တွဵုရးဍုၚ်သေံ သ္ကုတ်သၟဝ်ကျာ၊ ပ္ဍဲပေါဲဗတိုက်ဏာမ်သာန် ဟိုတ်နူဒပ်ကံၚ်ဇြဳပၞာန် ဂြာတ်ထောံဖျေံဗုမ် နကဵုက္ၜၚ်ကျာကီု သီုကဵုပန်ဒၟံၚ် နကဵုလွဟ်ဇၞော်တုဲ သ္ၚိဒၟံၚ်(၅၀)ပြၚ် သီုကဵုဘာလကျာ်မပါလုပ်ဂှ် တူအာလဝ်ပၟတ်တုဲ ညးဒေသ ဟွံအောန်နူကဵု ၃ တၠ ဒးဇီုကပိုက်ချိုတ်အာလဝ်ရ။ ဟိုတ်နူပေါဲဗတိုက် ဒပ်ပၞာန်ဗၠးၜးကောန်ဂကူတအာၚ် TNLA ကေုာံ ဒပ်ကံၚ်ဇြဳပၞာန်တုဲ ပရေၚ်ဇီုကပိုက်၊ အကာဲအရာ ညးဒေသဂမၠိုၚ်ဒးဂြိပ်ပါဲဒဴဒၟံၚ်၊ ပရေၚ်ဒပ်ကံၚ်ဇြဳပၞာန် ဖံက်ပ္ကဝ်ဒၟံၚ်အခေါၚ်အရာမၞိဟ်ကီု စပ်ကဵုကိစ္စပရောပရာ ပေါဲဗတိုက်ဂွံက္တဵုဒှ်ကၠုၚ်တုဲ ဆက်စၠောံသၟာန်လဝ် ညးမၞုံတာလျိုၚ်ဂကောံညးအရာပ်တအာၚ် မွဲတၠရ။
-အလန်ကိုပ်ကၠာအိုတ်ဏံ အကာဲအရာ မၞိဟ်ဒးဂြိပ်ပါဲဒဴဒၟံၚ် ပ္ဍဲကဵုပွိုၚ်ဍုၚ်ဏာမ်သာန် ဗီုပြၚ်လဵုနွံရော။
မၞိဟ်ဒးဂြိပ် ပါဲဒဴဒၟံၚ်ဗီုဏံဂှ်တှ်ေ ၜိုတ်လ္ၚီတၠပြၚ် နွံမံၚ်ရ။ ညးလ္ၚဵုတအ်ဂှ် ကၠုၚ်စိုပ် ပ္ဍဲဘာလကျာ်ဇြယာန် မွဲဂကောံဓဝ်ရ။ ညးလ္ၚဵုဂှ်လေဝ် အာစိုပ်ကွာန် ဇိုၚ်ဇိုၚ်ဂှ် တၞဟ်တုဲ အာမံၚ်ဒၟံၚ် ပ္ဍဲသ္ၚိမသကလောကောဒေံ ညးတအ်ဂှ်လေဝ် နွံရ။ ဣဏံဂှ် အကာဲအရာ ညးပါဲဒဴဘဲပၞာန်တအ်ရ။ မွဲလပါ်ဂှ်လေဝ် ပရေၚ်ဇီုကပိုက်ဂှ်တှ်ေ ဟွံဂွံလဝ်စရၚ် ချိုတ်တ်ပၠိုတ်တ်ဏီရ။ သ္ၚိဂှ်တှ်ေ ၜိုတ် ၅ မ တူပၟတ်ဒးလီုလာ်လဝ်ဂှ် ဂွံမိၚ်ကေတ်လဝ်ရ။ ပဵုလတူနူဂှ်လေဝ် နွံတှ်ေနွံမာန်ဏီရ။ ပိုဲဟွံဂွံလဝ် ပရိုၚ်ချိုတ်တ်ပၠိုတ်တ်ဏီရ။
