ကျာ်ထဝ်၊ နိုဝမ်ပါ ၁၀
အပ္ဍဲပွိုၚ်ဍုၚ်ကျာ်ထဝ် ကရောၚ်ပၞာန်ဒပ်ပၞာန်ဗမာတံ ဍိုက်ကဵုဇြဟတ်တုဲ ထပက်မံၚ်အကြာပွိုၚ်မွဲသတ္တဟဏံဂှ် ဗ္ဒိုပ်ဗၠးဂတး ၄ ဒၞာဲ ဒးဒုၚ်သီဏာလဝ်နွံရဂှ် ရိုဟ်ကၞက်ပရိုၚ်ပၞာန်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
စနူနိုဝမ်ပါ ၃ ဏံဂှ် ဒပ်ပၞာန်ဗမာ ကၠောန်သ္ပပရေၚ်လဝေၚ်ပၞာန်တၟေၚ် နကဵုဇြဟတ်ကောန်ပၞာန် ၁၂၀၀ ပြၚ် ထပက်မံၚ်ကရောၚ်ပၞာန် အပ္ဍဲပွိုၚ်ဍုၚ်ကျာ်ထဝ် ဒၞာဲဂကောံဇြဟတ်ပၠန်ဂတးဖျေံလဝ်သ္ဇိုၚ်ဂှ် မဒှ်ရ။
အပ္ဍဲနိုဝမ်ပါ ၅ ဂှ် ဗ္ဒိုပ်ယာယဳ PDF ကရပ်ကွာန်ခမံက်ခွေ၊ နိုဝမ်ပါ ၇ ဂှ် မဟာဒပ် ၁ KNLA ရုၚ်တမ်ဒပ် (၃) ကေုာံ ဗဒိုပ်ဒပ် SOG၊ နိုဝမ်ပါ ၈ ဂှ် ဗ္ဒိုပ်ရုၚ်ဗျူဟာ ၂၇ NUG တံဂှ် ကရောၚ်ပၞာန်ဗမာတံ သီဂွံလဝ်ရ။
နူကဵုလပါ်ဒပ်ပၞာန်ဗမာတံ ဍိုက်ဗတိုက်လဝ်ကဵု ဇြဟတ်ဂၠိုၚ်ၚ် ၜက်အာနူသၞောတ်ဂှ်ရ ညံၚ်ရဴဗီုပြၚ်ဆုတ်ထောံကဵု နူဗ္ဒိုပ်တံဏံ ဗွဲယာယဳရောၚ် ရိုဟ်ကၞက်ပရိုၚ်ပၞာန်ဒေသတံ သ္ဂးရ။
အကြာကရောၚ်ပၞာန်ဗမာထပက်မံၚ် ပွိုၚ်မွဲသတ္တဟဂှ်တှ်ေ ပေါဲဗတိုက်ဟွံအောန်နူကဵု ၇ ဝါ ဒှ်လဝ်တုဲ နူကဵုဒပ်ပၞာန်ဗမာဗတိုက်လဝ်ကဵု ပၞာန်ကျာ ၂ ဝါ၊ ပန်လဝ်လွဟ်ဇၞော် ဟွံအောန်နူကဵု ၃၀ အလန် ကၠောန်လဝ်ကီုရ။
အပ္ဍဲကဵုနိုဝမ်ပါ ၉ ဂှ် ကရောၚ်ပၞာန်ဗမာတံ စိုပ်ကၠုၚ်လပါ် အကြာပယျဵု KNU မဟာဒပ် (၁) ကဵု မဟာဒပ် (၃) တံ နွံမံၚ် သ္ဂးရ။
ဟိုတ်နူကဵု ကရောၚ်ပၞာန်ဒပ်ပၞာန်ဗမာတံ ဍိုက်ဗတိုက်လဝ်ကဵု ဇြဟတ်ဂၠိုၚ်ၚ်ဂှ်ရ ညးဒေသ ၁၅၀၀၀ ပြၚ်ၚ် နူကဵုပွိုၚ်ဍုၚ်ကျာ်ထဝ် ၂၀ ကွာန်တံ ဒးထောံသ္ၚိဌာန်တုဲ ဂြိပ်ပါဲမံၚ်အိုတ်ရ။
စပ်ကဵုအကာဲအရာ ပရေၚ်ဗဒိုပ်ဒၞာဲဒပ်ပၠန်ဂတးတံဒးဒုၚ်သီလဝ်ဏံဂှ် နူကဵုဌာန်ပရိုၚ်သြၚ်လောန်တိုၚ်မ် ကေတ်အဆက်သၟာန်ဏာ ညးနွံအခေါၚ်ဟီုဂး KNU ခရိုၚ်သဓီုကဵု ညးတာလျိုၚ်ဗျူဟာ ၂၇ ဒပ်ပၞာန်ညးဍုၚ်ကွာန် PDF တံကီုလေဝ် ကလေၚ်ဟီုလဴလဝ်ကဵု ဟွံမွဲဏီပုဟ်။
ပရိုၚ်-သြၚ်လောန်တိုၚ်မ်
Photo – Social Media