ၜဳကလေၚ်၊ အဝ်ဂါတ် (၂၁)
ကံက်စရၚ်ယၟု ဂကောံဒပ်စဵုဒၞါညးဍုၚ်ကွာန် PDF မၞုံပွိုၚ်ဍုၚ်ၜဳကလေၚ်၊ တွဵုရးဍုၚ်မန်တံဂှ်တုဲ သွက်ဂွံကလေၚ်ပ္တိုန်ထ္ၜးအိုတ်ဂှ် ဒပ်ကံၚ်ဇြဳပၞာန် စၞောန်ပ္ညုၚ်ကၠုၚ် ဂကောံသ္ကိုပ်အုပ်ဓုပ်တံကဵု ဗၠာဲသၟိၚ်တံရောၚ် ညးမစုက်လုက်ကဵု ကံၚ်ဇြဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တုဲကၠုၚ်တ္ၚဲအကြာတံဏံ ဂကောံဒပ်ဗၠာဲသၟိၚ် မၞုံအပ္ဍဲပွိုၚ်ဍုၚ်ၜဳကလေၚ်တံ မပါလုပ် သီုသ္ကိုပ်အုပ်ဓုပ် ကွာန်အရာပ်တံဂှ် ဒပ်ကံၚ်ဇြဳပၞာန်တံ သွက်ဂွံကောံဓရီု ပ္ဍဲရုၚ်ဌာနက္ဍိုက်ပ်ပရေၚ်အုပ်ဓုပ် ပွိုၚ်ဍုၚ်တုဲ သွက်ဂွံကံက်ယၟုစရၚ် PDF တံဂှ် စၞောန်ပ္ညုၚ်ကၠုၚ်ရ။
ဒပ်ကံၚ်ဇြဳပၞာန်ဂှ် ကံက်စရၚ်ယၟု PDF မၞုံပ္ဍဲအရာပ်၊ ကွာန်တံတုဲ သွက်ဂွံကလေၚ်ပ္တိုန်ထ္ၜးဂှ်ကီု ယဝ်ရစဴကၠုၚ် ဌာန်ဒၟံၚ်မ္ဂး သွက်ဂွံကဵုပရိုၚ်ဂှ် စၞောန်ပ္ညုၚ်လဝ်ရ။
နကဵုဂကောံပရေၚ်အုပ်ဓုပ်တံကဵု ဗၠာဲသၟိၚ်တံဂှ်လေဝ် သွက်ဂွံရပ်ဒက်ကဵု PDF တံဂှ်ကီု ကောန်ဒပ်ဗၠာဲသၟိၚ် ရပ်ဒက်ကဵု ဟွံမာန်တံဂှ် ပြံၚ်ပဆုဲဏာ ဒေသပေါဲဗ္တိုက်သ္ကာတ်မြဟ်တံရောၚ် ဘပဠကၠုၚ်ရ။
သ္အာၚ်နူဂှ်ပၠန် ယဝ်ရမၞိဟ်တြုံၜါတၠ ဍိုက်ကွဳလိုန်ဓာတ်တုပ်ပ်၊ လက္ကရဴကွဳလိုန်ဓာတ် မၞိဟ်ဗြဴဒဳတံဂှ် မၞိဟ်တြုံဍိုက်ဗက်ကၠုၚ်မ္ဂး ညံၚ်ဂွံရပ်ဂွံဂှ်ကီု ယဝ်ရဒဳဓရိပ်ဏာမ္ဂး သွက်ဂွံပန်ပှော်ရပ်စပ်တံ မပါလုပ် အခိၚ်ဗ္တံ သ္ဇက်ဒှ်သၠေဟ်ပၟာဆဵုမ္ဂး သွက်ဂွံပန်ပှော်ရပ်စပ်ကဵုဂှ်လေဝ် စၞောန်ပ္ညုၚ်လဝ်ရ။
ပ္ဍဲပွိုၚ်ဍုၚ်ၜဳကလေၚ်ဂှ် ဗွဲကြဴဒပ်ပၞာန်သီအဝဵုတုဲ ဂကောံဒပ်ကံၚ်ဇြဳပၞာန်တံ ဒးဒုၚ်ဗ္တိုက်ဒၟံၚ် မွဲဏှမွဲဏှတုဲ မၞိဟ်တြုံၜါတၠ ညံၚ်ဂွိုအ်ဍိုက်ကွဳလိုန်ဓာတ်တုပ်ပ်ဂှ်ကဵု လက္ကရဴကွဳလိုန်ဓာတ် မၞိဟ်ဗြဴဒဳတံဂှ် မၞိဟ်တြုံဍိုက်ဗက်မ္ဂး ကေတ်အရေဝ်ရောၚ်ဂှ် ကံၚ်ဇြဳပၞာန် လလောၚ်ပ္တိတ်လဝ် ပ္ဍဲဂိတုအဝ်ဂါတ် သတ္တာဟပထမဂှ်ရ။
ပရိုၚ်−သြၚ်လောန်တိုၚ်(မ်)