-လၟုဟ်ဏံ ပရေၚ်ကံၚ်ဇြဳပၞာန် ချဳဒရာၚ်ပၞာန်၊ အကာဲအရာဖံက်ပ္ကဝ် အခေါၚ်အရာမၞိဟ်ဂှ် နွံဒၟံၚ်ဗီုလဵုရော။
ပ္ဍဲကဵုပေါဲဗတိုက် က္တဵုဒှ်ဒၟံၚ်လၟုဟ်ဏံဂှ်တှ်ေ နူကဵုလ္ပာ်ကံၚ်ဇြဳပၞာန် သုၚ်စောဲကၠုၚ် က္ၜၚ်ကျာသၞေၚ်ဝဲ က္ၜၚ်ကျာဂျေတ်တအ်မွဲဒမြိပ်တုဲ ပန်ဖျေံနၚ် နူကဵုလတူတေံရ။ အကာဲအရာ ဂြာတ်ထောံဖျေံဒၟံၚ်ဗုမ်ရ။ မွဲပၠန်ဂှ်တှ်ေ တံဒပ်၊ ဒပ်ဍေံတအ် နွံဒၟံၚ် ပ္ဍဲလတူဍုၚ်တၞဟ်ဂှ်လေဝ် သုၚ်စောဲလွဟ်ဇၞော်တုဲ ဟောဝ်ပန်ကၠုၚ် မွဲဒမြိပ်ရ။ အကာဲအရာပန်ဒၟံၚ် အိုတ်အစောန်ရ။ ဟိုတ်ဂှ်ရ ပ္ဍဲဒေသတအ်ဏံဂှ် ပေါဲဗတိုက် ပ္ဍဲကဵုကွာန်တအ် သ္ကာတ်မြဟ်ကၠုၚ်ရ။ ပ္ဍဲကဵုလတူညးဍုၚ်ကွာန်ကဵုလ္ၚီ ဒးဂြိပ်ဒၟံၚ်ဂှ် ပန်ဖျေံနၚ် ကဵုက္ၜၚ်ကျာသၞေၚ်ဝဲ ပန်နၚ် ကဵုလွဟ်ဇၞော်တအ်တုဲ ညးဒေသတအ်ဂှ် ဒှ်ဒၟံၚ်အကာဲအရာဒးဂြိပ်ဒၟံၚ် ဒၞာဲဗၠးဂှ်ရ။
-ပြဟ်ဟ်ဏံ ညးပါဲပၞာန်တအ် ဗီုလဵုအခက်ခုဲ နွံဒၟံၚ်ရော။
ညးဂြိပ်ပါဲဒဴစိုပ်ကၠုၚ် ပ္ဍဲဍုၚ်မာန်ဂှ်တှ်ေ အကာဲအရာဂကောံတအ် ဍစိုပ်နွံဒၟံၚ်ဂှ်ရတှ်ေ ပရေၚ်စသုၚ်မံၚ်စံၚ်ဟီုဟီု၊ သွာၚ်ပရေၚ်ရပ်စပ်သုၚ်စောဲ ဟီုဟီု ၜိုတ်ထေက်ကြိုက် ၜိုတ်ပြေပြံၚ်ဂှ် နွံဒၟံၚ်ရ။ ဆဂးဂှ်လေဝ် ညးသှ်ေၜက်မံၚ် ပ္ဍဲလပါ်ကွာန်တေံဂှ်တှ်ေ ပရေၚ်စသုၚ်ကီု၊ ပရေၚ်ရပ်စပ်သုၚ်စောဲကီု နွံဒၟံၚ်ပၟိက်ဂှ် ဂွံညာတ်ကေတ်ရ။ ဗွဲတၟေၚ်တှ်ေ အရၚ်ညးစိုပ်မံၚ် ပ္ဍဲလတူဍုၚ်တအ်ကီု ညးသှ်ေၜက်မံၚ် ပ္ဍဲကွာန်ဂှ်ကီု ဗွဲတၟေၚ်တှ်ေ လပါ်မၞိဟ်ဗြဴတအ်ဟီုတှ်ေ ကပေါတ်ညးဗြဴသုၚ်စောဲ ကပေါညးဗြဴရပ်စပ်ဂှ် ဂွံဆဵုကေတ် တၚ်ဝါတ်ဂါတ်ခက်ခုဲရ။ ဗွဲမဂၠိုၚ် ကၠုၚ်ကဵုဒၟံၚ်ဒါန်ဂှ်တှ်ေ ပရေၚ်စသုၚ် ကဵုကပေါတ်ရပ်စပ်သုၚ်စောဲ တၞဟ်ဟ်တအ်ရဒှ်ဒၟံၚ်တုဲ ပ္ဍဲကဵုလပါ်ဂှ်တှ်ေ တၚ်ကော်ချဴခက်ခုဲဂှ် နွံရ ။ ပ္ဍဲညးပါဲဒဴဘဲပၞာန်တအ်ဂှ် ဗွဲမဂၠိုၚ်တှ်ေ မၞိဟ်အာယုက်ဇၞော်ဇၞော်၊ ကောန်ၚာ်၊ မၞိဟ်ဗြဴတအ်ဂှ် သာတုဲဂၠိုၚ်ရ။
-ပ္ဍဲကဵုပရေၚ် ကံၚ်ဇြဳပၞာန်ပန်ပှော်ဗတိုက်ကၠုၚ် ကဵုက္ၜၚ်ကျာ ကဵုလွဟ်ဇၞော်ဂှ် ပရေၚ်ကောန်ညးအရာပ်ညးဍုၚ်ကွာန် ဒးချိုတ်ဒၟံၚ် အကာဲအရာဗီုလဵု နွံရော။
ပ္ဍဲလတူပရေၚ်ပန်ပှော်ဂှ် နူကၠၚ်ဏံရဂှ် ပ္ဍဲမွဲလပါ်ဂှ် ပရေၚ်ဇီုကပိုက်ဗွဲမဂၠိုၚ် ဒးဒုၚ်စဒၟံၚ်သိုၚ်ဂှ် ညးအရာပ် ကောန်ညးဍုၚ်ကွာန်တအ် သာတုဲ ဒးဒုၚ်ဒၟံၚ်ရ။ ဒးဂြိပ်ပါဲဓလေတ်ဒၟံၚ်ရ။ ပ္ဍဲကဵုရာသဳဗီုကဵုလၟုဟ်ဏံလေဝ် ပ္ဍဲလပါ်ဏံ ဒှ်ရာသဳဂံက်ဓဇောတ်လောန်ဒၟံၚ်ဂှ်ရ ဒးဂြိတ်ပါဲဓလေတ်ဒၟံၚ်ဂှ်တှ်ေ ဟွံလောဲသွာရ။ သ္ၚိဇကု ဇကုမံၚ်ဒၟံၚ်ဂှ်မှ ဂွံဒုၚ်ဒဝ် ဘဲဒဏ်ဂံက်ဏံဂှ်တှ်ေ ခက်ခုဲဒၟံၚ် ဇၞော်ကဵုဇြဟတ် နွံမံၚ်ရ။ ပ္ဍဲကဵုဂြိုပ်ဒဵု ဒးဂြိပ်ပါဲဓလေတ်ဒၟံၚ်ဗီုဏံ ဒးအာမံၚ်ဒၟံၚ် ဒးပြံၚ်အာမံၚ် ပ္ဍဲဒေသတၞဟ်ဂှ်တှ်ေ ဒးဂဗဆဵုကဵုတၚ်ကော်ချဴကီု မွဲလပါ်ပၠန်ဂှ်လေဝ် ပရေၚ်ဇီုကပိုက်ဒးသ္ၚိဌာန်ဒၞာဲမံၚ် ပ္ဍဲလတူကောန်ညးအရာပ် ဇီုကပိုက်ဂွံဘဲဝပ်ဂှ် ဗွဲမဂၠိုၚ်တှ်ေ အာဇီုကပိုက် ဒးကောန်ညးအရာပ်တအ်ရ ဂၠိုၚ်မံၚ်။
-ပ္ဍဲလတူကံၚ်ဇြဳပၞာန် ကၠောန်သ္ပကၠုၚ်ပရေၚ်ထ္ပက်ပၞာန် ဗီုလၟုဟ်ဏံဂှ် ညာတ်ကေတ်ဗီုလဵုရော။
