏံ ရုၚ်စက်ဇိင်ယာတ်ပလောအ် ဗၚ်ဂလာဒေအ်တံ နူကဵုကၟာတ်လဝ်ဂှ် ပ္ဍဲနိုဝမ်ပါ ၂ ကလေၚ်ပံက်လဝ်ရ။
ဆဂးဂှ် ညးတၠကမၠောန်ရုၚ်စက်တံ ဂွိၚ်ဖေက်ပရေၚ်ညိၚ်ဝပ် က္တဵုဒှ်ကၠုၚ် မဒှ်ရ။
နူကဵုကဏ္ဍပရေၚ်စက်ဇိုၚ်ယာတ်ပလောအ်တံ နူဍုၚ်ဗၚ်ဂလာဒေအ်ဂွံမံၚ် သြန်ပလံၚ်ကပေါတ်ဍုၚ်သအာၚ် ၜိုတ် ၈၀% တုဲ ကဵုလဝ်ကမၠောန် သွက်သၟာကမၠောန် ၄ ပြကောတိကိုတ်တံမာန်ရ။
ဍုၚ်ကြုက်တုဲမ္ဂး ဇိၚ်ပလံၚ်မံၚ်ယာတ်ပလောအ်ပ္ဍဲဂၠးကဝ်ဏံ ဂၠိုၚ်အိုတ်ဒုတိယဂှ် ဒှ်ဍုၚ်ဗၚ်ဂလာဒေအ်တုဲ ဟိုတ်နူပေါဲထ္ၜးဆန္ဒဏံ ဒှ်တိုန်ဒဝိၚ်တံရ။
အောန်အိုတ်သွက်ဂွံထပဵုကဵု သြန်ဂိတု သြန်တာကာ ၁၂၅၀၀ -၃၀၀၀၀ (ဒဝ်လာန်ကာန် ၂၄၃) ဂှ် သၟာကမၠောန်ထ္ၜးဆန္ဒတံ အာတ်မိက်လဝ်ရ။
သွက်ဂွံသ္ၚဳဂၠိပ်အာ ပရေၚ်အာတ်မိက် သၟာကမၠောန်ထ္ၜးဆန္ဒတံဏံ နူကဵုအလဵုအသဳ ပံက်ကဵုလဝ်ဂကောံဗုက် ညး ၆ တၠပါလုပ်ကီုလေဝ် ပေါဲထ္ၜးဆန္ဒတံ ဟွံညိၚ်ဏီပုဟ်။
ပ္ဍဲနဝ်ဝမ်ပါ ၁ ဂှ် သၟာကမၠောန်တံ ကၟာတ်လဝ်ဂၠံၚ်ရုၚ်စက်တံတုဲ ပ္ဍဲကဵုမဟာဍုၚ်ဇၞော် ဒါကာ ဒပ်ဗၠာဲသၟိၚ်ပလိက်တံ စကာဗုမ်ဍာ်ရမတ် ပိုက်ဂစိုတ်ပၟတ်တံတုဲ ပါ်ဒကးမၞိဟ်ဂအုံ ရဲထ္ၜးမံၚ်ဆန္ဒတံရ။
ဟိုတ်နူ ပေါဲထ္ၜးဆန္ဒတံဏံ ဒှ်တုဲ နူကဵုဂကောံ ရုၚ်စက်ဇိင်ယာတ်ပလောအ်တံကဵု ရုၚ်စက်ပလံၚ်ကပေါတ် ၅၂၉ ရုၚ် ဒးကၟာတ်လဝ်တုဲ သၟာကမၠောန် ၜိုတ် ၁ ပြကောတိကိုတ်တံ ကမၠောန်ဒးဂိအာ ဟီုမံၚ်ရ။
Ref:Reuters