တဳဟဳရာန်၊ နိုဝမ်ပါ ၁၂
ဂကောံမၚ်မွဲအေတ်သလာန်မေတ် အဳရာန် IRGC ဆက်မိတ်ထ္ၜးကၠုၚ်ဒၞာဲ မဟာဍုၚ်ဇၞော်ကမ်သၠောဝ်သၟဝ်တိ ညးတံရ။
ပ္ဍဲကဵုဒၞာဲဏံ ဗီုပြၚ်ဒေပ်စွံလဝ် ကမ်သၠောဝ်ထိၚ်သၞေဝ်တံ မကမ်သၠောဝ်ခရုဇ်တံ သီုကဵုသၞောတ်ပန်ဗတိတ်ကမ်သၠောဝ်တံဂှ် ဂွံဆဵုညာတ်ရ။
နူကဵုဌာန်ပရိုၚ် Tasnim News Agency ဆက်စပ်မံၚ်ကဵု IRGC တံ ပ္ဍဲနဝ်ဝမ်ပါ ၁၀ ဂှ် ထမံက်ထ္ၜးကဵုလဝ် တၞးဗီုရုပ် ပရေၚ်ပၞာန်ကျာ အဳရာန် အကြာပွိုၚ်သတ္တဟဏံရ။
အကြာသတ္တဟဏံ နူကဵုဒပ်ပၞာန်ကျာ ဆက်မိတ် ထ္ၜးအာကဵု ဍုၚ်တၟိကမ်သၠောဝ်သၟဝ်တိ ကေုာံ ပရေၚ်အံၚ်ဇၞးတၞဟ်ဟ်တံရောၚ် ညးနွံအခေါၚ် IRGC ဒုသ္ကိုပ်ပၞာန် ဟူသိၚ် ဟီုဏာတုဲ တၚ်လလောၚ်တြးဏံ မံက်တိတ်ကၠုၚ် မဒှ်ရ။
ပ္ဍဲကဵုဍုၚ်ဇၞော်မဟာသၟဝ်တိဏံ လၟိဟ်ကမ်သၠောဝ်အဳရာန်တံ နွံတၟာဂလိုၚ်လဵုဂှ် ဟွံဂွံတီဏီပုဟ်။
အဳရာန် ထိၚ်ချုက်လဝ် ပ္ဍဲသၟဝ်တိ ဒေပ်စွံလဝ် ကမ်သၠောဝ်တံ ၜိုတ်လဵုသှ်ေမံၚ်ဏီဂှ် သောၚ်ၚ်ကၠးကၠး ဟွံဂွံတီဏီပုဟ်။
အတိုၚ်လ္ၚတ်ဂွံလဝ်သွဟ်လက်ကရဴအိုတ်ဏံ ပ္ဍဲအဳရာန် ကမ်သၠောဝ် သှ်ေမံၚ် ၂၀၀၀ ပြၚ်ဏီ ဂွံတီရ။
အမေရိကာန်ကဵု အေတ်သရေဝ်တံ ဗတိုက်တုဲ လၟိဟ်ကမ်သၠောဝ်အဳရာန်တံ ယအ်စှ်ေအာ မဒှ်ရ။
ပ္ဍဲကဵုသၞာံဏံပြဟ်ဟ်ဂှ် အေတ်သရေဝ်တံ ချိၚ်လဝ် လၟိဟ်ကမ်သၠောဝ်အဳရာန် သှ်ေမံၚ် ၂၅၀၀ ပြၚ်နွံမံၚ် ချူလဝ်ရ။
အခိၚ်ပရေၚ်ကြံၚ်မ္ၚိုဟ် သၠုၚ်တိုန်မံၚ်ဏံ ဗီုသၞိၚ်ဍုၚ်ကမ်သၠောဝ်သၟဝ်တိဂှ် ဒှ်ပရေၚ်တြးဝါဒအဳရာန် မွဲသ္ကုတ်မွဲသ္ကူရောၚ် ညးလ္ၚတ်တံ ဟီုရ။
နူကဵုပၞာန်ကျာတံ စွံပွန်ဗတိုက်ကၠုၚ် ဍုၚ်ကမ်သၠောဝ်သၟဝ်တိဂှ်မ္ဂး ညံၚ်ဂွံဆက်ဂေတ်အာ ပရေၚ်ကမၠောန် မာန် သိုၚ်ခၞံလဝ် ခိုၚ်ၚ်ကၠိုက်က် မဒှ်ရ။
ဒၞာဲအဳရာန်တံ ကၠောန်ပတိတ်ဒရုၚ်တံဂှ် နူကဵုဗလးတိ ပြံၚ်ပဆုဲဏာ ဒၞာဲသၟဝ်တိဏံဂှ် ညးလ္ၚတ်ပရေၚ်လ္ၚဵုတံ ဟီုရ။
ဟိုတ်ဂှ်ရ ဒၞာဲဆက်မိတ် ထ္ၜးလဝ် မဟာဍုၚ်ဇၞော်ကမ်သၠောဝ်သၟဝ်တိ လၟုဟ်ဏံဂှ် ဒှ်ဒၞာဲကၠောန်ပတိတ် ကမ်သၠောဝ်လေဝ် ဒှ်မာန်ကီုရောၚ်။
Ref:GULFNews