ကျာ်ထဝ်၊ ဂျာန္နဝါရဳ (၁၆)
ပ္ဍဲဂိတုဂျာန္နဝါရဳ စၟတ်တ္ၚဲ (၁၃) အခိၚ်ဗ္တံ ပ္ဍဲရေၚ်ဖျာ ဗ္ဒါဲဒဒန်ကဒက်ချံၚ် မၞုံကွာန်ဂြိုပ်ကပေါဝ် ပွိုၚ်ဍုၚ်ကျာ်ထဝ်၊ တွဵုရးဍုၚ်မန်ဂှ် သီုကဵုပါလုပ်သ္ကိုပ်သ္ၚိစှ် မၞိဟ် (၂) တၠ ဒးဒုၚ်ပန်ကဵု သေနာတ်ဂှ်ရ ချိုတ်အာဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲတ္ၚဲဂှ် ဗ္တံ ၜိုတ် (၈) နာဍဳဂှ် ကြဴနူရဲရပ်လွဟ် (၄) တၠ စိုပ်ကၠုၚ် သ္ၚိဒၟံၚ်သ္ကိုပ်သ္ၚိစှ် ဥူဗဝ်ထောန် နူကဵုက္ဍိုပ်ဒဒန် ကဒက်ချံၚ်ဂှ်တုဲ ပန်ပှော်လဝ် ဥူဗဝ်ထောန် ကေုာံ ကိုဝ်ဇြဝ်မေန် မဒှ်ညးဒေသ မဂ္ဇအ်တက်ကျာဒၟံၚ်တံ နကဵုသေနာတ်ရ။
ဟိုတ်နူဒးဒုၚ်ပန်ပှော်လဝ် ကဵုသေနာတ်ဂှ်ရ ဥူဗဝ်ထောန် အာယုက်မၞုံ (၄၃) သၞာံဂှ်ဝွံ ဒးချိုတ်အာလဝ် နကဵုဘဲဝပ်က္ဍိုပ်ကၠိုဟ်အာဂှ်ကီု၊ ကိုဝ်ဇြဝ်မေန်ဂှ် ဒးချိုတ်အာလဝ် နကဵုဝပ် မကၠိုဟ်အာပ္ဍဲက္ဍေၚ်ရ။
ဇွ ညးမချိုတ်အာတံဂှ် ဂကောံရီုဗၚ်ပရေၚ်မၞိဟ်ဒေသတံ ပလံၚ်ဗစိုပ်ကဵုလဝ် ရုၚ်ဂဥုဲညးဍုၚ်ကွာန်ကျာ်ထဝ်ဂှ် ဂွံတီကေတ်ရ။
အတိုၚ်ဂလာန်ညးဒေသတံဂှ်မ္ဂး ဥူဗဝ်ထောန် မဒးဒုၚ်ပန်ပှော်လဝ်ကဵု သေနာတ်ဂှ်ဝွံ ဒှ်ညးကဵုပရိုၚ် ဇရေၚ်ဒပ်ကံၚ်ဇြဳပၞာန်တုဲ ညံၚ်ညးဍုၚ်ကွာန်တံ ဂွံဒးဒုၚ်ရပ်ဒက် ဟွံဗဗွဲဓဝ်ဂှ် ဒှ်မၞိဟ်ကဵုပရိုၚ် အဓိကမွဲတၠရောၚ် ဟီုဂးဒၟံၚ်ကီုလေဝ် နကဵုသြၚ်လောန်တိုၚ်(မ်) သ္ပဒတန်တၞဟ်ခြာဟွံမာန်ဏီရ။
ပ္ဍဲကဵုဂိတုဂျူလာၚ် (၁၆) တုဲကၠုၚ်တေံဂှ်လေဝ် ကောန်ဒပ်ဗၠာဲသၟိၚ်ကံၚ်ဇြဳပၞာန်မွဲတၠ မၞုံဒၟံၚ် ပ္ဍဲဆေၚ်ဖျာမိညး ကွာန်ကဒက်ချံၚ်၊ ပွိုၚ်ဍုၚ်ကျာ်ထဝ်ဂှ် ဒးဒုၚ်ပန်လဝ်ကဵု သေနာတ်ကီုရ။
ပရိုၚ်−သြၚ်လောန်တိုၚ်(မ်)