မတ်မလီု – အံက်တဝ်ဗာ(၁၉)
ပ္ဍဲဒေသပၞာန် စၟတ်(၁) အလဵုအသဳညဳသၟဟ်ကောန်ဂကူဂှ် ပ္ဍဲကဵုပေါဲဗတိုက်က္တဵုဒှ်လဝ် ပွိုၚ်မွဲဂိတုဏံ လ္ပာ်ဒပ်ပၞာန် ဒးချိုတ်လဝ် (၁၇၅)တၠတုဲ ဇီုကပိုက်ဒးလဝ်ဝပ် (၃၀၁)တၠရဂှ် ဌာနဝန်ဇၞော်ပရေၚ်စဵုဒၞာ (NUG) လလောၚ်တြးလဝ် ပရိုၚ်ရ။
ဒပ်ပံၚ်ကောံ ဒပ်စဵုဒၞာညးဍုၚ်ကွာန်တအ်ကဵု ဒပ်ကံၚ်ဇြဳပၞာန်တအ်ဂှ် ပ္ဍဲကဵုပေါဲဗတိုက်ပွိုၚ်မွဲဂိတုဏံ အပံၚ်လၟိဟ်ပေါဲဗတိုက် စဵုကဵု (၃၂၃) ဝါ က္တဵုဒှ်လဝ်ရဂှ် ဂွံတီကေတ်ရ။
ပ္ဍဲကဵုပေါဲဗတိုက်တအ်ဂှ် သီဂွံလဝ် နူကဵုလ္ပာ်ကံၚ်ဇြဳပၞာန် ပါလုပ်သီုလွဟ်လက်နက် (၆၄) ဒကိုအ် မကမ်ဗွဲမဂၠိုၚ်ဂၠေၚ်ရဂှ် ဟီုလဝ်တုဲ လ္ပာ်ဒပ်ပံၚ်ကောံ ဒပ်စဵုဒၞာညးဍုၚ်ကွာန်ဂှ် ဒးပြဟ်လလုဲလဝ် (၄၂)တၠတုဲ ဇီုကပိုက်ဒးလဝ်ဝပ် (၂၉)တၠရဂှ် ဂွံတီကေတ်ရ။
ပ္ဍဲကဵုပေါဲဗတိုက်တအ်ဂှ် PDF ၊ ပ.က.ဖ မၞုံသၟဝ်ပရေၚ်ကောပ်ကာဲဒေသပၞာန် စၟတ် (၁) ကေုာံ ဂကောံ EROs ပံၚ်ကောံဗတိုက်လဝ်ရ။
ပ္ဍဲဒေသပၞာန် စၟတ် (၁) ဌာနဝန်ဇၞော်ပရေၚ်စဵုဒၞာ အလဵုအသဳညဳသၟဟ်ကောန်ဂကူဂှ် ရးသေတ်ဂါၚ်၊ ရးမဂွေ၊ ရးအၚ်ဝ ကေုာံ တွဵုရးသေံသၟဝ်ကျာတအ်လေဝ် ပါလုပ်ရ။
ပရိုၚ် – သြၚ်လောန်တိုၚ်(မ်)
ဗီု – MOD
sanlontai