ဒါကာ ၊ နိုဝမ်ပါ ၁၀
နူကဵုဍုၚ်ဗၚ်ဂလာဒေအ် အခိၚ်ကလေၚ်ပလေဝ်ပ္ညဳပ္ညပ်အာမံၚ် မူဝါဒပရေၚ်ဍုၚ်ကွာန်ဇၞော်ဇၞော်တံဏံ ရိုဟေၚ်ဂျာတံ သွက်ဂွံပလံၚ်ဖျဴ တွဵုရးရခေၚ်မာန် ကၠောန်သ္ပပ္ညဳပ္ညပ်မံၚ်ကဵု အလဵုအသဳပၞာန်ကေုာံ AA တံဂှ် ဗၚ်ဂလာဒေအ် သ္ပဒတန် ဗွဲမလုပ်သၞောဝ်ရ။
စပ်ကဵုပြဿနာ ရိုဟေၚ်ဂျာတုဲ သွက်ဂွံထမံက်အာ ဗျူဟာရးနိဂီုဍုၚ်ဂှ် နူကဵုအလဵုအသဳ ဒက်ပတန်ပံက်အာ ကမ္မတဳ မဒှ်ရ။
အတိုၚ်ကမ္မတဳဏံ ပိုဲတံ သဳကၠဳမံၚ်ကဵု အလဵုအသဳဗမာတံဟွံက ဆက်စၠောံသဳကၠဳအာမံၚ်ကဵု ဒပ်ပၞာန်အာရက္ခတံကီုဂှ် ပ္ဍဲနိုဝမ်ပါ ၈ ကၠောန်လဝ် ပေါဲသဳကၠဳမူဝါဒမွဲဒၞာဲဂှ် ဝန်ဇၞော်ပရေၚ်ဍုၚ်သအာၚ်ဗၚ်ဂလာဒေအ် ယှာမာ အိုဗာအေအ် အေတ်သလာန် ဟီုရ။
အခေါၚ်ရိုဟေၚ်ဂျာတံ ကလေၚ်စဴကၠုၚ်ဂှ် ဂကောံအပ္ဍဲဍုၚ်ဗမာတံ ဒစဵုဒစးမံၚ်သၠဲသၠဲလးလး နွံရောၚ် ညးဟီုရ။
ပရေၚ်ဒစဵုဒစးဗီုတံဏံဂှ် ဍုၚ်ဂၠးကဝ်တံ ညံၚ်ဂွံကဵုဇြဟတ်ဟရိုဟ်နကဵုပွဳဗွိုၚ်ဂှ် ဗော်ပရေၚ်ဍုၚ်ကွာန် ဗၚ်ဂလာဒေအ်တံသီုဖအိုတ် ညံၚ်ဂွံညဳသၟတ်အိုတ်ညိဂှ် ညးဗတိုက်ဖအောဝ်လဝ်ရ။
ဒေသဏံ ဒှ်တိဍာ်မိမ ရိုဟေၚ်ဂျာတံဍာံဍာံ ညံၚ်ဂွံသ္ပစၟတ်သမ္တီလုပ်သၞောဝ်ကေုာံ သွက်ဂွံကလေၚ်စဴကၠုၚ်ဂှ် အခေါၚ်အရာနူဂဝ်ဂၞဴ ညးတံနွံမံၚ် ဒးကဵုအာဇြဟတ်ဟရိုဟ်ကဵု ဍုၚ်ဂၠးကဝ်တံဂှ် ဝန်ဇၞော်ဍုၚ်သအာၚ် ဗၚ်ဂလာဒေအ် ဟီုရ။
ဆက်ဆောံအာမံၚ်ကဵု AA ဗွဲမလုပ်သၞောဝ် ကဵုလဝ်သမ္တီညးဂမၠိုၚ်တံဂှ် ထမံက်ထ္ၜးမံၚ် ပရေၚ်ဆက်ဆောံအမာတ်ကလုတ် ဒါကာ ပိုတ်တ်သ္ကုတ်တ်တုဲ ပ္ဍဲကဵုတွဵုရးရခေၚ် ဍုၚ် ၁၇ ဍုၚ်နွံမံၚ်ဂှ် ပ္ဍဲဗလးတိ AA သီဂွံလဝ် ၁၄ ဍုၚ် မဒှ်ရ။
နကဵုပိုဲတံ ဒးဆက်ထိၚ်ဒဝ်အာ ပရေၚ်ဆက်ဆောံကဵု AA ခိုဟ်ဟ်တုဲ တိုက်ရိုဟ်ဒှ်ဒှ် အကြာမွဲအဆံၚ်ဒှ်ဒှ် ဒးပ္ညဳပ္ညပ်အာရောၚ် ညးကဵုကသပ်အလဵုအသဳယာယဳတြေံ ဟူသိၚ် ဟီုရ။
အခိၚ်ကၠာတေံ နူကဵုဗၚ်ဂလာဒေအ် နွံပရေၚ်ဆက်ဆောံပ္ညဳပ္ညပ်ကဵု AA ကီုလေဝ် ပရေၚ်သ္ပဒတန်လုပ်သၞောဝ်ဂှ်တှ်ေ အလန်ဏံ ကၠာအိုတ် မဒှ်ရ။
Ref: NEWAGE/DVB