ဍာ်ဗု၊ ဖေဖဝ်ဝါရဳ ၂၄
ပ္ဍဲဒေသ (ကံပေါက်) ပွိုၚ်ဍုၚ်ဍာ်ဗု ရးတၞၚ်သဳဂှ် ပ္ဍဲဂိတုဖေဖဝ်ဝါရဳ စၟတ်တ္ၚဲ ၁ စဵုကဵု စၟတ်တ္ၚဲ ၂၀ အပ္ဍဲပွိုၚ်ပိသတ္တာဟ ပါလုပ်သီုကဵုအ္စာၝောံ CDM တံဂှ် ညးဍုၚ်ကွာန်ကောန်အရာပ်ဒေသ ၁၄ တၠ ဒးဒုၚ်ရပ်လဝ်ရောၚ် ဂွံတီကေတ် အတိုၚ်ဂလာန်ညးဒေသတံရ။
အပ္ဍဲဂိတုဖေဖဝ်ဝါရဳ သတ္တာဟပထမ ကြဴနူအ္စာၝောံ CDM ညးဒေသ(ကံပေါက်) ဒဝ်ကေဂျာဥူ ဒးဒုၚ်ရပ်တုဲ ဒပ်ကံၚ်ဇြဳပၞာန်ဂှ် နကဵုတၚ်ထ္ၜးဟိုတ် ဆက်စပ်ကဵုဂကောံဒပ်စဵုဒၞါညးဍုၚ်ကွာန် PDF နွံဂးတုဲ ရပ်ဒက်ကၠုၚ်လဝ် ညးဒေသတံ အဆက်က်ရ။
ညးဒးဒုၚ်ရပ်ဂမၠိုၚ်ဝွံ အ္စာၝောံ CDM ဒဝ်ကေဂျာဥူ၊ ဒဝ်ယေန်န်အေ၊ ဒဝ်နဳလာသာန်၊ ဒဝ်တိတ်တ်မန်၊ တၠဆေၚ်ဖျာ ဒဝ်ချဵုချဵု၊ ဒဝ်ညဵုညဵုတံပါလုပ်ဂှ် ညးဗြဴ ၁၂ တၠ ကေုာံ မၞိဟ်တြုံ ၂ တၠ ပါလုပ်ရောၚ် သ္ဂးရ။
ညးဒးဒုၚ်ရပ်ဂမၠိုၚ်ဝွံ တ္ၚဲဏံ စဵုကဵုဂိတုဖေဖဝ်ဝါရဳ ၂၃ ဂှ် ကလေၚ်ဗလးကၠုၚ်လဝ်ဟွံမွဲဏီတုဲ ကဵုဂြောဝ်ဂတာတံဂှ်လေဝ် ဟွံဂွံအဆက်ပုဟ်ဂှ် ဂွံတီကေတ်ရ။
မၞိဟ်ဒးဒုၚ်ရပ်တံဂှ် ရပ်ဒက်လဝ် ပ္ဍဲကဵုဌာန်ဂအုပ်ဒပ်ဍာ်မဝ်ရဝတဳ ကံၚ်ဇြဳပၞာန် ဖျေံသ္ဇိုၚ်(ကံပေါက်) ဂှ်တုဲ ကၠောန်သ္ပစၟဳတ်ဒၟံၚ်ဂှ် ဂွံတီကေတ် အတိုၚ်ဂလာန် ညးဒေသတံရ။
အတိုၚ်တၚ်လလောၚ်တြး ဂကောံမၚ်မွဲရီုဗၚ်ကောန်ထံၚ်ပရေၚ်ဍုၚ်ကွာန် AAPP ဂှ်မ္ဂး အပ္ဍဲကာလသီအဝဵုဏံ ပ္ဍဲရးတၞၚ်သဳ ညးဍုၚ်ကွာန်ကောန်အရာပ် ဟွံအောန်နူကဵု ၁၅၀၀ ဒးဒုၚ်ရပ်လဝ်ဂှ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−Social Media