ကျာ်ထဝ်၊ နိုဝမ်ပါ ၁၂
အပ္ဍဲတွဵုရးမန် အခိၚ်ဒပ်ပၞာန်ဗမာ ထပက်မံၚ်ကရောၚ်ပၞာန် ပ္ဍဲကဵုပွိုၚ်ဍုၚ်ကျာ်ထဝ်ဂှ် ဗ္ဒိုပ်ပၞာန်လ္ၚဵုတံ ဒးဒုၚ်သီလဝ်တုဲဗွဲကြဴဏံ ကလေၚ်တတ် ကြတ်ဗတိုက်လဝ်တုဲ ကလေၚ်ဂွံလဝ်လွဟ်တံနွံဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
စနူဂိတုနိုဝမ်ပါ ၃ တုဲ နကဵုပရေၚ်လဝေၚ်ပၞာန်တၟေၚ် ဒပ်ပၞာန်ဗမာဇြဟတ် ၁၂၀၀ ပြၚ် ထပက်လဝ်ကရောၚ်ပၞာန် ပ္ဍဲဒၞာဲကွာန် ပွိုၚ်ဍုၚ်ကျာ်ထဝ် ဒၞာဲဂကောံဒပ်ပၠန်ဂတးတံ ဖျေံလဝ်သ္ဇိုၚ်ချဳဒရာၚ်မံၚ် မဒှ်ရ။
အခိၚ်ကရောၚ်ပၞာန် ထပက်အာလုပ်ဂှ် ဒပ်ပၞာန်ဗမာသီဂွံဏာ ရုၚ်ဌာန်ဂအုပ်ပၞာန် ရးတၟေၚ် NUG၊ KNLA မဟာဒပ် (၁) ရုၚ်တမ်ဒပ် ကီု ဗ္ဒိုပ်ဂကောံပၠန်ဂတး ၁၁ ဒၞာဲတုဲ သီဂွံလဝ်သီုလွဟ် ၉၀ ဇကိုအ်ပြၚ်ရဂှ် လပါ်ဒပ်ပၞာန် လလောၚ်ပတိတ်ပရိုၚ်။
အပ္ဍဲနိုဝမ်ပါ ၁၀ ဂှ် နူကဵုလပါ်ဒပ်ပၞာန်ဗမာ သီဂွံလဝ်လွဟ်တံတုဲ အဟိန်ပလံၚ်ဏာ ဇရေၚ်သ္ကိုပ်ကရောၚ်ပၞာန် ဂဇအ်မံၚ် ကွာန်ဇြဳပျံၚ်ဂှ်တှ်ေ ဒပ်ပၠန်ဂတးတံကြတ်ဗတိုက်ဂွံ ကရပ်ကွာန်ခမံက်ခွေဂှ်ရ။
ပ္ဍဲအကြာပေါဲဗတိုက် ကြတ်ဒှ်လဝ်ဏံ ကလေၚ်သီဂွံလွဟ် ၁၀ ဇကိုအ်တုဲ ရဲလပါ်ဒပ်ပၞာန်ဗမာတံ ဒးဝပ်ချိုတ်အာလဝ်နွံမံၚ်ရဂှ် ဂွံတီနူကဵု ရိုဟ်ကၞက်ပရိုၚ်ပၞာန်တံရ။
ပ္ဍဲကဵုပွိုၚ်ဍုၚ်ကျာ်ထဝ်ဂှ် ဒပ်ပၞာန်ဗမာဍိုက်ကဵုဇြဟတ်ဂၠိုၚ်ၚ် ထပက်မံၚ်ကရောၚ်ပၞာန်ဂှ်ရ ပေါဲဗတိုက်အကြာၜါလပါ်ဒှ်မံၚ်တုဲ ရပ်ဂွံလဝ်ဂၠုဲပၞာန်ဗမာလ္ၚဵုတံလေဝ် နွံမံၚ်ကီု သ္ဂးရ။
အဟိန်ဒပ်ပၞာန်ဗမာ ထပက်ကရောၚ်ပၞာန် စပ်ကဵုပရေၚ်သီဂွံ ဌာန်ဂအုပ်ပၞာန် ရးတၟေၚ် NUG တုဲ ဒှ်ပရိုၚ်မှာရာရောၚ် နူကဵုဇာဖိုၚ်ပရေၚ်မၞိဟ် သ္ကိုပ်ပရေၚ်ကောပ်ကာဲ ဌာန်ပၞာန်ရးတၟေၚ် သ္ဂံၚ်အံၚ်သာန်ယှာ ပ္ဍဲဇာဖိုၚ်ပရေၚ်မၞိဟ်ညး ကလေၚ် ချူထမံက်လဝ်ရ။
ပရိုၚ်-သြၚ်လောန်တိုၚ်မ်
Photo – PDF