တနင်္သာရီ၊ နိုဝမ်ပါ ၁၂
အပ္ဍဲရးတနၚ်သဳ ပွိုၚ်ဍုၚ်တနၚ်သဳ ကရပ်ကွာန်ဖာနဳ လ္တူသ္ကုတ်ဂၠံၚ် ဇဝဲ-တကူ သၟတ်ၜါတၠ ဍိုက်ကၠုၚ်လဝ်ကွဳလိုန်ဓါတ်ဂှ် ဟိုတ်နူဒပ်ပၞာန်ဗမာပန်တုဲ ချိုတ်အာမွဲတၠ ဒးဝပ်မွဲတၠဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
အပ္ဍဲဂိတုနိုဝမ်ပါ ၁၀ ၜိုတ်အခိၚ်ဒေါဝ်တ္ၚဲ ၁၂ နာဍဳသၟတ်ၜါတၠ ဍိုက်ကၠုၚ်ကွဳလိုန်ဓါတ် လပါ်ကွာန် လ္တူသ္ကုတ်ဂၠံၚ် ဇဝဲ-တကူဂှ် ဆဵုဂဗကဵု ဒပ်ပၞာန်ဗမာတုဲ ပဒေါအ်ဂှ်တှ်ေ ဟိုတ်နူဟွံဒေါအ် ဒဳဟရိပ်ဏာဂှ်ရ ဒးဒုၚ်ပန်ကဵုလွဟ်ရ။
ဟိုတ်နူဒးဒုၚ်ပန်ကဵုသေနာတ်တုဲ ရဲဍိုက်ဍုတ် ကိုဟိၚ်လေန် ကောန်ကွာန်တဗောတ် ဒးမကမ်ချိုတ်အာ အပ္ဍဲဒၞာဲဂှ်တုဲ ကောန်ကွာန်တကူ ညးဒဳကွဳလိုန်ဓာတ်ဏံ ၐိုန်ရ ဒးလွဟ်ကီုလေဝ် ဗၠးစဴကၠုၚ်ရ။
ဟိုတ်နူဒပ်ပၞာန်ဗမာပန်လဝ်ဂှ်ရ ကောန်ကွာန်တဗေါတ် ဇွကိုဟိၚ်လေန်ဂှ် ဒၟာနူကရောၚ်ပၞာန်တံနွံမံၚ်တုဲ ကောန်ကွာန်တံ ဟွံဂံၚ်ကပှ်ဇွဏီ သ္ဂးရ။
ကွာန်ဖာနဳဏံဂှ် နွံလပါ်သ္ကုတ်ဂၠံၚ် ဇဝဲ-တကူတုဲ ဂၠံၚ်ဒပ်ပၞာန်ဗမာတံ လုပ်ကၠုၚ်မံၚ်မွဲဏှမွဲဏှ မဒှ်ရဂှ် ညးဍုၚ်ကွာန်တံဟီုတုဲ ဂွံတီရ။
ပရိုၚ်-သြၚ်လောန်တိုၚ်မ်
Photo – CJ