ဒဳမအ်သိုဝ် – ဒဳဇြေန်ဗာ(၁၃)
ပ္ဍဲတွဵုရးဍုၚ်ကယာ ဂိတုဒဳဇြေန်ဗာ အကြာပွိုၚ်(၁၀)တ္ၚဲဂှ် သ္ဂံၚ်စဵုဒၞာညးညးဍုၚ်ကွာန် (၇) တၠ ဒးလဝ်ပြဟ်လလုဲအာလဝ်ရဂှ် ဂွံတီကေတ် အတိုၚ်တၚ်လလောၚ်တြး ဂကောံပၠန်ဂတးဂမၠိုၚ်ရ။
ပ္ဍဲကဵုပေါဲဗတိုက်ဂှ် နူလပါ်ကံၚ်ဇြဳပၞာန် ကၠောန်ကၠုၚ်ပရေၚ်ပန်ပှော် နကဵုပၞာန်ကျာကီု ပရေၚ်ပန်ပှော် နကဵုလွဟ်ဇၞော်တအ်လေဝ် ကၠောန်ကၠုၚ်လဝ်ကီုဂှ်ရ သဂံၚ်ပရေၚ်ပၠန်ဂတးဂမၠိုၚ် ဒးဇီုကပိုက် ပြဟ်လလုဲကၠုၚ်လဝ်ရ။
သ္အာၚ်နူဏံပၠန် ဒပ်ကံၚ်ဇြဳပၞာန်ဂှ် သုၚ်စောဲကၠုၚ်က္ၜၚ်ကျာသၞေၚ်ဝဲတုဲ ကၠောန်ရေၚ်တၠုၚ်ဒၟံၚ် ပရေၚ်သၠဲပ္တိတ် လွဟ်လက်နက်၊ ဇွောံမ ကေုာံဇြဟတ်ဒပ်တအ်ရဂှ် ဂွံတီကေတ်ရ။
ကံၚ်ဇြဳပၞာန်ဂှ် ပ္ဍဲပေါဲဗတိုက်ကွာန်ကုမ်တာ ဍေံတအ်မဖျေံလဝ်ဗ္ဒပ်ဂှ် ဟိုတ်နူအကာဲအရာဟွံခိုဟ် ဒးဆုက်တိတ်လဝ်ဂှ်ရ ပ္ဍဲဂိတုဒဳဇြေန်ဗာ စၟတ်တ္ၚဲ (၃)ဂှ် ထ္ပက်ကၠုၚ်ကရောၚ်ပၞာန် ဇြဟတ်ပါလုပ် (၁၀၀)တၠပြၚ် (၃)ကရောၚ်ပၞာန်ရ။
ပ္ဍဲကဵုကောန်သ္ဂံၚ် ဒးပြဟ်လလုဲအာလဝ်ဂှ် သ္ဂံၚ်ပရေၚ်စဵုဒၞာ ကောန်ဂကူကရေၚ်ဍာဲ KNDF (၅) တၠ၊ ဒပ်ပရေၚ်စဵုဒၞာညးဍုၚ်ကွာန် ဒဳမအ်သိုဝ် (၁)တၠ ကေုာံဒပ်ပံၚ်ကောံပရေၚ်ပၠန်ဂတးကရေၚ်ဍာဲ (၁)တၠ ပါလုပ်ဒၟံၚ်ရောၚ် ဂွံတီကေတ်ရ။
ဒဒှ်မပတိုန်စၟတ် သမ္တီသ္ပရှ်ေသှ်ေ သ္ဂံၚ်မပြဟ်လလုဲအာ ပ္ဍဲပေါဲဗတိုက်တအ်ဂှ် နဒဒှ်သ္ဂံၚ်အာဇာနဲကီု ဆက်လုပ်အာပေါဲဗတိုက် သွက်သ္ဂံၚ်အာဇာနဲဂမၠိုၚ်ကီုဂှ် ဂကောံပရေၚ်ပၠန်ဂတးဂမၠိုၚ် ဟီုသ္ဂးလဝ်ရ။
ပရိုၚ် – သြၚ်လောန်တိုၚ်(မ်)
sanlontai