ဗေဂျေၚ် ၊ နိုဝမ်ပါ ၁၃
ဇၟောဝ်ဍာ်ဝၚ်ဂှ် စဵုဒၞာအာဟွံမာန်တုဲ ဍုၚ်ထာဲဝါန် ညံၚ်သ္ဂောံကလေၚ်ပံၚ်အာကဵု ဍုၚ်မိဂွံတုဲဒှ်ဖန်ဖက်ကၠောန်ညိဂှ် သမ္မတကြုက်ယှဳကျေအ်ဖျေၚ် ဗတိုက်ဖအောဝ်လဝ် ပ္ဍဲနိုဝမ်ပါ ၁၂ ဂှ်ရ။
ညံၚ်ကလေၚ်ဂွံပံၚ်ကောံအာ ကၠောန်အာၜိုဟ်ဟ်သြိုဟ်ဟ်ရောၚ် သမ္မတယှဳ စွံဂတိတုဲ စကာသုၚ်စောဲအာဇြဟတ်ပၞာန်ဂှ် ဟွံဟီုဏာဟွံဆဵုလဝ်ပုဟ်။
ထာဲဝါန်ဂှ် ဒှ်တိဍာ်ညးတံပိုၚ်ပြဳဂှ် ကြုက်ညာတ်လဝ်ကီုလေဝ် ထာဲဝါန်တးပါဲထောံပေၚ်ၚ်လဝ် ပေၚ်ၚ်ရ။
ဧကရာဇ်တံ ဂၞကျာတံ သၞာံဗွဝ်ကၠမ်ဗွဲမဂၠိုၚ် နူကဵုအုပ်ဓုပ်လဝ် ညံၚ်ဂွံဒေါအ်အာ သရာဲဂံၚ်ပၠန်ဂတး ညးရီုဗၚ်ကၠောန်ကဵုလဝ် တ္ၚဲဒှ်မၞိဟ် သောန်ယက်သေန် ပေၚ်စိုပ် ၁၆၀ သၞာံ အဟိန်သမ္မတကြုက်ဟီုလဝ်ဂလာန်ဂှ် ဟီုဂးလဝ်ပရေၚ်ဏံရ။
ညံၚ်ဂွံကလေၚ်ပံၚ်ကောံညးသ္ကံၜိုဟ်ဟ်သြိုဟ်ဟ်ကေုာံ မွဲဍုၚ်စကာအာသၞောတ်ၜါတုဲ မူဝါဒကြုက်မွဲဍုၚ်ဟေၚ် ဆက်ထိၚ်ဒဝ်တုဲ ကြုက်မိက်ဂွံသဳကၠဳအာကဵုထာဲဝါဲဂှ် လစွံစိုတ်နွံရ။
မၞိဟ်မၞုံမံၚ်ဍုၚ်ထာဲဝါန်တံ ပံၚ်ကောံအာကဵု ကောန်ဍုၚ်ကြုက်တံမွဲစွံ ဒစဵုဒစးအာဂကောံဇြဟတ်ရဲပါ်တိတ်တံတုဲ ဍုၚ်ညံၚ်ဂွံဖောအ်ဗြဳတိုန်အာ နနဲၜိုဟ်ဟ်သြိုဟ်ဟ်ဂှ် ကၠောန်အာထေက်ရောၚ် သ္ဂးရ။
စပ်ကဵုသမ္မတကြုက် ဟီုဂးလဝ်ဂှ် သွက်ဂွံကလေၚ်ကဵုလညာတ်မွဲမွဲသာ် နူဌာန်ပရိုၚ်ရိုက်တာ ဆက်စၠောံသၟာန်ဏာ အလဵုအသဳထာဲဝါန်ကီုလေဝ် မုလေဝ်ဟွံကလေၚ်ဟီုနၚ်ပုဟ်။
စကာသုၚ်စောဲအာ ဇြဟတ်ပၞာန်ဂှ် ယှဳကျေအ်ဖျေန် ဟွံဟီုလဝ်ကီုလေဝ် သွက်ဂွံကလေၚ်ပံၚ်အာကဵု ထာဲဝါန်မ္ဂး ဟွံသုၚ်စောဲပရေၚ်ပၞာန်ဂှ်လေဝ် ပါဲစွံလဝ်ဟွံသေၚ်ပုဟ် ကြုက်ဟီုဂးလဝ်နွံရ။
ပ္ဍဲကဵုကောံဓရီု ဂကောံအေပက်အဆံၚ်သၠုၚ် ကၠောန်အာဍုၚ်ကြုက်သ္ကုတ်ကျာ ပ္ဍဲဍုၚ်ယှာန်ကျာန် နဲကဲပညာကောံမံၚ်တံဂှ် အရေဝ်ဂလာန် သမ္မတယှဳ မံက်တိတ်ကၠုၚ် ဗီုဏံရောၚ်။
ပ္ဍဲကောံဓရီုအေပက်ဏံ သမ္မတယှဳ သွက်ဂွံဆဵုဂဗအာ သမ္မတဒဝ်နေဝ်ထရ နွံမံၚ်ကီုရောၚ်။
ပ္ဍဲထာဲဝါန်လေဝ် ၜါသတ္တဟဏံပၠန်လံမ္ဂး သွက်ဂွံကၠောန်အာ ပေါဲရုဲမာဲအကြာဒေသကိစ္စဇၞော်ဇၞော်တံ နွံရ။
Ref:Reuters