ၜဳကလေၚ်၊ ဖေဖဝ်ဝါရဳ ၁၁
ပေါဲဗ္တိုက်ဟွံမွဲမွဲသာ် ဒပ်ကံၚ်ဇြဳပၞာန် ထောံကၠုၚ်မခတိုဟ်ဗ္တိုက်ကၠုၚ် နကဵုက္ၜၚ်ကျာ ကုကွာန်တဂေလံၚ် ပွိုင်ဍုင်ၜဳကလေၚ် တွဵုရးဍုၚ်မန်ဂှ်တုဲ ဘာလကျာ်ကဵု သ္ၚိဒၟံၚ် ၁၇ မ ဇီုကပိုက်လီုလာ်အာလဝ်ရောၚ် KNU ဗဟဵု လလောၚ်ပ္တိတ်လဝ်ပရိုၚ်ရ။
ပ္ဍဲဂိတုဖေဖဝ်ဝါရဳ ၉ အခိၚ်လဒေါဝ်တ္ၚဲ ၜိုတ် ၁ နာဍဳဂှ် ဒပ်ကံၚ်ဇြဳပၞာန် ကၠုၚ်စိုပ်ထောံဏာလဝ်မခတိုဟ် လျိုၚ်ပံၚ် ၅၀၀ မွဲမ ပ္ဍဲကွာန်တဂေလံၚ် နကဵုက္ၜၚ်ကျာဂျက်ဖိုက်တာရ။
ဟိုတ်နူဒးဒုၚ်ထောံလဝ်မခတိုဟ်ဂှ်တုဲ ပ္ဍဲကွာန်တဂေလံၚ်ဂှ် ကျာ်စေတဳ၊ စမြိုၚ်သာသနာ၊ ဘာလကျာ်တံ မပါလုပ် သ္ၚိဒၟံၚ် ၁၇ မ ဇီုကပိုက်လီုလာ်အာလဝ်ရောၚ် KNU ဗဟဵု လလောၚ်ပ္တိတ်လဝ်ပရိုၚ် သီုစၟတ်သမ္တီဗီုဓာတ်ဂမၠိုၚ်ရ။
ကွာန်တဂေလံၚ် ဒပ်ကံၚ်ဇြဳပၞာန် မထောံလဝ်မခတိုဟ်ဂှ်ဝွံ ဒှ်တိဍာ်ခရိုၚ်သဓီု ဒပ်မဟာ ၁ ဗော်သွးကောန်ဂကူကရေၚ် KNU ရ။
ပရိုၚ်−သြၚ်လောန်တိုၚ်(မ်)
ဗီု−CJ