ပ္ဍဲဒေသကျာ်ဣသိယဵု ကွာန်သံၚ်နိုၚ်ဂျဳ ဒးဒုၚ်ကြဳဗုမ်

epa03591031 A military soldier stands guard opposite a heliport, near the site of Kyite Htee Yoe Pagoda, in Mon State, Myanmar, 19 February 2013. Kyite Htee Yoe is a famous pilgrimage site for Buddhists among Asian countries. In Mon language, 'Kyite Htee Yoe' means 'Stone with the shape of the head of Hermit'. EPA/LYNN BO BO

ကျာ်ထဝ်၊ နိုဝင်ဘာ ၂၀

တွဵုရးမန် ပွိုၚ်ဍုၚ်ကျာ်ထဝ် ပ္ဍဲဒေသကျာ်ဣသိယဵု ကွာန်သံၚ်နိုၚ်ဂျဳဂှ် ပေါဲဗတိုက်ဟွံမွဲ မွဲသာ်လေဝ် ၜၚ်ကျာဒပ်ပၞာန်ဗမာ ကြဳဖျေံဗုမ် ပန်ဗတိုက်ဏာဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။

နိုဝမ်ပါ ၁၈ အခိၚ်ဒေါဝ်တ္ၚဲ ၁ နာဍဳကလေၚ် ၜၚ်ကျာဗတိုက် ဂျက်ဖိုက်တာမွဲမ ပဝ်တိုန်ကၠုၚ် နူကဵုဒပ်ပၞာန်ကျာ တံၚ်ဥူတုဲ ပ္ဍဲကဵုကွာန်သံၚ်နိုၚ်ဂျဳဂှ် ကြဳဖျေံဗုမ် ၂ မရ။

ပရေၚ်ကြဳဗုမ်ဏံ သၟတ်ညးတြုံအာယုက် ၂၀ ပြၚ်မွဲတၠ ကဵု ညးတြုံအာယုက် ၄၀ ပြၚ်မွဲတၠတံ ဒးဝပ်တုဲ သ္ၚိဌာန် ၅ မ လီုလာ်အာရ။

ကရောၚ်ပၞာန်ဗမာ သွက်ဂွံထပက်လုပ်ကၠုၚ် ကွာန်သံၚ်နိုၚ်ဂျဳဂှ် ပရိုၚ်တိတ်ဂှ်ရ ညးဒေသဗွဲမဂၠိုၚ်တံ ပါဲတိတ်အာလဝ် နူကွာန်အိုတ်တုဲ ပ္ဍဲအကြာပရေၚ်ကြဳဗုမ်တံ မၞိဟ်တံဒးဝပ်အောန်အာ ညးဒေသတံ ဟီုရ။

ကွာန်သံၚ်နိုၚ်ဂျဳ ဒးဒုၚ်ကြဳဗုမ်တုဲ နူကဵုဒပ်ဗလံက် ၆၀၆ နွံမံၚ် ဍုၚ်ကျာ်ထဝ်ဂှ် ထပ်ဗတိုက်ကဵု ဒရုၚ်ဂစိုတ်ဇကုမွဲမကီုလေဝ် မၞိဟ်မွဲတၠမှ ဟွံဒးဝပ်ပုဟ် သ္ဂးရ။

စနူဂိတုအံက်တဝ်ပါ ၃ ဂှ်တုဲ ဒပ်ပၞာန်ဗမာ ဍိုက်ကဵုဇြဟတ်ဂၠိုၚ်ၚ်တုဲ ထပက်မံၚ်ကရောၚ်ပၞာန် ပ္ဍဲပွိုၚ်ဍုၚ်ကျာ်ထဝ်ဂှ် ပေါဲဗတိုက် အကြာၜါလပါ် ဆက်ဒှ်မံၚ် ဒဵုစိုပ် နိုဝမ်ပါ ၁၈ ဂှ်ရ။

အပ္ဍဲပွိုၚ်ဍုၚ်ကျာ်ထဝ်ဂှ် ဒပ်ပၞာန်ဗမာ ထပက်ကရောၚ်ပၞာန်ကီု ပေါဲဗတိုက်ဒှ်မံၚ်ဂှ်ရ ညးဒေသ ၁၅၀၀၀ ပြၚ် နူကဵု ၂၀ ကွာန်တံ ထောံသ္ၚိဌာန်တုဲ ဒးဂြိပ်ဒဴမံၚ်အိုတ်ရ။

ပရိုၚ်-သြၚ်လောန်တိုၚ်မ်

Photo – Social Media

Leave a Reply

Your email address will not be published. Required fields are marked *