လ္ဂုၚ်၊ ဖေဖဝ်ဝါရဳ (၂၇)
အပ္ဍဲကာလတန်လုပ်တက္ကသိုလ် သှ်ဒၟံၚ်လိက်ဂှ် ကမၠောန်ပရေၚ်ပိုန်ဒြပ် ကေုာံ ကမၠောန်ကွတ်စက်အိုဿီု လက္ကရဴဇိုၚ်သဝ်တ္ၚဲ (၅) နာဍဳတုဲ ညံၚ်ဂွိုအ်ရပ်စပ်ပၟတ်ဓာတ်လလဳဂှ် ကဝ်ပဝ်ရေယှေန် ပါ်ပရအ်ဇြဟတ်ဓာတ်လလဳလ္ဂုၚ် (YESC) ကဵုသတိ လလောၚ်ပ္တိတ်လဝ်ရ။
အပ္ဍဲအခိၚ်ကွးဘာ မသှ်အာလိက် တန်လုပ်တက္ကသိုလ်တံ ရံၚ်လိက်အခိၚ်ဗ္တံဂှ် ညံၚ်ဂွံပ္တိတ် ဇြဟတ်ဓာတ်မာန်ဂှ်ကဵု ယဝ်ရသုၚ်စောဲ ဟွံညဳမ္ဂး ဒၟါနူဇြဟတ်ဓာတ်ပိုတ်ပၠိုတ်တံ က္တဵုဒှ်မာန်ဂှ်ရ ဒးလလောၚ်ပ္တိတ်သာ်ဏံရောၚ်ဂှ် သ္ဂးလဝ်ရ။
ပ္ဍဲတၚ်လလောၚ်တြးဂှ် ဟိုတ်ဂှ်ရ ကမၠောန်ကွတ်တဲ၊ ကွတ်စက် ကေုာံ ပရေၚ်ပိုန်ဒြပ် မၞုံအပ္ဍဲကွာန်၊ အရာပ် မသုၚ်စောဲဒၟံၚ်ဇြဟတ်ဓာတ် အတိုၚ်လၟေၚ်ဂကောံညးဍုၚ်ကွာန်ဂမၠိုၚ်တံ အပ္ဍဲအခိၚ်ကာလသ္ဘၚ်သှာန်သှ်လိက်တံဂှ် နူဇိုၚ်သဝ်တ္ၚဲ (၅) နာဍဳ စဵုကဵု (၁၀) နာဍဳ ညံၚ်ဂွိုအ်ရေၚ်တၠုၚ်ကမၠောန် နကဵုဇြတဟ်ဓာတ်လလဳတံအိုတ်ဂှ် ထ္မံက်ထ္ၜးပါလုပ်ရ။
အပ္ဍဲအခိၚ်သၞောတ်ဗ္ၜတ်လဝ်ဂှ် ယဝ်ရဂွံဆဵုကေတ် ဒဒှ်ရရေၚ်တၠုၚ်ကမၠောန် နကဵုဇြဟတ်ဓာတ်လလဳ နူကဵုဌာနတံ မတြးလဝ်မ္ဂး အတိုၚ်လၟေၚ်ပရေၚ်အုပ်ဓုပ်တံဂှ် ကေတ်အရေဝ်ရေၚ်တၠုၚ်အာရောၚ် ဟီုဂးလဝ်ရ။
တၠကမၠောန်ဇိၚ်ဂၠိက်ယာတ် နူပွိုၚ်ဍုၚ်ယှိုဲပျဳတာမွဲတၠဂှ် အခိၚ်အဝ်ဒါတိုန်ဂှ် လ္ပာ်ကံၚ်ဇြဳပၞာန် ဟိုတ်နူသၞောတ်ဗ္ၜတ်ထောံ သာ်ဏံဂှ်ရ မ္ၚးနူတၠကမၠောန်တံဂှ် သၟာကမၠောန်တံလေဝ် အရာမဇီုကပိုက်တံ နွံကၠုၚ်မာန်ဂှ် ဟီုလဝ်ရ။
ပေါဲသၟာန်သှ်လိက် တန်လုပ်တက္ကသိုလ် သၞာံဗ္တောန်ပညာ ၂၀၂၂−၂၀၂၃ ဂှ် ကၠုၚ်စိုပ်ဂိတုမာတ်ချ် (၈) စဵုကဵု (၁၈) ဏံ ကၠောန်ဗဒှ်အာရောၚ် ကံၚ်ဇြဳပၞာန် လလောၚ်ပ္တိတ်လဝ်ရ။
ပရိုၚ်−သြၚ်လောန်တိုၚ်(မ်)