ကျာ်မြဟ်၊ နိုဝမ်ပါ ၁၄
တွဵုရးမန် ပ္ဍဲပွိုၚ်ဍုၚ်ကျာ်မြဟ် လုပ်ဗတိုက်လဝ် ဗ္ဒိုပ်ဒပ်ပၞာန်ဗမာ ၃ ဒၞာဲ မွဲအခိင်ဓဝ်ဂှ် ဒပ်မန်ရာမည RMA လလောၚ်ပတိတ်လဝ်ရ။
ပ္ဍဲနိုဝမ်ပါ ၁၂ ၜိုတ်အခိၚ်နူဂယး ၅ နာဍဳဂှ် ကွာန်ဂဒုၚ်သှ်ေ ဗဒိုပ်ရုၚ်စက်တိဗဳလာတ်၊ ဂိက်သၞေဟ်ကၚ် ကအ်ဒုန်-ကအ်ပၞဟ်ကေုာံ ဗဒိုပ်ဒပ်ပၞာန် ကွာန်ကြေဝ်ဏာတံဂှ် ဒပ်မန်ရာမည RMA လုပ်ပန်လဝ်မွဲအခိၚ်ဓဝ်ရ။
ပ္ဍဲကဵုပေါဲဗတိုက် ၃ ဒၞာဲဏံ လပါ်ဒပ်ပၞာန်ဗမာ ချိုတ်အာ ၈ တၠ နူဒပ်မန်ရာမည RMA လလောၚ်ပတိတ်လဝ်ကီုလေဝ် နူကဵုဌာန်ပရိုၚ် သြၚ်လောန်တိုၚ်မ် သ္ပဒတန်ဟွံမာန်ဏီပုဟ်။
ဗဒိုပ်ပၞာန်ဗမာ ဒးဗတိုက်လဝ်တံဂှ် ပရေၚ်ချိုတ်ဂျိုၚ်ဟွံဂွံတီဏီတုဲ ပေါဲဗတိုက်တုဲအာဂှ် လပါ်ဒပ်ပၞာန်တံ ကၠုၚ်ကၠောန်လဝ် ပရေၚ်မာတ်ဆိုအ်နာနာတံနွံမံၚ် ညးဒေသတံ ဟီုရ။
ပ္ဍဲနိုဝမ်ပါ ၆ ဂှ်လေဝ် ဒပ်မန်ရာမည RMA လုပ်ပန်လဝ် ဗ္ဒိုပ်ပၞာန်ဗမာ ကွာန်သၚ်ကၠံ၊ ဓမ္မသ ကဵု ကံဗိန်တံ နကဵုဒရုၚ်ရ။
တုဲကၠုၚ် ကၞောတ်ဂိတုအံက်တဝ်ပါဂှ်လေဝ် ဒပ်မန်ရာမည RMA လုပ်ပန်လဝ် ဗ္ဒိုပ်ပၞာန်ဗမာ ပ္ဍဲကဵုပွိုၚ်ဍုၚ်ရေဝ်ကဵု ကျာ်မြဟ်တံတုဲ ထမံက်အာမံၚ် ပေါဲဗတိုက်တံဖိုဟ်ရ။
ပရိုၚ်-သြၚ်လောန်တိုၚ်မ်
Photo – RMA