ဝါယှေန်တာန်၊ နိုဝမ်ပါ ၁၁
ဒဳမိုကရက်တံ ဂွံအခေါၚ်ထိၚ်အာသီုစၠတ်ထဝ်ၜါ ဗွဲကိုပ်ကၠာသွဟ်တိတ်ကၠုၚ် ပ္ဍဲအာယုက်ပေါဲရုဲမာဲကဝက်ဂှ် ဒုၚ်တဲတုဲ ပရေၚ်လီမာဲနွံမံၚ် သမ္မတအမေရိကာန် ဒဝ်နေဝ်ထရ စောဲစပ် ဟီုဂးလဝ် မုလေဝ်သက်သဳတၚ်နၚ်ဟွံမွဲရ။
ပ္ဍဲအာယုက်ပေါဲရုဲမာဲကဝက် ဗော်ရဳဗာတ်ပလေကၚ်ညးတေံ ကျအာပိုတ်တ်ဂှ် ဗွဲကိုပ်ကၠာ ထရ ဒုၚ်တဲရ။
“ပေါဲရုဲမာဲဏံ ပရေၚ်ယဵုလ္ဂူနွံမံၚ်ဏောၚ် ညးလဵုတံပတေဟ်ကီုရော။ ပေါဲရုဲမာဲ ဗီုလဵုမှာရာအာလဝ် ဟလိုၚ်ဏံမာန်ရောႜ ထရ ချူပတိုန် လ္တူမဳဒဳယာမှာဇန်ညးတုဲ ဗီုလဵုဒှ်လဝ်ပရေၚ်မှာရာဂှ် ချူလဝ်ဟွံမွဲပုဟ်။
သီုဖအိုတ်တံဂှ် ဆေၚ်မံၚ်ကဵုစက်တံတုဲ စက်ကဵုမာဲတံဂှ် ပဵုကိစ္စဇၞော်နူကဵု မၞိဟ်ကဵုမာဲတံဏီ ထရ ချူလဝ်ရ။
ကောန်ဍုၚ်အမေရိကာန်ဗွဲမဂၠိုၚ် တးပါဲဗော်ညးတေံတုဲ လံကၠုၚ်ပွိုၚ် ၆ ဂှ် ထရ ဟီုကၠုၚ်အရေဝ်လပါ်ဟလန် တၟေၚ်ၚ်တၟဟ်ဟ်ရ။
ဆန္ဒဒုၚ်တဲ သွဟ်ပေါဲရုဲမာဲ နွံပေၚ်ၚ်တုဲ နကဵုညးတေံ စၟဳစလဝ် ပံၚ်တောဲကၠောန်အာကဵု ဒဳမိုကရိတ်တေတ်တံမာန်ရောၚ် ထရ ဟီုလဝ် ဌာန်ပရိုၚ် New York Times ရ။
ပ္ဍဲပေါဲရုဲမာဲသမ္မတ ၂၀၂၀ တေံ ဂျိုဝ်ဗိုၚ်ဒန် ကၠတ်ကေတ်လဝ်မာဲညးတေံ တၚ်နၚ်ဟွံမွဲ စောဲစပ်ဟီုဂးလဝ်တုဲ လၟုဟ်မွဲဝါပၠန် ပရေၚ်လီပေါဲရုဲမာဲနွံမံၚ် ကလေၚ်ဟီုမံၚ် ထပ်ကဵုထပ်ပၠန်ရ။
ပ္ဍဲသၞာံ ၂၀၂၁ ဂိတုဂျာန်နဝါရဳ ၆ ဂှ် ညးထံက်ဂလာန်ထရတံ လုပ်ဗတိုက်စၠတ်ထဝ် အမေရိကာန်ရ။
ထရ ဟီုမံၚ် ပေါဲရုဲမာဲ ဟွံယဵုလ္ဂူ နွံမံၚ်ဂှ် မုလေဝ်ထ္ၜးသက်သဳဟွံမွဲတုဲ စက်ကဵုမာဲတံ ရိုဟ်လဝ်တၞးမာဲဗၠေတ်တ်ဂှ်လေဝ် ဟီုလဝ်ဟွံမွဲပုဟ်။
ညးတာလျိုၚ် ပေါဲရုဲမာဲအလုံဍုၚ်မွဲတံ ဟီုလဝ် ပေါဲရုဲမာဲ ဟွံမွဲကဵုပရေၚ်ပြဿနာသ္ဂးရ။
ဗော်ရဳဗာတ်ပလေကၚ်ညးတေံ ကျအာမာဲဂှ် ဟိုတ်နူညးတံ ဟွံပါပ္ဍဲကဵုပေါဲရုဲမာဲ ဒှ်ရောၚ် သမ္မတရဳဗာတ်ပလေကၚ်ဟီုတုဲ ပ္ဍဲအခိၚ်ရုဲမာဲမ္ဂး စွံလဝ်ညံၚ်ရဴ ညးတေံလုပ်ပြိုၚ်မာဲတုဲ စုတ်မာဲအိုတ်အိုတ်ဂှ် ညးဗတိုက်ဖအောဝ်လဝ် ရဲထံက်ဂလာန်တံရ။
Ref:AFP