လၟိုၚ်၊ ဖေဖဝ်ဝါရဳ (၁)
ပ္ဍဲတွဵုရးဍုၚ်မန်၊ ပွိုၚ်ဍုၚ်ရေဝ်၊ ဍုၚ်လၟိုၚ်၊ ကွာန်ဗေကလောဲ၊ ဗ္ဒါဲကြုၚ်ဒဒန်ဇုက်ဂှ် ပ္ဍဲဂိတုဂျာန္နဝါရဳ (၃၀) ၜိုတ်ပွဳပွူ (၁၀) နာဍဳဂယးဂှ် မၞိဟ်တြုံညးဒေသမွဲတၠ လိုန်ဒးမာၚ်တိုပ်တိတုဲ ကလိဂွံလဝ်ဝပ် ဇိုၚ်ပိုတ်အာဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
လိုန်ဒးမာၚ်တိုပ်တိတုဲ မၞိဟ်မကလိဂွံလဝ်ဝပ် ဇိုၚ်ပိုတ်အာဂှ် ဒှ်နာဲကိုဝ်မာၚ် အယဲပွဳပွူ (၇၀) သၞာံမၞုံဂှ်တုဲ အခိၚ်အာစိုပ်ပလေဝ်ပၠံၚ်ဍာ် မၞုံဗ္ဒါဲကၠအ်ညးဂှ် လိုန်ဒးအာလဝ်မာၚ်တိုပ်တိဂှ်ရ။
ဟိုတ်နူမာၚ်တိုပ်တိ ဗ္တိုဟ်ထ္ကးအာတုဲ နာဲကိုဝ်မာၚ် ညးမကလိဂွံလဝ်ဝပ် ဇိုၚ်ပါဲပိုတ်အာဂှ် နူကဵုရုၚ်ဂဥုဲလၟိုၚ်ဂှ် ဂကောံရီုဗၚ်ဟံၚ်ပြာ်ပရေၚ်မၞိဟ်တံ ဒဒှ်ရပလံၚ်ဗစိုပ်ကဵုလဝ် ရုၚ်ဂဥုဲ ခါတ် (၃၀၀) မၞုံဍုၚ်မတ်မလီုဂှ် ဂွံတီကေတ်ရ။
ပ္ဍဲကဵုဗ္ဒါဲကြုၚ်ဒဒန်ဇုက် နာဲကိုဝ်မာၚ် လိုန်ဒးမာၚ်တိုပ်တိဂှ် ဒှ်ဗ္ဒိုပ်ကံၚ်ဇြဳပၞာန် ဖျေံလဝ်သ္ဇိုၚ်တုဲ ဗ္ဒိုပ်ကၚ်ဏံဂှ် ဂကောံဇြဟတ်ပၠန်ဂတးတံ ကၠုၚ်စိုပ်ဗ္တိုက်လဝ် မွဲဏှမွဲဏှရ။
ဟိုတ်နူဂကောံဇြဟတ်ပၠန်ဂတးတံ ကၠုၚ်စိုပ်ဗ္တိုက်ဒၟံၚ် မွဲဏှမွဲဏှဂှ်ရ ဒပ်ကံၚ်ဇြဳပၞာန်ဂှ် ပစူလဝ်မာၚ်တိုပ်တိတံ ပ္ဍဲဗ္ဒိုပ်ဂေတ်ကၠောံဂှ်ကဵု ဒၞါဲလ္ၚဵုတံဂှ် ဂွံတီကေတ် ဇရေၚ်ဂကောံဒပ်စဵုဒၞါဒေသတံရ။
ပ္ဍဲဍုၚ်လၟိုၚ်ဂှ် ကြဴနူဒပ်ပၞာန်သီအဝဵုတုဲ မၞိဟ်တြုံညးဒေသ (၂) တၠ သီုကဵုပါလုပ် နာဲကိုဝ်မာၚ်ဂှ် ဟိုတ်နူလိုန်ဒးမာၚ်တိုပ်တိ ဗ္ဒါဲကြုၚ်ဒဒန်ဇုက်ဂှ်တုဲ ကလိဂွံလဝ်ဝပ်ရ။
ပရိုၚ်−သြၚ်လောန်တိုၚ်(မ်)