ကအ်ကြိက််၊ ဖေဖဝ်ဝါရဳ ၂၃
အပ္ဍဲကဵုပေါဲဗ္တိုက်ၜါလ္ပာ် မက္တဵုဒှ်လဝ် ပ္ဍဲကွာန်တၟိ ပွိုၚ်ဍုၚ်ကအ်ကြိက် တွဵုရးကရေၚ်ဂှ် ကောန်ဒပ်ကံၚ်ဇြဳပၞာန် မသုန်တၠ ချိုတ်တုဲ ပိတၠ ကလိဂွံလဝ်ဝပ်ရောၚ် ပ္ဍဲဂိတုဖေဖဝ်ဝါရဳ ၂၂ တေံ Justice Soldier PDF လလောၚ်ပ္တိတ်လဝ်ရ။
တုဲကၠုၚ်ပ္ဍဲဂိတုဖေဖဝ်ဝါရဳ ၁၈ တေံ ပ္ဍဲကဵုကွာန်တၟိ ဒပ်ပၠန်ဂတးတံ ထိၚ်ဒက်လဝ်ဂှ် ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်တုဲ ပေါဲဗ္တိုက်ၜါလ္ပာ် က္တဵုဒှ်လဝ် ကြပ်ပွိုၚ်မွဲနာဍဳရ။
အပ္ဍဲပေါဲဗ္တိုက်ဂှ် သီဂွံလဝ် နူကံၚ်ဇြဳပၞာန်ဂှ် သေနာတ် MA1 မွဲဇကိုအ်၊ မာၚ်ခတိုဟ်၊ ဂဥုဲမကမ် ကေုာံ ဂဥုဲၜူမာဲတံ မဒှ်ရ။
ပ္ဍဲကဵုကောန်ဒပ်ကံၚ်ဇြဳပၞာန် ပါလုပ်ကၠုၚ် ပ္ဍဲပေါဲဗ္တိုက်ဏံဂှ် ကောန်ဒပ်စှ်ေနူတန်ဗ္တောန်ကွတ်ပၞာန် ပါလုပ်ဒၟံၚ် ဗွဲမဂၠိုၚ်ဂၠေၚ်ဂှ် ဂွံဆဵုကေတ်ရောၚ် သ္ဂးရ။
အခိၚ်လၟုဟ်ဂှ်လေဝ် အကြာဒပ်ကံၚ်ဇြဳပၞာန်ကဵု ဒပ်ပၠန်ဂတးတံဂှ် ပေါဲဗ္တိုက်ဆေၚ်မုက် ဆက်က္တဵုဒှ်ဒၟံၚ် ကြပ်အရိုဟ်ဒဒှ်တ္ၚဲတုဲ နကဵုကောန်ဒပ်ကံၚ်ဇြဳပၞာန် သှ်ေဒၟံၚ်ဂမၠိုၚ် လ္ပဒစဵုဒစးဆန္ဒညးဍုၚ်ကွာန်တုဲ သွက်ဂွံဒတူလိုၚ်ကရောံညးဍုၚ်ကွာန်တံဂှ် Justice Soldier PDF ဖ္တိုက်ဖ္အောဝ်လဝ်ရ။
ပရိုၚ်−သြၚ်လောန်တိုၚ်(မ်)
ဗီု−Justice Soldier PDF