အရာဏံဂှ်တှ်ေ ပိုဲလေဝ် ဟီုချိုတ်တ်ပၠိုတ်တ် ဟွံဒးရ။ မုဒှ်ရောတှ်ေ ဟိုတ်ဍေံဂှ် ပိုဲဟွံတီလဝ်ပေၚ်ၚ်ရ။ ဗီုလဵုဒှ်ဒှ်ရ ကံၚ်ဇြဳပၞာန်ဂှ် တၚ်ထ္ၜးဟိုတ်ဟၟဲလေဝ် ယဝ်မိက်ဂွံဒှ်ပေါဲဗတိုက်တှ်ေ ဒှ်ဒၟံၚ်ဂှ်ရ။ ဟိုတ်နူတၚ်ထ္ၜးဟိုတ် မမိက်ကဵုမွဲမွဲဟာ ယဝ်ရသၟာန်တှ်ေ ဒေသဏံသၟး ဟွံသေၚ်ပုဟ်။ ဒေသတၞဟ်ဟ် ပ္ဍဲကဵုဍုၚ်ဇၞော် ဌာန်ဇၞော်တအ်လေဝ် ဍေံတအ်မိက်ဂွံဗတိုက်တှ်ေ အကာဲအရာ လုပ်ဗတိုက်ဒၟံၚ် ဂွံဆဵုကေတ်ဒၟံၚ်ဂှ်ရတှ်ေ လတူနူ တၚ်ထ္ၜးဟိုတ်နွံမှ ဗတိုက်ဏောၚ်ဟီုဂှ် ဗီုဍေံတအ်မိက်ဂွံဗတိုက်ဂှ် ဗတိုက်ဖဲတုဲမှ အကာဲအရာကၠောန်ရေၚ်တၠုၚ်ဒၟံၚ်ဂှ်တှ်ေ ပ္ဍဲကဵုပရေၚ်ဖံက်ပ္ကဝ် အခေါၚ်အရာမၞိဟ်ကဵုဒှ် စှ်ေပေါဲဗတိုက်မိက်ဂွံဟီုဟီု ဍေံတအ်ဂှ် ကၠောန်သ္ပဒၟံၚ်ဗီုပြၚ်ဏံ ရရ ဏောၚ်ဂှ် ညာတ်ကေတ်ရ။
-ပေါဲဗတိုက်ၜါလ္ပာ်ဏံဂှ် မုဟိုတ် ဂွံက္တဵုဒှ်ကၠုၚ်ဂှ် ဗီုလဵုသ္ၚဳဂၠိပ် ပါ်ပါဲကေတ်မာန်ရော။
အရာဏံဂှ် ဍေံဟွံဗဗွဲကဵုဓဝ်ပုဟ် ညာတ်ကေတ်ရ။ မုဒှ်ရောတှ်ေ ပေါဲဗတိုက်ဏံ က္တဵုဒှ်ကၠုၚ်ဟီုဂှ် ဒေသဒှ်မံၚ်လပါ်ဏံဂှ် ဒှ်တိဍာ်တအာၚ်ဏောၚ်။ တိဍာ် ကောန်ဂကူတအာၚ်ထိၚ်ဒဝ်လဝ်လေဝ် ဒၟာနူကဵုဒှ်ဒၟံၚ်ဂှ်ရ ဍေံတအ်ထ္ပက်စှ်ေကၠုၚ် ကရောၚ်ပၞာန်တုဲ ပေါဲဗတိုက် ဒးဒှ်ကၠုၚ်ဗီုလၟုဟ်ဏံရ။ ယဝ်ရ ဍေံတအ် ဟွံတိုန်ကၠုၚ်တှ်ေ။ ယဝ်ရ ပရေၚ်ထ္ပက်ပၞာန် ဟၟဲတှ်ေ ပေါဲဗတိုက်ဂှ် ကာလဒှ်မှဒှ်ဏောၚ်။ မွဲလပါ်ပၠန်ဂှ်လေဝ် ပ္ဍဲကဵုအခိၚ်ပေါဲဗတိုက် က္တဵုဒှ်ဒၟံၚ် ဗီုလၟုဟ်ဏံဂှ် ဗွဲတၟေၚ်တှ်ေ သုၚ်စောဲ က္ၜၚ်ကျာသၞေၚ်ဝဲတအ်၊ က္ၜၚ်ကျာဂျေတ်တအ်တုဲ အကာဲအရာ ဂြာတ်ပန်ဖျေံဒၟံၚ်ဗုမ် ဟၟဲကဵုတၚ်ပ္တဝ်က္ဍိုပ်ဂှ် ဒှ်ကမၠောန် ကၠောန်ဒၟံၚ် အကာဲအရာပရေံလောန်ရဂှ် ဟီုစမာန်ရ။ မွဲလပါ်ပၠန်ဂှ် လွဟ်ဇၞော်တအ်လေဝ် တၚ်ပ္တဝ်က္ဍိုပ်ဟၟဲရ။ ဒၞာဲညးဒေသ နွံလေဝ်ဟွံတီ ပ္ဍဲမွဲလပါ်ပၠန်ဂှ် ဒၞာဲဗ္ဒပ်ကောန်ဍုၚ်အရၚ်ရပ်လွဟ် နွံလေဝ်ဟွံတီ ဒှ်မံၚ်ဗီုပြၚ် ပ္တဝ်က္ဍိုပ်ပန်ပှော်ဒၟံၚ်ဂှ် ဒှ်မံၚ်အကာဲအရာ ကမၠောန်ပြဝပရေံပရေံဇေတ်တ်ရဂှ် ဟီုစမာန်ရ။ အရာဏံဂှ် ဗီုလဵုဒှ်ဒှ်ရ ဒှ်မံၚ်ဗီုပြၚ် ဟွံဗဗွဲကဵုဓဝ်ဍာံဍာံရဂှ် ဟီုစဂွံရ။
မွဲလပါ်ပၠန်ဂှ်လေဝ် ပရေၚ်ထ္ပက်ပၞာန်ဂှ် သုၚ်စောဲပၞာန်နာနာသာ်တုဲ ထ္ပက်ကၠုၚ်ပၞာန်ရ။ လတူကီု၊ ပ္ဍဲကဵုဗလးတိကီု ထ္ပက်ကၠုၚ်ဒၟံၚ် ကရောၚ်ပၞာန်ဂှ်ရ အရာဏံဂှ် ဗီုလဵုပလေဝ် ဒှ်ဟွံထေက်ပုဟ်ဂှ် ညာတ်ကေတ်ရ။
-တၚ်မိက်ဂွံထပ်ဟီုဗပေၚ်အလန်လကြဴအိုတ်နွံတှ်ေ ထပ်ဟီုကဵုပၠန်ညိ။
ကမၠောန်ပြဝကံၚ်ဇြဳပၞာန်ဂှ်လေဝ် နကဵုပိုဲကီု နကဵုဂကောံကၟိန်ဍုၚ်နာနာကီုဂှ်တှ်ေ သီုအလုံမွဲကၟိန်ဍုၚ်ဗၟာဂှ် ဂွံညာတ်ကေတ်ဒၟံၚ် ပရေၚ်ဖံက်ပ္ကဝ်အခေါၚ်အရာမၞိဟ် ပရေၚ်ပေါဲဗတိုက် သ္ကာတ်မြဟ်တိုန်ကၠုၚ်မံၚ်ဂှ်တုဲ နကဵုဂကောံကၟိန်ဍုၚ်နာနာတအ်ဂှ်လေဝ် နကဵုနဲကဲ ၜိုတ်ဂွံကဵုဂွံ ညံၚ်ဂွံကဵုရီုဗၚ်မၚ်မွဲရံၚ်စံၚ် ကောန်ညးဍုၚ်ကွာန် ကၟိန်ဍုၚ်ဗၟာ ၜိုတ်မာန်ကဵုမာန်ဂှ်လေဝ် ပိုဲမိက်ဂွံ အာတ်မိက်ဏာရ။
sanlontai