တၞၚ်သဳ၊ မာတ် ၁၂
ပ္ဍဲရးတၞၚ်သဳ ပ္ဍဲပွိုၚ်ဍုၚ်တၞၚ်သဳဂှ် ကောန်ဒပ်စှ်ေနူတန်ဗ္တောန်ကွတ်ပၞာန်ၜါတၠ လုပ်ဖျေံလဝ်လွဟ်ရောၚ် ပ္ဍဲဂိတုမာတ် ၁၁ တေံ ဂကောံစဵုဒၞါညးဍုၚ်ကွာန် ပွိုၚ်ဍုၚ်တၞၚ်သဳ လလောၚ်ပ္တိတ်လဝ်ပရိုၚ်ရ။
ကောန်ဒပ် မာၚ်မျဵု ကေုာံ ဂျာဂျာတံၜါတၠ စှ်ေနူတန်ဗ္တောန်ကွတ်ပၞာန်လၟေၚ် ၁ တုဲ မကေတ်ဒၟံၚ်လျိုၚ် ပ္ဍဲတမ်ဒပ်ခလရ စၟတ် ၂၈၅ ဖျေံသ္ဇိုၚ်ဍုၚ်ပဠဝ်ဂှ်ဝွံ တုဲကၠုၚ်ပ္ဍဲဂိတုဖေဖဝ်ဝါရဳ ၁၂ တေံ ကေတ်ကၠုၚ်အဆက်ကဵုကောန်ဂကောံပကဖတံတုဲ လုပ်စိုပ်ဖျေံကၠုၚ်လွဟ်ရ။
ညးတံၜါတၠဝွံ ကြဴနူဂြိပ်တိတ်ကၠုၚ် နူကဵုအပ္ဍဲပေါဲဗ္တိုက်ကွာန်တုၚ်ဃောန် ပွိုၚ်ဍုၚ်တၞၚ်သဳဂှ်တုဲဂှ် လုပ်စိုပ်ဖျေံကၠုၚ်လဝ်လွဟ် ဇရေၚ်ဒပ်စဵုဒၞါညးဍုၚ်ကွာန်တံရောၚ် ညးတာလျိုၚ်ဂကောံစဵုဒၞါညးဍုၚ်ကွာန်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ကောန်ဒပ်လုပ်စိုပ်ဖျေံကၠုၚ်လွဟ်ၜါတၠဂှ်ဝွံ ဟိုတ်နူကောန်ဒပ်ကံၚ်ဇြဳပၞာန်တံ ရပ်ဒက်ပဝ်တာ၊ ဟိုတ်နူဒးဒုၚ်ကော်ကၠုၚ်ကဵုလုပ်ပၞာန် နူကဵုသ္ၚိညးတံဂှ်တုဲ စိုပ်ကၠုၚ်လဝ်အပ္ဍဲဒပ်ပၞာန်ဗၟာရ။
သွက်ညးလုပ်စိုပ်ဖျေံကၠုၚ်လွဟ်ၜါတၠဂှ် ဖန်ဇန်လဝ်ကဵု ပရေၚ်စသုၚ်မံၚ်စံၚ်တုဲ မွဲတၠဂှ်တှ်ေ တုပ်လဝ်စိုတ် သ္ဂောံပါလုပ်အာ ပ္ဍဲကဵုကမၠောန်ပရေၚ်ဗ္တိုက်ကံၚ်ဇြဳပၞာန်တံဂှ်ရောၚ် သ္ဂးရ။
အပ္ဍဲကာလပၞာန်သီအဝဵုဏံ ကောန်ဒပ်ကံၚ်ဇြဳပၞာန် လုပ်စိုပ်ကၠုၚ် ဇရေၚ်ပကဖ ပွိုၚ်ဍုၚ်တၞၚ်သဳတံဂှ် နွံကၠုၚ် စဵုကဵုဒ္စါံတၠရောၚ် ဂွံတီကေတ်ရ။
ပရိုၚ်−သြၚ်လောန်တိုၚ်(မ်)
ဗီု−Tanintharyi PDF