ပ္ဍဲတၞၚ်သြဳ ကၠောန်ဗဒှ်လဝ်ပေါဲစှ်ေဘာပၞာန်မောန်မာန်

တၞၚ်သြဳ – အံက်တဝ်ဗာ(၂၄)

ပ္ဍဲတိဍာ်ဂကောံစဵုဒၞာညးဍုၚ်ကွာန် ရးတၞၚ်သြဳ ဌာနဝန်ဇၞော်ပရေၚ်စဵုဒၞာ၊ အလဵုအသဳညဳသၟဟ်ကောန်ဂကူမွဲဒၞာဲဂှ် ကၠောန်ဗဒှ်လဝ် ပေါဲစှ်ေဘာမောန်မာန်ရဂှ် Tanintharyi Defense Guerrilla Force လလောၚ်တြးလဝ် ပရိုၚ်ရ။

ကၠောန်ဗဒှ်လဝ် ပ္ဍဲကဵုဂိတုအံက်တဝ်ဗာ စၟတ်တ္ၚဲ (၂၀) တုဲကၠုၚ်တေံဒှ်တုဲ နူညးတာလျိုၚ်ပရေၚ်ပၞာန် ဟီုလဝ်ဂလာန်ဗ္ကန်တုဲ၊ နူကဵုပ.က.ဖ ပွိုၚ်ဍုၚ် ဟီုထ္ၜးလဝ်ကဵု ဒ္ဂေတ်ဝတ်စေဝ်ပၞောန်သ္ဂံၚ်တအ်ဒးဒ္ဂေတ်ဗက်ကဵု တာလျိုၚ်ဒးကၠောန်တအ်ရဂှ် ဂွံတီကေတ်ရ။

သ္အာၚ်နူဂှ်ပၠန် အခန်ကၞာစှ်ေဘာဂှ် လိက်သဝဏ် ဒုဝန်ဇၞော်ပရေၚ်စဵုဒၞာ NUG နာဲကောရတ် ပလံၚ်ဗစိုပ်လဝ်ဂှ် ညးတာလျိုၚ်ဂကောံစဵုဒၞာညးဍုၚ်ကွာန် ဗှ်ပၟိၚ်လဝ်ရဂှ်ဂွံတီကေတ်ရ။

သ္ဂံၚ်စှ်ေဘာတန်ဗ္တောန်တအ်ဂှ် ဖ္ဍောတ်လဝ်သစ္စအဓိဌာန်ကီု၊ ပၠလဝ်ဒပ်ဇက်ဂၠောဲတိုန်လဝ်ကီု၊ ရှ်ေသှ်ေလဝ်အလာံဒပ်ကီု ကၠောန်သ္ပလဝ်တုဲ ညးဍုၚ်ကွာန်တအ် ကွက်ကဵုလဝ်ဇၟန်ပ္ကဴ ဒုၚ်တၠုၚ်လဝ်ရဂှ်ဂွံတီကေတ်ရ။

ဗီု – Tanintharyi Defense Guerrilla Force