ယှိုဲကျေန်၊ နိုဝမ်ပါ ၁၃
အပ္ဍဲရးဗဂေါ ပွိုၚ်ဍုၚ်ယှိုဲကျေၚ် ပေါဲဗတိုက်မွဲသာ်ဟွံမွဲလေဝ် ဒေသကျာ်သိယဵုဍောတ်ဂှ် ဒပ်ပၞာန်ကျာဗမာ ကၠုၚ်ကြဳလဝ်ဗုမ်ရဂှ် နူကဵု KNU ဗဟဵု ပတိတ်လဝ် လိက်လလောၚ်တြးရ။
အပ္ဍဲနိုဝမ်ပါ ၁၀ ၜိုတ်အခိၚ်ဂယး ၉ နာဍဳ နူကဵုဒပ်ပၞာန်ဗမာ ကၠုၚ်ကြဳဖျေံဗုမ် ပံၚ် ၃၀၀ ပန်မ ဒၞာဲဒေသကျာ်သိယဵုဍောတ်ဂှ်ရ။
ဟိုတ်နူဒပ်ပၞာန်ကြဳဗုမ်ဂှ်ရ ဇြပ်သဘၚ်ဓဝ် ကျာ်သိယဵုဍောတ်မွဲမလီုလာ်အာတုဲ ကိုလေဝ်မံၚ် ၂၉ သၞာံကီု ကိုတာၚါ ၃၈ သၞာံတံ ဒးဝပ်ရ။
ကျာ်သိယဵုဍောတ်ဝွံ နွံမံၚ်လ္တူဒဵု ကွာန်မူကျေခို ပွိုၚ်ဍုၚ်ယှိုဲကျေၚ်တုဲ ကျာ်စေတဳဏံဝွံ ဝင်ဆက်စပ်မံၚ်ကဵု စေတဳကျာ်ဣသိယဵုကီုရ။
စနူ နိုဝမ်ပါ ၃ တေံ ဒပ်ပၞာန်ဗမာ ဍိုက်ထပက်မံၚ်ကဵုဇြဟတ် ကရောၚ်ပၞာန်ဇၞော်ဇၞော် အကြာဒေသပယျဵုတွဵုရးမန် ပွိုၚ်ဍုၚ်ကျာ်ထဝ်ကဵု ရးဂဂေါ ပွိုၚ်ဍုၚ်ယှိုဲကျေၚ် မဒှ်ရ။
အပ္ဍဲကဵုဒပ်ပၞာန်ဗမာ ထပက်ကၠုၚ်ကရောၚ်ပၞာန်ဏံ သီုမွဲကရောံဂှ် ၜၚ်ကျာပၞာန်လေဝ်ကြဳလဝ်ဗုမ်ဂှ်တုဲ ညးဒေသနွံမံၚ်ပယျဵုမန်ကဵု ဗဂေါ ၂၀ ကွာန်ပြၚ်တံဂှ် မၞိဟ်လၟိဟ်ကဵုလက် ဒးဂြိပ်ပါဲမံၚ်ဘဲပၞာန်ဖိုအ်ရ။
နူလပါ်ဒပ်ပၞာန်ဂှ်တှ်ေ ဂကောံပၠန်ဂတး ဖျေံမံၚ်သ္ဇိုၚ် အကြာပယျဵု တွဵုရးမန်ကဵုရးဗဂေါတံဂှ် သၠုၚ်အသိၚ်တုဲဆက်ဂြးသအး ဗတိုက်အာရောၚ် ဒပ်ပၞာန်ဗမာ လလောၚ်ပတိတ်လဝ်ပရိုၚ်ရ။
ပရိုၚ်-သြၚ်လောန်တိုၚ်မ်
Photo – KNU