ကဏ္ဍ ဒး၊ ဗၠေတ်

ဗွဲကြဴဒပ်ပၞာန်သီအဝဵုတုဲ စပ်ကဵုပရေၚ်ချဳဒရာၚ် ပၠန်ဂတးညးဍုၚ်ကွာန်တံတုဲ ပရိုၚ်ဗၠေတ်၊ ပရိုၚ်ပ္တောံ မပြးဒၟံၚ် လ္တူဇာဇၞိက် ပရေၚ်မၞိဟ်တံဂှ် ပိုယ်တံ စၟဳစၟတ်ကဵုအာရောၚ်။

တ္ၚဲဏံ ပရိုၚ်ညးထံက်ဂလာန်ဒပ်ပၞာန်တံ မတြးဒၟံၚ် “ဒက်ပ္တန်လဝ် ဂကောံ Arakan Army (AA) ပ္ဍဲဒပ်ပၞာန်ဗေန်ဂလာဒေတ်” ဂှ် စၟဳစၟတ်ကဵုအာရောၚ်။

ညးထံက်ဂလာန်ဒပ်ပၞာန်တံ စတြးကၠုၚ်လဝ် ပရူဏံ ပ္ဍဲဂိတုသေပ်တေမ်ဗာ (၂၆) တေံရ။

စတြးကၠုၚ်လဝ် နူကဵုအကံက် မလေပ်တြးကၠေံ ပရူပရာထံက်ဂလာန်ဒပ်ပၞာန်ဂမၠိုၚ် နူကဵုအကံက် ကေုာံ မုက်လိက်ပရေၚ်မၞိဟ် ပရိုၚ်ကၟိန်ဍုၚ်နာနာတံ, shwe pyi taw, htay lwin, shwe sakarll တံ မဒှ်ရ။

မွဲကရောံကဵု က္ဍိုပ်လိက် “ဒက်ပ္တန်လဝ် ဂကောံ Arakan Army (AA) ပ္ဍဲဒပ်ပၞာန် ဗေန်ဂလာဒေတ်တုဲ ပၠောပ်ဏာ တွဵုရးရခေၚ် အပ္ဍဲကၟိန်ဍုၚ်ဍေံတံ” ဂှ် စချူတြးကၠုၚ်လဝ် သီုကဵုဗီုဓာတ်တံရ။

အကံက်ညးထံက်ဂလာန်ဒပ်ပၞာန်တံဂှ်

– https://bit.ly/3dEnavT

– https://bit.ly/3Re9nJW

– https://bit.ly/3fp2eJS

– https://bit.ly/3ReuVX3

နူကဵုသြန်လောန်တိုၚ်(မ်) စၟဳစၟတ်စမ်ရံၚ် ပရူပရာဏံဂှ် ဒဒှ်ရ ဒှ်ဒၟံၚ်ဆအယာံမာတ်ပရိုၚ်ဗၠေတ်မွဲဂှ် ဂွံတီကေတ်ရ၊ မုက်လိက် Facebook Page မတွံဂး Bangladesh Military Affairs  အကံက်ပ္တောံညးထံက်ဂလာန်ဒပ်ပၞာန်တံ မတြးဒၟံၚ်တံဂှ်လေဝ် ဒှ် Page ဒပ်ပၞာန်ဗေန်ဂလာဒေတ် ဍာံဍာံဟွံသေၚ်ရောၚ်။

စပ်ကဵုတၚ်နၚ်တံဏံတုဲ ထ္မံက်ထ္ၜးလဝ် ပ္ဍဲမုက်လိက်ဇာဇၞိက်ပရေၚ်မၞိဟ် ဒပ်ပၞာန်ဗေန်ဂလာဒေတ်ဇေတ်တ်တေံ ဟွံမွဲဂှ်လေဝ် ဂွံဆဵုကေတ်ရ။

Link မုက်လိက်ဇာဇၞိက်ပရေၚ်မၞိဟ် ဒပ်ပၞာန်ဗေန်ဂလာဒေတ်ဂှ် ပံက်ဗဵုကေတ် ဗွဲသၟဝ်တေံမာန်ရ။

သ္အာၚ်နူဂှ်ပၠန် ပ္ဍဲကဵုအကံက် ထလဳဂရာမ် ညးမၞုံအခေါၚ်ဟီုဂး AA ခါၚ်သုခဂှ်လေဝ် လလောၚ်ပ္တိတ်လဝ်ပရိုၚ် ဟွံမွဲဂှ် ဂွံဆဵုကေတ်ရ။

အကံက် ထလဳဂရာမ် ညးမၞုံအခေါၚ်ဟီုဂး AA ခါၚ်သုၚ်ခ ဂှ် ပံက်ဗှ်ကေတ် အတိုၚ် Link ဗွဲသၟဝ်တေံမာန်ရ။
https://t.me/khaingthukha/75

သ္အာၚ်နူဂှ်ပၠန် “ပ္ဍဲကဵုကိစ္စ ဒပ်ပၞာန်ဗၟာကဵု AA တံ ဗ္တိုက်ဒၟံၚ်ဂှ် ပိုယ်တံ ပါလုပ်ဆက်စပ် ဟွံမွဲပုဟ်” သာ်ဝွံ ဇၞော်သ္ကိုပ်ဒပ်ပၞာန်ဗေန်ဂလာဒေတ် သ္ကိုပ်ဗိုလ်ဇၞော် ဒပ်တိုက် အာတ်(သ်)အာမ် ယှာဝှဳအူဒေန် အာမက် ဟီုဂးလဝ်ဂှ် ဌာန်ပရိုၚ် Irrawaddy ထ္မံက်ထ္ၜးလဝ် ပ္ဍဲဂိတုသေပ်တေမ်ဗာ (၂၂) ဂှ် ဂွံဆဵုကေတ်ရ။

ဌာန်ပရိုၚ် Irrawaddy ထ္မံက်ထ္ၜးလဝ် ဍိုက်က်ပေၚ်ၚ်ဂှ် ဗှ်ရံၚ်ကေတ် Link ဗွဲသၟဝ်တေံမာန်ရ။
https://bit.ly/3SF0uKN

ဟိုတ်နူတၚ်နၚ်တံဏံတုဲ ပရိုၚ်ညးထံက်ဂလာန်ဒပ်ပၞာန်တံ မတြးဒၟံၚ် လ္တူဇာဇၞိက်ပရေၚ်မၞိဟ်တံ “ ဒက်ပ္တန်လဝ် ဂကောံ Arakan Army (AA) ပ္ဍဲဒပ်ပၞာန်ဗေန်ဂလာဒေတ်” ဂှ်ဝွံ ဒှ်ဆပရိုၚ်ပ္တောံ ညးထံက်ဂလာန်ဒပ်ပၞာန်တံ မတြးဒၟံၚ်မွဲရောၚ်ဂှ် စၟဳစၟတ်ကဵုလတ် သွက်ပုရိသာတ် ဌာန်ပရိုၚ်သြၚ်လောန်တိုၚ်(မ်) ပိုယ်တံရ။

သြၚ်လောန်တိုၚ်(မ်)